מכתב: Halper 389
מכתב Halper 389תגים
תאריך קלט
נמצא בPGP מאז 2017תיאור
Letter from Salāma b. Mūsā of Sfax, in Mazar, Sicily, to his partner Yehuda b. Moshe b. Sughmār, in Fustat. In Judaeo-Arabic. The longest letter in the Geniza. Dating: Early 1060s according to Ben-Sasson, based on the military disruptions mentioned. 7 September 1064 according to Gil, based on his identification of the battle discussed as that between the Qā'id of Sfax and the Zīrid ruler Tamīm b. Muʿizz on that date. Many details about a wide variety of commodities are mentioned, as well as financial transactions. "In essence, this long letter had a single purpose: to convince Yehuda b. Sughmār, Salāma's partner, not to dissolve the relationship between them." Salāma in fact agrees to the dissolution of the formal partnership (ṣuḥba), "I got your letters this year, and you swore that you wanted to dissolve. I want this to happen even more than you do. If the partnership continues there will be discord. . . . Now we no longer feel as we used to, when we relied on each other" (v4–5, 30). Despite this, Salāma suggests other ways of continuing their relationship, including Yehuda's mentoring of Nissim, a new junior associate Salāma is sending to him, and Yehuda's sending Salāma some goods in agency. Jessica Goldberg, Trade and Institutions, pp. 296–99 ("Salāma b. Mūsā's Disastrous Year"). Salāma opens with his shock and dismay at the letters full of blame that he had received from Yehuda. "I had expected you to congratulate me on my survival in al-Mahdiyya, my deliverance from destruction, and the terrible ordeal (al-mawqif al-ʿaẓīm, also mentioned in r23) that I would not wish on anyone. I was bound (kutiftu) and almost killed (or executed, ʿuriḍtu ʿalā l-sayf) four times (or five—the ink is flaked here). Even if there were no partnership (sharika), love, (mawadda), or association (ṣuḥba) between us, this would have been incumbent on you. Now, more than one year later, the terror has not subsided, rather the fright remains in my heart. My greatest trial in al-Mahdiyya was my concern for your business. . . ." Interestingly, when Salāma mentions Yehuda's illnesses of last year (mā laḥaqak tilk al-sana min al-ḍuʿf wa-l-tawajjuʿ, r75), there is not a word of the usual sympathy or congratulations on his recovery. Gil understands Halper 414 to be a follow-up from this letter; Goldberg believes that Halper 414, a small sheet, was inserted into Halper 389, which seems to agree with Goitein, who calls it a "continuation" of Halper 389 (see Goitein notes linked to PGPID 35364). Information from Goldberg, Ben-Sasson, and Gil. ASE; MR
