Letter: T-S 13J11.8

Letter T-S 13J11.8

Input date

In PGP since 1989

Description

Letter from Shemuel b. Yehuda from Alexandria to a notable in Fustat concerning the withholding of money and books belonging to him.

Images and transcription

Transcription

  • ואעלמתני ואמסכת
  • בל אנני עלמת באן דאך יריד לנפסה ואנמ(א)
  • אמסכת חסן ראי פיהא אנהא לא תעמל
  • אלא מא פיה אלצלאח בעד אעתקאדי
  • פיהא באנהא אלואלד אלשפיק הדא בעד
  • אהמאלהא אלאמר ענד ביע חמודות
  • כתיר ולם תבתאע שיא וקולהא איצא
  • לר ששון באן אלתשובות ליס הי ענדי
  • ואנא אלדי גבת בהא בידי אלי אלבית הדא
  • בעד ציאע דינאר ענדהא שהד אללה
  • פמא אערף מא אקול והיא(!) תעלם
  • עניותי ותעבי חתי גמע הדא אלשי
  • וקצדת אן אצרפה פי אלתורה פותקת
  • אלי דינהא ותפצלהא פכנני רגיתהא
  • וסאלתהא אן תצייעה ואנא אליום
  • שהד אללה אתמנא תמן דרהם בעד אן
  • קד רכבני אלדיין ואלאן (פו) קד אחיל ביני
  • ובין אלטלוע אלי מצר וקד עזמת עלי אלספר
  • פי איאם אלפסח אן ופק אללה פאן אנע/מ/ת
  • וחרצת פי כלאץ אלדי ענד אבו אלסרור
  • ואנפדת בה סרעה בלא ארתכא באל מע
  • אלנסך אלדי ענדהא ואלדי ענד בן טייב וענד
  • ר זכאי מע מוצל הדה אלאחרף והו אלשיך
  • אבו אלפתוח פהיא (!) מן ענדהא מתנה
  • ותרבחני שק אלטלוע ואלכסארה מע ציק
  • אליד ואלכטר אלעטים ואן לם תפעל דלך
  • פהיא (!) אלמטאלבה. דמי והיא (!) ורבהא
  • אבצר ואן כאנת קד סלמת דלך אלי
  • ר משה פתגמע בינהמא ותוקפה עלי
  • כתאבי הדא ליסלם דלך אליה ותקבל ידה
  • עני פאנני לם ימכנני אן אכאתבה קבל וצול
  • כתאבה ושלומה יגדל סלה מודה לחסדו
  • שמואל ביר יהודה הבבלי נע

Margins

  • ותקול ללשיך אבו אלפצאיל יסלם אליה אלדינארין אלדי סלמהא אליה ר ששון
  • ותאכד מן דלך קטעה חק ורקה תכתב אליי פיהא כתאב ושלום
Image Permissions Statement
  • T-S 13J11.8: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.