רשומה קשורה ל-מכתב: Bodl. MS heb. c 28/17

Alan Elbaum's digital edition (2026).

Recto

אטאל אללה בקא אלחצרה אלסאמיה מחמיה(?) אלגואנב מכפיה(?) אלנואגב
אתצל בי אוצל אללה אלי אלחצרה אלמסראת וכפאהא אלחסדאת מא
נפד בה קצא אללה אלמחתום פי אבי אסחק בן עמך כאן רחמה אללה
עליה ואזלפה רצואנה אקול עליך ברוך דיין האמת אסתסלאמא
לקצאיה ולסת אקדר אצף ללחצרה מקדאר מן אלאסף ואללהף למא
כאן עליה מן אלעקל ואלסדאד פי דאתה תם למא [[נאל]] . . . לה מן פגעה
אלואלד בה עלי חאל כברה ושיך אללה יגזל צברה ויעצם אגרה וישרח
צדר אלחצרה פאני אתצור מקדאר תנכדהא לא סימא לדרהם כאן להא מעה
וקליל אנגבארה לסו מעאמלה אהל אלריף פי הדא אלזמאן ובאלכאץ מתל אבן
ישועה וכיוצא בו אללה יחסן עזאהא ויגבר עליהא וקד תקדם כתאב אלי
אלחצרה מעלמא בדפעי תמן אלשמשאר לאבי סעד בן הבה(?) עלי מא רסמת
פאריד אן יצלנא כתאבהא בוצולה אלי ידהא ואמא מא וצל בה כתאבהא אלכרים
מן תסכין רועי מן האוליך אלקום ותזיין אלעדר ענהם פגזאהא אללה כירא
וקארצהם(?) עלי קבח פעלהם וקולהם פלקד בלגני מן אלואצלין מא תנאדוא(?) פיה(?)
מע אלקאצי אלצורי ומע אלאמיר אלקטורי מן אלסעי פי אלארסאל וראי באל
וצול אלתקיל ואלתוכיל לולא סעי אלרייס אלנגיד אללה ידים עזה פאללה ימתנעי
] . . . מא בלגני

Bodl. MS heb. c 28/17 17 recto

Recto

Bodl. MS heb. c 28/17 17 verso

Verso - address