Edition: Goitein, S. D.
Translation:
Halper 389 p. 1
תיעתוק
S. D. Goitein, unpublished editions.Recto
- סידי ומולאי אטאל אללה בקאה ואדאם סלאמתה וסעאדתה ונעמאה כתאבי אליך מן מאזר לז בקין מן אלול ען סלאמה ונעמה
- נשכר אללה תעאלי אסאלה אלמזיד מן כל כיר ונעלמו יא מולאי אני כנת מטלע לנאחיתך פוצל בן עבוד אלפיג ולם יצל אלי
- מעה מן קבלך כתאב פאשגל אללה סרי עטים תם דכר לי אן כאן לי מעה כתאב ואכד מנה פי אלמהדיה ולו וצל אלפיג
- לאן מנה כאן נסתדל עלי אלאשיא וסיימא פי אלרצאץ לאנה לאן פי אלשתא בח רבאעיה קנטאר פלמא וצלת אל
- מראכב רגע ביד רבאעי קנטאר ולהדא תחב כתב אלחואיג ווצלת כתבך פי אלמראכב ממלוא עתב ולום ויגב
- עליך תכתב אליי בגואב כתבי [ ] וגואבה וכנת מרתגי אן תהניני בסלאמתי מן אלמהדיה וכלאצי
- מן אלהלאך ואלמוקף אלעטים אלדי לם גרי לאחד וכתפת וערצת עלי אל סיף ה דפעאת ולו לם יכן ביננא שרכה
- ולא מודה ולא צחבה לכאן יגב עליך הדה ולי אליום סנה ובעד דלך מא הדאת רועתי אלא אלדעב פי קלבי ואכתר
- מא מצא בי ללמהדיה אהתמאמי באשגאלך ואחדה אלעדל ניל חתי נכלצה ואכרה מה נוגהה אליך לאנה חסבנא
- אן פי דלך ל פכאן בצד דלך וגרי עלי מוקף עטים וכנת מויס מן מאלי ורוחי אלי אן נצר אללא אלי בעין אלשפקה
- ותעטף עלי ואוראני קדרתה ובארכני בעפוה לא בזכו ולא במעבדין טבין אלא ברחמתה עשה עמי למען שמו
- והו באב כביר סאל ענה מולאי אלשיך אבי יעקוב יוסף בן פרח יערפך וכאן דלך כלה על(י י)די בעץ מן אצחאבנא
- חסאד אלנעם תם ואלל ] די[ם רמאו פי רמאחהם חתי אנהם דכרו אלעדל ניל קדאם מן אלסלטאן וכאן סבב דלך קולה
- אזן קלת מא מעי פיקול לי תצמן קלת מא ענדי מן יצמנני וקאל אליש יקול מא מעי ולה הנא עדל
- ניל בקק דינאר פגא הדה עליה אלי אן תכלץ מן הדה אלואחדה פלמא כרגת לם יכון גרץ סוי תגייבה ען אלעין מצית
- אלי גמאעה מן אצחאבנא עלי אני נתרכה ענדהם פלם ילסק אליי אחד כוף מן אלסלטאן וסיימא אן אלבאגיין יהוד
- אלדי יעלמו כל סוד ואול מן תברא ואללה מנה אכות]י[ גמיעא ובן עמך וכאלך וגמיע אצדקאי ואצדקאך פלמא
- ראית אלחאל ואנה אן בקי יומין יתלף פי תלך אליומין ימצי לסקליה אנפדתה ללגרב פחכם אללה
- תעאלי פיה ותלף ולם יגעלני לם נאכדה מעי פי אלקארב אלא כוף עליה לאני מא טלעת אלקארב אלא סרקה מכתפי בס
- סואל מן סאל פי והו יעז עלי אלסלטאן וכנת ואללה נחסב אן וגדוני פי אלמרכב סאיר תמצי רוחי וגמיע מא מעי פלו
