מכתב: T-S 13J7.19
מכתב T-S 13J7.19תגים
תיאור
Letter from Elazar b. Ahuv to Yefet b. Shemuʾel. Congratulation to a sister who had given birth to a daughter. (Information from Goitein's index card). VMR
Edition: Goitein, S. D.
Translation:
T-S 13J7.19 1r
תיעתוק
S. D. Goitein, unpublished editions.- בשר
- כתאבי אלי אלאכת אלעזיזה אלואלדה אלגלילה
- שת סעוד אטאל אללה בקאהא ואדאם עזהא
- ונעמאהא ומן חסן אלתופיק לא אכלאהא
- ואגעלני מן כול סו פדאהא ואלדי תרידי עלמה
- לא תסאלי מא פי קלבי מן פרקתכם . . . חבתכם
- אלגמילה ומחבתכם אלאניסה . . . . מא סהאלה(?)
- אללה תעאלי יגעלו פרח אן דאים ויפרחיך בהא
- ויגעל ליך מנהא אלכתרה ואנמא נחן רדנא
- שי אן יכון ענדנא נפרחו בהא מאסכינא(?)
- להא ובעד כאלתי אום אבו אלפצל תסאל ענך
- ותשתוחש מנך ותהניך באלצגירה ורסלת
- ליך עדת כות[ב] ומא וצל לי מן ענדיך גואב
- סוא פרד כת[אב] אן וקת אן כרגתי מן ענדנא
- וכותב[יך . . .] כדא וכדא אלא נחן מא נערף
- איש דנבנא חתי תקטעי ענא כותביך
- ומא נטלב אלכתאב אלא חתי יטמאן קלבי
- בעאפית[יך] לאן מא יערף חד איש עלי
- קלבי מן חוש אלצגירה לאללה תבארך
- ותעאלי וקד סירת אליך אלחל/י/פה(?) וכתאב מעהא
- צוחבת אלשיך אבו אלפרג בן אלוש שצ
- ומא [כ]אן עאקתהא בכתיארי אלא מן חית
- דכל אלבלד ד..... .... ואנמא הו חצל
- ליה פי אלבלד עאקה וכאן עלי קלבנא מן
- גהת עאקדהא אלנאר ואנמא מא כאן שי
- בכתיארנא ובעת אלצרר ואלוח ואלבותיה
- בארבעין דרהם ודפענא אוגרת אלמלחפה
- לזם אבו אלמגד ואולאדיך יסלמו עליך וי . . . .
- וישתוחשו מנך כתיר ויהנוך באלצגירה אבו
- אלמ/נ/צור ואבו אלפכר וסלמי לי עלי כרימתיך
- כתיר ואשתוחשי לי מנהא וען אלצגירה וען
- אום הבה ובנתהא ועל{י} כול מן תחוט ענאיתיך
- אפצל אלסלאם ושלום:
- וכתב אלעזר בר אהוב סט
תרגום
T-S 13J7.19 1v
verso
-
אלעזר . . . . . . . רבינ . א . . לי זצ[ל
-
למר יפת ה . . . . בן מר ורב שמואל שצ
-
יצל הדה אלכתאב אלי תגר מצר חמאהא אל[לה
