מסמך משפטי: NLI 577.3/14

מסמך משפטי NLI 577.3/14

מטא-דאטא

מספר מדף
NLI 577.3/14
תאריך המסמך

What's in the PGP

  • 1 Transcription

תיאור

Four court records from Fustat, August - September, 1132. Record A: Complaint, followed by retraction thereof, about a load of caraway deposited with a representative of the merchants. Record B: Conclusion of a partnership of perfume sellers and doctors. Record C: An agreement in which Natan b. Shemuel promises to take care of an old woman and to arrange her burial as opposed to the gift she gave him. Record D: A note regarding shiddukhin. NB: The shelfmark is listed as NLI 4° 577, no. 83 in Goitein's publications (Med Soc V, 539, n. 410, and the Kirjath Sepher article).

תגים

Additional metadata

Collection
National Library of Israel
Historical shelfmarks
JNL 577.3/14; JNUL 577.3/14; JNUL 83; JNUL 577.4/3 83; NLI 577.4/3 83; NLI 4° 577, no. 83; NLI 83
תאריך קלט
In PGP since 1989
תמונה
תיעתוק
תרגום

S. D. Goitein, "Court records from the Cairo Geniza‎" (in Hebrew), Kiryat Sefer‎ 41 (n.p., 1966), 263-76.

Verso, right-hand page: Record A, complaint against a representative of the merchants in Fustat

  1. ח]צר אל[ינא אנן חתומי מטה אבו אל]מנא מ' תקוה הכהן ביר'
  2. נתן הכהן נ"ע וטאלב [אבו אל...]א הבה ביר' נעמאן
  3. הלוי נ"ע במאיה וכמסה ארטאל כראויא תמנהא...
  4. דנאניר דכר אנה אכד דלך מן כזאנה כאנת לה פי
  5. דאר אבו עבדאללה בן כדאדאד אלוכיל ואן אלוכיל קאל לה
  6. הי פי גהה בן עמך אליהודי פלאן ודפע לה עליה רקעה
  7. בדלך ואנה אחצר אלרקעה להבה דנן פקאל לה מא
  8. מעי פי הדא אלוקת שי אצבר עלי ולא תוקעני פי אידי
  9. גירך ואלרקעה תאהת עני פלמא סאלנא הבה דנן ען
  10. דלך פאנכר גמיע מא אדעא עליה בה כצמה דנן
  11. ולם יעתרף בשי מנהא פקאל אבו אלמנא תקוה הכהן
  12. דנן לי שהוד ישהדו לי בצחה דעואי ואנא אחצרהם
  13. אלי בית דין בל יתבת לי אנכארה פאנדפע אלמושב
  14. אלי אן יחצר אלשהוד אלדי דכר אנהם יחקו לה שהאדה
  15. ומה דהוה קדמנא כתבנא וחתמנא דליהוי לזכו ולראיה
  16. וכאן דלך יום אלתלתא אלכ"ה מן אב אתמ"ג לשטרות בפסטאט
  17. מצרים דעל נילוס נהרא מותבה רשותיה דאדוננו מצליח הכהן
  18. ראש ישיבה גאון יעקב יחי לעד שריר ובריר וקיים
  19. נתן הכהן ב"ר שלמה הכהן נ"ע חלפון הלוי ביר' מנשה נ"ע

