מסמך משפטי: T-S 20.167

מסמך משפטי T-S 20.167

מטא-דאטא

מספר מדף
T-S 20.167
תאריך המסמך
שפה עיקרית
Judaeo-Arabic

What's in the PGP

  • תמונה
  • 1 Transcription

תיאור

Debt contract. Written and signed by Ḥalfon b. Menashshe. Dated: First decade of Elul 1447 Seleucid, which is 1136 CE, under the authority of Maṣliaḥ Gaʾon. One of the parties is Hiba. Also signed by Natan b. Shelomo ha-Kohen and Moshe b. Binyamin ha-Sefaradi.

Related Places

Location
Fustat

Additional metadata

Collection
Cambridge University Library, Taylor-Schechter
תאריך קלט
In PGP since 2020
תמונה
תיעתוק
תרגום

T-S 20.167 1r

°
1r
Gershon Weiss, "Legal Documents Written by the Court Clerk Halfon Ben Manasse (Dated 1100-1138)" (PhD diss., n.p., 1970).

Recto

  1. אכד [ ]
  2. אלשה[ ]
  3. אלמח[ ]
  4. גיאדא [ ] ומחזקא פי מא [ ]
  5. לה בגמיע דלך פי מדה תלתה שהור מתואליה בעצהם לבעץ אולה פי שהרנא
  6. הדא אלדי הו חדש אלול מן שנת אלפא וארבע מאה ושיתה שנין למנין
  7. שטרות וחדש תשרי ומרחשון מן שנת אתמו לשטרות מקסטה תלתה דנאניר
  8. וסדס פי כל שהר קסט כל שהו פי סלכה מן גיר תאכיר ולא מדאפעה ולא
  9. ממאנעה ולא אחתגאג בחגה כליעיק וקד קבלת לה פי דלך מעכשו מא אתראני
  10. בה בית דין מן אנני לא אדפע שי מן דלך אלא בעד אתבאתה ורא הדא אלשטר ומתי
  11. אדעית ופא שי מן דלך מן גיר יכון מתבות ורא הדא אלשטר כאן דעואי גיר מקבול
  12. ולא מקצא בשי מנה ויכון קולה הו מקבול קלי פי מא ידכר אנה מסתחק[ה]
  13. מן דלך כשני עדים כשרים נאמנים וילזמני אלקיאם לה בדלך מן גיר ימין תלזמה
  14. פיה ולא על ידי גלגול ולא אפילו חרם סתם וקד אבריתה מעכשו מן גמיע
  15. אלדעאוי ואלמטאלבאת ומן סאיר אלעלק ואלתבעאת אלתי תתגה לי עליה פי שי מן
  16. גמיע מא גרי ביני ובינה מן סאיר אצנאף אלמעאמלאת עלי אכתלאף אגנאסהא
  17. ואנואעהא מימות עולם ועד עכשו כאינה מא כאנת ובאלגה מא בלגת מן כל מא
  18. יקע עליה אסם והגא ולפט ומעני בראה כאמלה תאמה ומן סאיר אלאימאן עלי
  19. שי מן דלך ואפילו חרם סתם באוכד מעאני אלאברי ואתקנהא וכתיקון חכמים
  20. ואחריות חוב דנן בגמיע אלשרוט אלמדכורה פיה ואביזאריה דנן עלי פי חיותי
  21. ועלי וראתי בעדי על כל שפר ארג נכסין קנין וממון דאית לי ודיהוי לי תחות כל
  22. שמיא בביתא ובברא ממקרקעי וממטלטלי ואפילו מגלימא דעל כתפאי דלא
  23. כאסמכאתא ודלא כטופסי דשטרי אילא כחומר וכחוזק כל שטרי מחזקי מזרזי
  24. דבי דינא ותקנאתא דרבנן ובטילית נמי כל מודעין ותנאין דמסירין לי ודמסרנא על
  25. שטרא דנן כתיקון חכמים ואקנינא אנן חתומי מטה מן אלשיך אבו סעד דנן עלי
  26. גמיע דלך להבה דנן בקנין גמור חמור בכלי הכשר לקנות בו מעכשו בביטול
  27. כל מודעין ותנאין תם אשהדנא הבה דנן עלי נפסה באלרצא בהדא אלתקסיט ואנה
  28. קד אברי אלשיך אבו סעד דנן ממא הו כארג ען הדה אלתסעה דנאניר ונצף אלדי
  29. לה פי גהתה אלמדכורה פי הדא אלכתאב מן גמיע אלדעאוי ואלמטאלבאת ומן
  30. סאיר אלעלק ואלתבעאת ומן כל מא גרי בינהמא מימות עולם ועד עכשו ומן
  31. כל מא יקע עליה אסם והגא ומן סאיר אלאימאן ואפילו חרם סתם בראה כאמלה
  32. תאמה ואקנינא מנה עלי גמיע דלך בקנין גמור חמור בכלי הכשר לקנות בו
  33. מעכשו בביטול כל מודעין ותנאין ושהדותא דא כתבנא וחתמנא ויהבנא
  34. להבה דנן דליהוי בידיה לזכו ולראיה וכאן דלך פי אלעשר אלאול מן אלול אלמורך
  35. לעילא בפסטאט מצרים דעל נילוס נהרא מותבה רשותיה דאדוננו מצליח
  36. הכהן ראש ישיבת גאון יעקב יהי שמו לעולם כירח יכון עולם שריר ובריר וקיים
  37. נתן הכהן בר שלמה הכהן נע ח ש ת י
  38. משה בר בנימין הספרדי נבע חלפון הלוי ביר מנשה נע א א מ

T-S 20.167 1v

°
1v
תנאי היתר שימוש בתצלום
  • T-S 20.167: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
Cambridge University Library, Taylor-Schechter, T-S 20.167. Available online through the Princeton Geniza Project at https://geniza.princeton.edu/documents/20101/ (accessed October 9, 2025).