- נטלע ומעי דינאר לא לרוחי ולא לנאס בעד מא שחדת דינאר וי דנאניר עלי אן לם יאכד מני אלסלטאן כרובי
- קאמת עלי הדה אלהזה ואללה בקריב מן ע דינאר עינא וראית דלך גנימא (!) ואנהא חלוה לו כאנת תש דינאר
- ענד כלאצי מן אלמוקף אלעטים וקד וגהת אליך קק דינאר מן אלמהדיה ולם באללה יחצרני פי אלמהדיה
- אלא זית עלי ידיי לזכאר בן מדון ואללה לקד בקי עלי ד דנאניר לקד וגהת לאעז אל נאס עלי והו פראג בן יחיי עם
- חסון יסלפהא לי פלם יפעל ולקד ערצת מן אלעדל ניל רבע קנטאר עלי אן נגד מן יחלני פלם נגד פוצלת אלי
- סקליה יום ראש השנה וגדת אלמראכב דאירה פי אלחאיט ולם ואללה וחק אלתורה נגד לי פי סקליה דינאר נאץ ועלי אן
- לי פיהא בצאיע בדינאר ואלפין וקד כלפת מן יביע לי אלכתאן פי שתא פוגדתה עלי חמלה פאמא אלכתאן כאן
- פי אלשתא בע וצלת וגדתה יסוא מ וליס יחל אחד פיה שי ומא תם פסחה לאכטא אל מראכב אלי אן נביע אל
- כתאן ונשתרי בתמנה שי ונוגהה תם אן אל זית וגדתה יסוא ה אקפזה בדינאר יכסר פי'ה רבע אלמאל וליס לי
- ואללה לכאצתי פי אלזית בדינאר ואחד אלא כלה כלטה ביני ובין קום מסלמין ויהוד מן אהל סקלי'ה וכנת כאתבתהם אני
- תרכת מולאי אלשיך יונה נ זק זית וכאן דלך צחיח ושרטה אנה אוסק ביד אנסאן מסלם כז זק עליהא מנקוש
- אסמך ואסמי וגההא למאזר לסלאמה בן יוסף אלקמחה יסוקהא פי אלמראכב אליכם פוצל אלמרכב לשאקה בעד
- מא טארבה אלעדו ואקעד אלמרכב פי ופרג אלמרכב ודכל אלמסלם יכתפי אלזית ובאעה בראיה ואשתרי בתמנה
- קמח ורגע לספאקס ולם ואללה יכלץ ראס אלמאל פקבח ואללה עלי נחסב עליך אלכסארה ובקית אלנ כאן עלי
- אנה יטלעהא פי מרכב בן למין אלדי כאן לשיך אבי עבדאללה פיקע חרכת אסטול ללמהדיה וכרוגה לספאקס
- וקד פצל מנה פי אלמרכב ו אזקאק זית וה קטראן ונחן עלי טלוע אלבקיה פוצל כבר אלאסטול זאחף
- פכשא אן יוסק אלבקיה פוצל אלאסטול ואכד אלמרכב יום אקלאעה ווצלתה אלקטאיע ללמהדיה ופרג גמיע מא
- כאן פיה ואכדה אלסלטאן אעני מא כאן פיה לספאקסין וללקאיד ונזל מן אלו זית מתאעך ג אגפאהא קבצהא
- סיידי אבי אלחסן אכיך עלי חמלהא מלא בחצרת חסון בן יחיי לאן למא טלבת אלוכיל במאזר ערפני חסון אנהא
- נזלת ואן קבצהא אכיך פוצל אלמרכב למאזר ופרג וקבצת מנה אלה קטראן וזקין זית ובקי ענד אלוכיל ואחד פקאל
- אנה צאע וכאן לה ענדי סלפת אליא ח דנאניר מסכתהא ולם נדפע אליה שי בסבב אלזק וכאצמתה מדה טוילה ולם נאכד
- שי רגע יטלבני באלסלפה פבעת אלזקין חצל פיהא מב רבאעי ובעת אלה קטראן פוצל פיהא מח רבאעי דלך
- צ רבאעי ובקית לנא אלצרפין פרג תסוא ו רבאעיה אלגמיע צו רבאעי ובקית אלג צרוף אכברהא ואפצלהא ענד
- אכיך תחמל ל מטר באלקרוי קימתהא עב רבאעי מן הדא אלביע וקד כתבת אליה עדה כתב ינפדהא אלי פלם