Recto, left-hand page: Record B, agreement about partnership in a drug store

  1. חצרא אלינא אנן חתומי מטה מרו"ר צדקה הכהן
  2. בן מ' מצליח נ"ע ומו"ר יוסף בן מרנ' אלעזר ס"ט
  3. אלעטאר ועקדא בינהם שרכה פי דוכאן אלעטר
  4. במצר מדה סנתין מתואלתין (!) אולהם חודש אלול
  5. מן סנה אתמ"ג לשטרות ומבלג ראס מאלהם פיהא
  6. יכון לצדקה הכהן דנן ק' דינאר וליוסף דנן נ' דינ'
  7. וידהם גמיע פי אלדכאן גאילה פי אלביע ואלשרא
  8. וגעל כל ואחד לשריכה פי //הדה // אלשרכה נאמן
  9. ואלוציעה לאנה קד תסאוו פיהא //באלרבח// באלסויה לא
  10. יזיד אחד עלי צאחבה ולא ינקץ ויכון להם מן
  11. אלדכאן פי כל אסבוע דינאר ברסם נפקתהם
  12. נצף דינאר לכל ואחד בעד אן ישתרו קמחהם
  13. ונבידהם מן אלוסט מן אלדכאן ויכון מחאסבתהם
  14. עלי אלרבח ואלכסארה אכר מדה אלשרכה וכאן
  15. דלך אוול חודש אלול אתמ"ג שריר וקיים
  16. תלי בין שטי הדה ואיצא באלרבח [ודין] קיומיהון
  17. [נת]ן הכ[הן ב"ר שלמה הכהן] נ"ע

Recto, right-hand page: Record C, Natan b. Shemu’el he-Haver undertaking the duty of maintaining an elderly woman

  1. חצרנא אנן חתומי מטה ענד מולאי אלנזר רבנ' נתן
  2. החבר נט' רחמ' ואשהדנא עליה טועא פי צחה עקלה
  3. באנה יקום בפרגייה בנת בו אלכיר מדה מא בקי להא
  4. תעיש עלי כפאיה מוונתהא ובעד דלך אדא חצרתהא
  5. אלופאה אקאם בגמיע נואיבהא וכאן דלך בחית
  6. אן [תדפ]ע לה י"ז דינאר אלדי כאנת מודועה ענדה
  7. להא במתנה וגמיע מא תכלפה מן אתאת בעד
  8. מותהא ודפעתהא לה במתנה ואעתרף אנה קד
  9. קבצהא מנהא אעני הדה אלי"ז דינאר ואשהדנא בהא
  10. ואקנינא מן פרגייה הדה עלי הדה אלמ//ת//נה וכתבנא
  11. בהא שטר אלמ//ו//חזק וסלמנאה לה ובקי חאלהא ולם יכתב
  12. להא עד[ות] בה פכתבנאה פי הדא אלשמוש אדא
  13. אלתמ[סת פי] וקת מן אלאוקאת שהדנא בה וכאן דלך
  14. פי אלעשר אלוסט [!] מן חודש אב אתמ"ג שריר
  15. נתן הכהן ב"ר שלמה הכהן נ"ע

Verso, left-hand page: Record D, registration of two shiddukhin

  1. שידך אברהם בן עמרם ית מליחה
  2. בת יעקב הלוי ואלמהר אלדי אסתקר
  3. בינהם ה' דנאניר מקדם ול' דינאר מווכר
  4. ואלדכול קבל ראש השנה ותסלם מנה אלה'
  5. דנאניר אלמקדם ואקנינא מנהם גמיע קניין
  6. גמור בכלי כשר לקנות בו פי אלעשר אלאוול חדש
  7. אלול אתמ"ג: שידך הבה בן יעקב //בן בדורה// לסת
  8. אלמ...בנת אבו אלכיר על מנת שיהיה
  9. המהר ד' דנאניר מקדם ואלמווכר כ' דינאר
  10. מחקקה ואלדכול עלי אלפור מן שנת אתמ"ד
  11. ותסלם ואלדהא אלכאתם אלפצה עלי סביל
  12. [אלודי'עה ?] לא גיר ואקנינא מן כל מתי
  13. פסך וראד בדאלה אקאם לצאחבה ב...
  14. דינארין מתנה גמורה מעכשו יקום (!) וכאן
  15. דלך פי אלעשר אלאוול מן חודש אלול אתמ"ג
  16. נתן הכהן ב"ר שלמה הכהן נ"ע
National Library of Israel, NLI 577.3/14. Available online through the Princeton Geniza Project at https://geniza.princeton.edu/documents/853/, accessed November 27, 2024.
https://geniza.princeton.edu/documents/853/