מכתב: T-S NS 308.119
מכתב T-S NS 308.119תגים
תיאור
Business letter from Musa b. Ishaq b. Hisda to Yosef b. Yaʿaqov ibn Awkal. This letter is a response to a letter sent by the addressee. The sender blames a third party, Yosef al-Sabuni, for slandering him. He also sends an account and complains that he does not have enough money for processing (beating flax) and packaging his goods. (Information from Gil)
Edition: גיל, משה
Translation:
T-S NS 308.119 1r
תיעתוק
משה גיל, במלכות ישמעאל בתקופת הגאונים (in Hebrew) (Tel Aviv: Tel Aviv University, 1997), vol. 2.Recto
- כתאבי אליך יאשיכי ורייסי וגלילי וכבירי אטא<ל> אללה בקאך ואדאם געמאך
- ותולאך ורעאך ומן תופיקה לא אכלאך ען סלאמה ושגל פי אלקלב ממא
- ורד עלי קלבי מן סאעת אן וקפת עלי כתאבך ומא כאן ענדי אלא א[רא]
- ענדך אגל מן האדא אלדי כאתבתני בה סמעת עני כלאם אלסוי מתל
- יוסף וגירה ממן בלג אלקביח ואשגל קלבך ומא כאן ענדי אן תקבל כלאם
- אלגיר לאנך תעלם חאלי קדים וחדית ותערף אצלי ומא אנא ממן יגרי
- מני מא יוגב כתאבך ואמא שרא אלפואת פקד אשתרית מנהא פי טול
- האדי אלמדה ניף ותלתין פוא ומא הי שי אן תכתלט מע כתאנך ולך
- חצלת מנהא פוא פי גמלה אעדאל למא אכתלטת ומע האד'א לו עלמת
- אן יקע פי קלבן מן דאלך אמר למא אשתריתהא ולא גוזת בהא מן מאלי
- כסר קליל נשתרי בה פוא ופוא תקע צאלחה אלא וקת פרוג פאדא
- לם תכתאר דאלך אנא נקטע שראהא באלכוליא פתעלם ד'אלך
- ואמא מא ד'כרתה מן אכראג אלחסאב ותוגיהו אליך לתעלם פאש כרגת
- אלדנאניר סאעת אן וקפת עלי כתאבך אכרגת אלחסאב וגהת אליך
- נסכתה תקף עלי [צ]חתה אן שא אללה והו מע דרג כתאבי האד'א מע אל
- צבי יעקב תם ד'כרת אן לא תוגה נפקה אלא אן יצל אליך אלחסאב
- ומא בקי מעי פי יומי האדא סוא ז דגאניר רבאעיא בעצהא נאקצ'א ואכרגת
- מן ענדי ח' דנאניר עין דפעתהא ללאוגרא ערפתך ד'אלך ומא כלאתני
- נפסי אן נכתב אליך בלא רסול לאן יטול תאכר אלנפקה עני מן ענדך
- פראית אן נוגה אלצבי יעקב אליך יחותך פי תוגיה אלכסר לא ינפסד
- עלי גמיע מא עמלתה ויגי אלאגיר יטלב מני דין מא יגדה ענדי
- ימור ענד גירי וינפסד עלי אלאמר והאדי סנה מא הי מתל כל סנה
- אלאגיר עזין ובלגני אן אלנפץ' בבוציו דינרין אלק' פוא ומא יחצל
- [ ] יראה אנה יעמל ענדה אלא באטל ומא יאמן בה לא
- יפסדה אלגייר ט'לום אערפתך ד'אלך ובאללה יאשיכי אן אלכתאב בידי
- ואנא נכתב פיה ומא נטול לרוחי ממא אשגל קלבי כתאבך מן גיר סבב
- ומע האד'ה אללה יעלם אלל[ ] וכיף אנא לך וחוטתי ואחתראזי עלי מאלך
- ומא הו שי אן יתשערה האדא עלי פרץ' ומא תוג'ב אל[ ] סלם
- אלאנסאן מאלה לצאחבה יעמל פיה חסב מא [ ] ואנא והו
- עאלם מא עאמלתה פי מאלה הו אטלע עלי [ ] מא נשרח אכתר
- מן האד'א וקד וצלת אלקפלין ואלברניא אללה [ ] ואנא אסאל מולאי
- אן יוגה אלי רטל תמר הנדי ורטלין ענאב ורטל [ ]
- וקדח סבסתאן אלד'י כאן מעי
- תלפה
Right margin
- יוסף אכתרה ומא יתבקא ענדי אלא אליסיר פאן כאן מולאי אלשיך אכד מן חיים אלתלתיי די'נ' יתפצ'ל יזיד לי עליה מן ענדה תמאם
recto
- כתאבי אליך יאשיכי ורייסי וגלילי וכבירי אטאל אללה בקאך ואדאם נעמאך