- יפעל וארגו אנה אנפדהא אליך או חאסבך בתמנהא והדא אלחאל אלדי אתלף אלעדל ולם נתכרה ענדה לאנה מאי קול
- באדאתך ואלדי וצל בה כתאב מולאי אלשיך אלדי וגב פי אלו אזקאק זית וה קטראן לד דינאר תגאריה ספאקסיה
- מנהא יח דינאר זית וצרוף ו דנאניר וי דנאניר קטראן דלך לד דינאר ולם יודי סלפה ואלצו רבאעי תנצאף אלי אל
- חסאב ואלדי אעלמך בה אן כאן ביננא אולא ד אעדאל כתאן וצלת לספאקס סלמא (!) באע מנהא מולאי אלשיך עדל סער
- ט דנאניר אלקנטאר וכאתבתה עליה ווגה לסוסה עדל באעה קריב מן הדה אלצורה מא נעלם אלסאעה תחקיקה
- ווגה אליך פי אלוקת ואלסאעה קק דינארא מע יוסף אלכב מנהא ק לכאצתנא וק ללכלטה ווגה אליך מן ספאקס מע
- עתמאן אלספאקסי י אזקאק זית וגראבין צאבון ודנאניר בקית אלק אלאכרה (!) תציר גמיע אלכלטה קק ואנפד איצא
- לכאצתנה צרירה פיהא כ דינאר תם אנפד מע חסין בן אלקרוי ס דינאר לכאצתנא וארתגינה אן תעמל מענא מתל
- מא עמלנא מעך פכרגת מן סקליה וכאתבתך בדלך מע אליוג ווגדת אלכתאן כאסד פי וקת אלזיתון יסוא י דנאניר
- אלקנטאר תם כאתבת ברוך ווגה אליי בקית תמן אלעדל לאך וחצל בה זית וכנת מנתטר לה יוגהה אליי אלי אן וגה וראי
- מולאי אלקאיד וכארגני אלי ינונש נקתצי לה אלאעשאר וכאן עלי אני נקים זית כתיר לך וגירך מן מאלי חתי תצל
- אלצרר פאפרקת דנאניר כתירה וחמלת אלאמר עלי סלאמה וכאן אלשי לי ולך ולגירך מן אהל סקליה מסלמין ויהוד
- ומן אהל טראבלס ומן אהל אלמהדיה פלמא תפרקת אלדינאניר וכארת ענד אלבדוין ואבתדאו פי אלתמרה וחאן וקת
- אקתצאהא וקעת כמא בלגך אלפתנה בין אלסלטאן ובין אלקאיד וזחף עסכר אלסלטאן לספאקס וכסר עסכר אלקאיד
- ופתח אכתר אלבלד ואכד מן יד אלראיד קצור אלסאחל כלהא אלדי עלי אלבחר ואכתר עמאלתהא מלכהא אלסלטאן ונאדא
- אלסלטאן פי אלמנאזל מן אעטא אלי ספאקסי קפיז זית חל מאלה ודמה ולם יתבקא פי עאלת אלקאיר מן אלתי לי
- עליהם אלאסכאך אלא אליסיר ואמא אלכל פי עמאלת אלסלטאן ובאללה לקד כאן לי ענד רגל ואחד ק דינאר עלי
- ה אלאף קפיז זית ורגע פי עמאלת אלסלטאן ללאן לם נאכד מנה שי פבעד דלך וצלת פי שבועות לספאקס
- מן ינונש וגדת אלכתאן תחציא בעת אלעדלין בצבר לסכות אלעדל עלאמה בן צדקה ועדל בראני פבעת מנהם אל
- עדלין גמיעא ואחד בטו דינאר ואכר ביט דינאר וגב פי אלעדלין עלי אלתכמיס לאן אלחסאב וצחתה מא יחצרני
- פי הדא אלוקת מן קע דינאר אלי קסה אלי אן נחקק חסאבהם מן מולאי אלשיך פבעד בדלך וצלת אלמראכב ורגע
- אלכתאן בח דינאניר אלקנטאר פגרי ביננא ובינהם כצום עטים ולולא אלגאה ואיצא אלקום אמליא ואשהדנא
- עליהם באלדנאניר ולם יעלמו אלשהוד אננא בענא מנהם כתאן לנא טלבנאהם פי אלדנאניר ואנכרנא בענא מנהם
- כתאן פמא כאן נאכדו מנהם שי ובאללה לולא ופקנא בהם ואכדו מנהם אלראהם ונרפקוהם פי אלצרף ואלנקד למא
