מכתב: T-S 13J11.8
מכתב T-S 13J11.8What's in the PGP
- תמונה
- 1 Transcription
תיאור
Letter from Shemuel b. Yehuda ha-Bavli, in Alexandria, to a notable, in Fustat. Mainly in Judaeo-Arabic. Dating: ca. 1130s CE. Concerning the withholding of money and books belonging to him. See also T-S 16.301 (PGPID 1733). Reused on verso for Hebrew jottings in a rudimentary hand related to the parshiyot.
תמונה
תיעתוק
תרגום
Editor: Goitein, S. D.
T-S 13J11.8 1r
S. D. Goitein, "עדויות קדומות מן הגניזה על קהילת שאלוניקי" (in Hebrew), Sefunot: Studies and Sources on the History of the Jewish Communities in the East 11 (Jerusalem, Israel: Yad Izhak Ben Zvi / יד יצחק בן-צבי, 1971), 9-33.
- ואעלמתני ואמסכת
- בל אנני עלמת באן דאך יריד לנפסה ואנמ(א)
- אמסכת חסן ראי פיהא אנהא לא תעמל
- אלא מא פיה אלצלאח בעד אעתקאדי
- פיהא באנהא אלואלד אלשפיק הדא בעד
- אהמאלהא אלאמר ענד ביע חמודות
- כתיר ולם תבתאע שיא וקולהא איצא
- לר ששון באן אלתשובות ליס הי ענדי
- ואנא אלדי גבת בהא בידי אלי אלבית הדא
- בעד ציאע דינאר ענדהא שהד אללה
- פמא אערף מא אקול והיא(!) תעלם
- עניותי ותעבי חתי גמע הדא אלשי
- וקצדת אן אצרפה פי אלתורה פותקת
- אלי דינהא ותפצלהא פכנני רגיתהא
- וסאלתהא אן תצייעה ואנא אליום
- שהד אללה אתמנא תמן דרהם בעד אן
- קד רכבני אלדיין ואלאן (פו) קד אחיל ביני
- ובין אלטלוע אלי מצר וקד עזמת עלי אלספר
- פי איאם אלפסח אן ופק אללה פאן אנע/מ/ת
- וחרצת פי כלאץ אלדי ענד אבו אלסרור
- ואנפדת בה סרעה בלא ארתכא באל מע
- אלנסך אלדי ענדהא ואלדי ענד בן טייב וענד
- ר זכאי מע מוצל הדה אלאחרף והו אלשיך
- אבו אלפתוח פהיא (!) מן ענדהא מתנה
- ותרבחני שק אלטלוע ואלכסארה מע ציק
- אליד ואלכטר אלעטים ואן לם תפעל דלך
- פהיא (!) אלמטאלבה. דמי והיא (!) ורבהא
- אבצר ואן כאנת קד סלמת דלך אלי
- ר משה פתגמע בינהמא ותוקפה עלי
- כתאבי הדא ליסלם דלך אליה ותקבל ידה
- עני פאנני לם ימכנני אן אכאתבה קבל וצול
- כתאבה ושלומה יגדל סלה מודה לחסדו
- שמואל ביר יהודה הבבלי נע
Margins
ותקול ללשיך אבו אלפצאיל יסלם אליה אלדינארין אלדי סלמהא אליה ר ששון
ותאכד מן דלך קטעה חק ורקה תכתב אליי פיהא כתאב ושלום
T-S 13J11.8 1v