- ותולאך ורעאך ומן תופיקה לא אכלאך ען סלאמה ושגל פי אלקלב ממא
- ורד עלי קלבי מן סאעת אן וגפת עלי כתאבך ומא כאן ענדי אלא אנני
- ענדך אגל מן האדא אלדי כאתבתני בה סמעת עני כלאם אלבגי מתל
- יוסף וגירה ממן בלג אלקביח ואשגל קלבך ומא כאן ענדי אן תקבל כלאם
- אלגיר עלי לאנך תעלם חאלי קדים וחדית ותערף אצלי ומא ארא ממן יגרי
- מני מא יוגב כתאבך ואמא שרא אלפואת פקד אשתרית מנהא פי אול
- האדי אלמרה ניף ותלאתין פוא ומא הי שי אן תכתלט מע כתאבך ולך
- חצלת מנהא פוא פי גמלה אעדאל למא אכתלטת ומע האדא לו עלמת
- אן יקע פי קלבך מן דאלך אמר למא אשתריתהא ולא גוזת בהא מן מאלי
- כסר קלת נשתרי בה פוא ופוא תקע צאלחה אלא וקת פרכהא ואדא
- לם תכתאר דאלך אנא נקטע שראהא באלכוליה פתעלם דאלך
- ואמא מא דכרתה מן אכראג אלחסאב ותוגיהו(!) אליך לתעלם פאש כרגת
- אלדנאניר סאעת אן וקפת עלי כתאבך אכרגת אלחסאב וגהת(!) אליך
- נסכתה תקף עלי צחתה אן שאללה והו מע דרג כתאבי האדא מע אל
- צבי יעקב חתי דכרת אן לא תוגה נפקה אלא אן וצל אליך אלחסאב
- ומא בקי מעי פי יומי האדא סוא ז דנאניר רבאעיא בעצהא נאקצה ואכרגת
- מן ענדי ח דנאניר עין דפעתהא ללאוגרא ערפתך דאלך ומא כלאתני
- נפסי אן נכתב אליך בלא רסול לאן וצול תאכר אלנפקה עני מן ענדך
- פראית אן נוגה אלצבי יעקב אליך יחותך פי מגיה אלכסר לא ינפסד
- עלי גמיע מא עמלתה ויגי אלאגיר יטלב מני דינר מא יגדה ענדי
- ימור ענד גירי וינפסד עלי אלאמר ודאדי סנה(!) מא הי מתל כל סנה
- אלאגיר עזיז וכלאנא אן אלנפץ בבוציר דינרין אלק פוא פימא יחצל
- ולא יום . . . . . . . . . . . . . אלמאל ענדה אלא באטל ומא יאמן בה לא
- יפסדה אלגייר עליה ערפתך דאלך ובאללה יאשיכי אן אלכתאב בידי
- ואנא נכתב פיה ומא נעקל לרוחי ממא אשגל קלבי . . . ק מן גיר סבב
- ומע האדא אללה יעלם אל . . . וכיף אנא לך וחוטתי ואחתראזי עלי מאלך
- ומא הו שי אן נתשכרה האדא עלי פרץ ומא תוגב אלדיאנה אד אסלם
- אלאנסאן חאלה לצאחבה ועמל פיה חסב מא תוגבה אלדי אנה והו
- עאלם מא עאמלתה פי חאלך הו מטלע עלי [[…]] ומא נשרח אכתר
- מן האדא יקד וצלת אלגפלין ואלברניה אלת[אניה] . . . . ואנא אסאל מולאי אן
- אן(!) יוגה אלי רטל תמר הנדי ורטלין ענאב ורטל…
- וקדח סבסתאן אלדי כאן מעי
- תלפה
right margin, at 90 degrees to main text
- יוסף אכתרה ימא אתבקא(!) ענדי אלא יסיר פאן כאן מולאי
- אלשיך אכד מן חיים אלתלתין דינ יתפצל יזיד לי עליה מן ענדה תמאם
תרגום
T-S NS 308.119 1v
Verso
- תמן אלכסא מן די'נ' ורבע האבט פאד'א בעת אלנטע תקבץ' תמנה
- ואן אתבקא עלי שי תתבתה עלי ערפתך ד'אלך לתקף עליה קראת
- עלי רוחך אלשריפה אפצ'ל אלסלאם וסיידי אבו אלפצ'ל אלסלאם
- ואלשיך אבו הארון יערפך חאל יוסף אלצאבוני ואעמאלה אל
- קביחא ומא אשך אן אלסכר ענדך וקד וגהת רסול אלא יחיי ולם
- יגי אלא אסעה ארגו אנה יגי ויסהל אמרה אן שא אללה ותבלג אלשיך
- אבו הארון אלסלאם ותערפה אן אבו אלפצ'ל חכים פי כל עאפיה לא ישגל
- קלבה מן גאהתה(!) וקד וגהת מע יאסמין רדוד מן גמלה אלדרא'ה' וזנהא
- ח' דרא'ה' תבדלהא מן ענדה
Verso bottom, upside down
- לשיכי ורייסי וגלילי אבו אלפרג יוסף בן יעקב מן מוסי בן אסחק בן חסדא נ'נ'
- בן עוכל נ'נ' אדאם אללה סלאמתה וסעאדתה וארה ומתנה