- אנחלנא והדא כלה למא יצל אליך מן אלנפע ובאללה מא בקיית כתאני אלא פי ספאקס וסקליה מא קדרת נביעה ללאן
- והו באקי מן סנתין כנת ענדכם ופצלת ביע אלכלטה עלי כאצתי ולקד וצל כתאב מולאי אלשיך ידכר אנה לם יקבץ
- בקית(!) תמן כתאן אלכלטה אלי אלסאעה וכאן מרתגי למא יצל מן קבלך אלסנה אלמאציה פוצל כתאבך תדכר אן וצל גמיע
- אלשי עלי חאל סלאמה ותדכר אמר אלס דינאר אלדי כאנת מע בן אלקביי אן וצל אליך כתאב אלשיך אבו אסחק ידכר
- אנהא וצלת סאלמא(!) ואנה עלי תוגיההא אליך לאנה כשי ידכר אנהא צאעת ותסאלנא נכאתבה ונלומה עלי
- אעאקתהא ואנך תקבצהא בעד אקלאע אלמראכב פקאס ענדנא אנך תקבצהא מנה והו אלדי אכרנא ען כתבתך
- וכאלה לך עליה תם דכרת מא לחקך תלך אלסנה מן אלצעף ואלתוגע ואנך אשתרית עדל ניל ועדל סקט ועדל פלפל
- בעד אן כלצת אלדנאניר אלתי לכאצתנא ואן כאן ללכלטה קק ואניף (!) פ דינאר ופי גמלתהא אלצ דינאר תבר אלדי
- וצלת אליך מן ענד ברוך ודכרת אנך אשתרית עדל פלפל וזנגביל ותבקא מן אלדנאניר אמא ק דינאר או צ דינאר
- ודכרת אן אלדי חצל לכם פי אלקכ דינאר כאצתכם גיד דינאר גיר אלס כרג מנהא לעמראן דינאר ואניף(!) ס דינאר סלף
- כאן לך ענדי אלבאקי אניף(!) צ דינאר אצפת אלי'הא אלדנאניר אלדי תבקאת בעד אלעדל פלפל ואשתרית בהא אלעדל
- ניל ומא האכדא יגב עליך לאן מא אמרתך בשרי אלניל תם אשתריתה ווגהתה ללמהדיה מא לם נאמרך ובעד דלך
- געלת פי'ה אלנצף ואלרבע לנא ואלרבע לך פכאן תגעלה חית פעלת הדא ללכלטה ותשתרי לנא אלשי נחן בכאצתנא
- נאחיה מא וצלת אליך בה כתבי ואמא מא אשתריתה ללכלטה מא לי עליך פי'ה אעתראץ כמא אן מא לך אנת אעתראץ
- לאכנה פעלת וגהין אשתרית לי מא לם נאמרך ווגהת ללמהדיה והא יאכי עמל מא נעלם איש
Right margin, diagonal written upside down.
- יגמע אללה עלינא
- ממא אנפדה מולאי אל
- שיך פי תלך אלסנה דינאר
- ואחד סוי אלכ דינאר אלדי
- כאנת לך סלף והדה אל
- ס דינאר אלתי נרתגי'הא
- אללה יעגל עלינא באל כלף
- ותלומני יאמולאי אלדי לם
- ננפד אליך פי תלך אלסנה
- אש..ת אלבצאעה אלתי
- תאכרת לך ענדי לך אולא
- ד אעדאל אסלפנא עליהא
- קק דינאר
- קאמת מענא לה
- סנתין וארתגינא אן אלס
- דינאר אלדי ענדך אלסכנדראני
- וצלת אליך ואיצא אללד
- דינאר תמן אלית ואל
- קטראן דלך קק צד
- דינאר מא אצן
- אן יחצל פי ד אעדאל
- הדה אלצורה בעד אלמוון
- ובקיית אלסלפה מוון
- אנפדת אליך סלף מן
- ענדי עלי אלראחל
- אלואצל פי תלך
- אלסנה קק דינאר
- אלואצלה אליך ביד
- אלשיך אבי יעקוב
- יוסף בן אלקאבסי
- ועלי אן נ זק חצל
- אליך תגי בקק
- דינאר פוצלת
- לסקליה בעד אן
- כתבת לברוך אן לא יעיק
- באקי תמן אללאך
- יוגהה וכנת נחסב
- אן חצל אליך
Top margin, diagonal written upside down.
- שש דינאר
- קק מן אטראבלס
- ות דינאר מן ענדי
- פאנעאק עליך
- אלזית אלדי בנחו
- קק דינאר
- ואמא אלדנאניר
- אלדי וגהת
- ביד אלשיך
- אבי יעקוב
- וצלת אליך
- ואל קק דינאר
- מן אטראבלס
- פוצלת לאן וצל
- אלי כתאב ברוך
- יסתגיר ויסתחכם
- אללה פינא
- לאני כתבת אליה
- ואנא נקול לה
- אנך לם תוגה שי
- פחלף פי כתאבה
תרגום
Halper 389 p. 2
Verso.
- אימאן עטימה ואסתשהד בר יוסף וגמאעה מן אצחאבנא אנה וגה אלצכה בחצרתהם מע בן .. ו בן לסכנדראני תם וצל אבי אלחסן
- בן אלרב אלסקלי ודכר לי אנהא וצלת אליך פמא נעלם איש הדה מנך איצא פי אטראחך להא ולם תדכר וצולהא לית שערי קבל
- מן אלחגה קבלי ולא קבלך והדא יאכי אללעג באלמהג כאן וגב עליך תגי ללאשיא מן אבואבהא פאן כאן אנעאקת תקול לי
- אנעאקת פי הדה אלסנה מא נלומך עלי אעאקתהא ווצלת כתבך אלסנה ואנת תסתגיר ותריד אלפרקה ואלדי ארדתהא אנא אכתר
- לאן אדא טאלת אלצחבה יקע אלמלל וקד טלעת ללמדינה עאמאול (!) בעד אקלאע אלמראכב פתחת אלעדל פלפל וגדת פיה אלזנגביל
- מקארב אסוד ולם ואללה נגד פי אלמדינה מן יחלני פיה בדרהם לא רום ולא גירהם וראני אלתגאר יזריו בי כמא נריהם ערצה קאלו כיר
- אן הדא אשתרינא בי דינאניר אלקנטאר פלמא לם נגד לה משתרי קאומתה עלי ואחד מן אצחאבנא בחצרה אלשיך אבו
- אברהם סער קע אלקנטאר ואצפת אלי'ה קנטאר ונצ פלפל סער קמא קנטאר בלג תמן אלגמיע ששח רבאעיה כתבת
- עליה בהא שטר ומצא בהא לבלד אלרום בשרכת אלנצף ובקא בקית אלעדל פלפל גא וזנה ג קנאטיר ותלת ואיצא כג רטל אביע
- מנה ואיצא יג רטל יכון גמלה וזנה תקיט ותלת אלחאצל פי אלג קנאטיר סט רטל ותלת תקמז רבאעי ותמן אלקנטאר
- ונצ אלזנגביל ששה רבאעי דלף אלף קנה רבאעי כרג מנהא מא דפעה אבי אברהם בקית סלפה ולואזם לב רבאעי ונצל אל
- אלף קכב רבאעי ונצ כרג למן כתב אלשטר רבאעי אלבאקי אלף קכא ונצף וינצאף לדלך קנה רבאעי אלדי בקאה ענדנא מן
- קבל וצולי מן אסכנדריה ואלצו רבאעי אלדי דכרת לך תכון אלגמלה אליך שעב רבאעי ונצ ענדך קק דינאר אלתי אנפדת אליך
- מן אלמהדיה סלף עלי הדא אלרחל אלמביוע תמן אלזפת ואלזית ואזנה(!) בצנגת אלמהדיה עליהא וכס ונקץ בין אלאוזאן סדס פי כל דינאר וגד קלג
- רבאעי תרכת מנהא יגי רבאעי עלי וגוה אלמ דינאר סניה תגאריה אלבאקי מן אלוכס קכ רבאעי תנצאף ללקק דינאר תכון
- אלגמיע רבאעיה תתקכ רבאעי אלבאקי מן אלחסאב תוב רבאעי ונצף ואמא אלשריך אלדי לבלד(!) אלרום אקאם
- אשהוד ולחקתה כסארה פעלקת עליה שבועה פסאלוני אצחאבנא נאכד מנה ראס אלמאל בעד אן נצתר מנהא
- בקה רבאעיה אלי חנוכה פפעלת דלך לעלמי בכסארתה ולם נפעל הדא חתי אוקפת אלשיך אבי אברהם וגירה פי אול
- אלשרכה וערפתהם אן הדא אלשי ביני ובינך תם וצלת כתבך אלסנה וצחבתהא ה אעדאל כתאן ורבע עלאוה נשאצר ואנת
- תאכד פי אלביע ואן לא נעיק עליך דרהם פלו אני ממן ירוד רגבה או רבח לבעתה וקת אן כאן בל רבאעי לאנה כאן יסוא אל
- כתאן וקת וצול אלמראכב אעאלאה בלה רבאעי קנטאר וגיר דלך מן אלהאבט פמסכת עליה ודורת מנה עדלין למאזר לאנהא
- אנהרשת ואנהרש מנה נחו קנטאר חתי לא יוכד פיה דרהם ואחד ולם יחצל פיה סוי רבע קנטאר בעתו בו רבאעיה
- ואלבאקי טין רמיתה אלבחר וחצל פי אלנשאצר מע אלכתאן אלמבלול ומע אלורד קכב רבאעי ונצ כרג מנהא לואזם אל
- אעדאל ואלסלפה סג רבאעי ונצף משרוחה חלם באללה יחצל פי אלורד סוי רבאעיין ונצ אלבאקי נט רבאעי תנצאף אלי תנב רבאט
- ונצ אלמדכורה פוק תכון אלגמלה תקיא ונצ וקד בעת אלעדלין אלדי ודת למאזר סער מ רבאעי אלקנטאר צח פיהא
- שמה רבאעי חבה חבה ואסלפת עלי אלג אעדאל אלבאקיה פי אלמדינה מע אלקה רבאעיה אלבאקיה ענד אלשיך
- ששנה רבאעי חתי תבאע אמא באלמדינה או במאזר יציר אלגמיע אלף תקיא רבאעי ונצ גיר מא יזיד עלי תמן
- אלג אעדאל חתי תבאע ותקקה יכרג מן הדה אלגמלה אלקה אלדי ענד אלשיך אלבאקי אלף תו ונצ וכצך מנהא תשג
- רבאעיה למא ראית יא מולאי אן שהותך אלפרקה פלם נריד נגברך עלי שי תם תחקק ענדי וצול אלצרה אלדי וגה ברוך מן
- אטראבלס אליך ואנפסנא ליס הי אלסאעה מתל מא כאנת וקאמת מן בעצהא בעץ פאוקפת אלש רבאעי חתי נרא מא יכצני
- פי אלצרה אלתי וצלת אליך מן ברוך תמן אללאך לאני ללאן לם נתבת כמייתהא ולא חסאבהא ומא געלני אוקפת אלש רבאעי
- אלא חסבת אן אלצרה קק דינאר יכצני מנהא ק דינארא (!) מנהא לר נהראי […] ל דינאר תכמיס תכרג מן אלק כאצתי
- יתבקא ע דינאר אוקפת פי'הא הדה אלש רבאעי פנחב תדפע לר נהראי מא לה ולא תעיקה ואנא מנתצר לכאתב ברוך
- בשרח אלחסאב וכתאב מולאי אלשיך בשרח אלד אעדאל ואלאלף רבאעי כאמלה סלף מן ענדי לאני ואללה מא קבצת מ
- תמן אלעדלין כרובה תם אנה כאן עלי אני ננפד אליך רבאעי'ה פקבחת עלי רוחי דלך וכאן עלי אני נגי בנפסי פראית אן פי ספרי
- אלסנה פסאד מן אשגאל תקף אלי וגה לאן גרי עלי פי הדה אלשתוה פי סקלי'ה אמור כבאר ואבאחוני קום מן אצחאבנא חסד בסבב
- אנהם ראוני סכנת אלגזירה ואשתרית במאזר דאר בש דינאר ווגהת ורא אהלי מן ספאקס והם עלי וצול והדא כלה למא
- ראית אמר וקף לוגהי ואפריקיה לא נקדר נסכנהא אמא סוסה ואלמהדיה לא נקדר נדכלהם ואמא בלדי פקד בעד עני מן
- …לה אלסלטאן להא ואנקטאע אספארהא פלמא חקקו סכנאי אבאחוני ענד אלמלך פלמא לם יתם להם מא ישתהיו ענד אלמלך
- רגע אדאני ענד אנסאן מסלם שריך לי יערף בעבד אללה גלאם צאחב אלסוק אסתגרמני קק רבאעי ואיצא ענד סודאן
- ואנא מעה ללאן פי אלכצום ויטלב יחלפני ומא כפאה חתי אדעא עלי באלמחאל ודלך אן אעטאני סודאן ק דינאר
- לה נצפהא אשתרית להם פי'הא צרוף ומליתהא זית ומונתהא ווצלתהא אליך פעלק עלי שבועה אני אקמת אל
- אמונה פי נצפה ואצחאבנא אלמסאפרין יערפוך ובאלה באב שהוה פאחתגת אן חלפת לה פלמא ראית אלחאל עלי הדה
- אלצורה געלת עלי נפסי בימין אני לא נכאלט אחד פי הדה אלסנה והו אלדי רגבני פי אלפרקה פלמא לם ותם לי איצא
- ספר שארכת שריך ואקמת לה תלת אלפצל פשארכת תמאם בן /ח/זרבי אלסקלי אלדי פי אלמדינה וכאן ביני ובינה עקד
- ונזלת למאזר ותרכתה פי אלמדינה אשתרי לי רעף אלשי ועלי אני נתם לה תמאם מא ביני ובינה מן ראס אלמאל ויטלע
- פי אחד אלמראכב פגרי יא מולאי אלאמר אלדי בלגכם פי וצול אלעדו וחיק אלמראכב פוצל אלי כתאב אלרגל בעד דלך למאזר
- ודכר אנה מא יסאפר ואנה כאף פאנטר לך מן יסאפר פכאן מעי סידי אבי אלפרג נסים פי אלבית ואנת תעלם אן לנא
- עליה תרבי'ה והו ענדי עוץ אך ראני קד חרת וצעב עלי הדא אלחאל בסבב אן חצל רחלי מוסק פי אלמראכב אלתי פי
- מאזר ואיצא פי אלמדינה פארדת נסאפר בנפסי כשית אן י/ת/הוא עלי גמיע מאלי פי סקלי'ה פלמא ראני נסים פי הדא
- אלחאל אוגעה פסאלתה ותט/ע/אכמת עלי'ה אן יטלע עלי הדא אל רחל וכאן רחלה מוסוק וגמיע חואיגה פי אלמראכב והו עלי
- אקלאע ללמהדיה פאודא ונזל וטלע עלי רחלה מן מצא מעה ללמהדיה ותולא רחל ובנפסה ועול עלי אלספר ולם תלחקך
- אלרגבה עליך /ב/מא אשתריתה לנפסי וראית מפסדה אן נוגה לך מתאעך פי וסט ואוקפת
- נסים עלי אן הדה אלק דינאר מתאעך תכון פי גמלה אל דנאניר אלתי ביני ובינה ואלדי ואקפתה עליה אן שש דינאר
- ביני ובינה כלתה וק דינאר לך תכן(!) תש דינאר שרח אלתש אשתרינא בהא נח קנטאר רצאץ ורבע ולה צלף זית
- וג קפאף נחאס גנגי מבלג תמנהא ת דינארא ותמן אלנחאס רצל מן אלמהדיה לאן אלנחאס פי אלמהדיה ובאע וידכל
- תמנה ב ויצל אליכם ובאקי אלתש אליכם מן אלמהדיה ואן תפצל אללה תעאלי
- ווצל אלגמיע עלי חאל אלסלאמה יבאע אלכל ויגמע תמנה ותקבץ מנה רבע אלמאל ק מן אלתש פאן כאן אלתצאע
Halper 414 p. 1
Halper 414 p. 2
