מכתב: ENA 3765.10 + T-S 18J4.16
מכתב ENA 3765.10 + T-S 18J4.16תגים
תיאור
Letter from Shemarya b. Maṣliaḥ, in Fustat, to the Nagid Yaʿaqov b. ʿAmram, in Qayrawān. Dating: probably spring or summer of 1039 CE, and in any case 1038–42 CE, the period of conflict between Natan b. Avraham and Shelomo b. Yehuda over the gaʾonate in Palestine. The letter drafts on both recto and verso are about that conflict and the question of the loyalties of the community of Qayrawān. Signed by Shemarya but from a group of people; Shemarya's signature is in a different hand from the letter itself, and according to Gil, the scribe is Ghālib b. Moshe ha-Kohen, the son-in-law of Efrayim b. Shemarya. Both Gil and Cohen assume that additional leaders of the Fustat community were planning to sign the letter. This letter covers some of the same ground as the letter on verso; we additionally learn that the support that Natan b. Avraham claimed to have secured in the Maghreb came from the elders of Qayrawān. Jacob Mann published T-S 18J4.16, and Mark Cohen discovered the join with ENA 3765.10 and the significance of this pair of letters. (Information from Goitein, Cohen, Gil, and CUDL.)
Edition: גיל, משה
Translation:
ENA 3765.10 1
תיעתוק
משה גיל, (634–1099) ארץ-ישראל בתקופה המוסלמית הראשונהv (in Hebrew) (Tel Aviv: Tel Aviv University, 1983), vol. 2.A: ENA 3765, f. 10r B: TS 18 J 4.10v ed. Gil, Palestine, Pt. 2, pp.332-335 (Doc. #192) C.B. 02-03-88 (p) Rough draft of a letter written by Ghalib Ha-Kohen b. Moses from Fustat, to Jacob Ha-Nagid b. Amram in Qayrawan, probably summer of 1039.
....
א
- פאוגב אלחאל פי[
- מא פעלה מע אהלנא [
- וכאטבה במא לא יגוז אן יכאטבה במתלה וגמע אליה גמא[עה]
- מן אלשבאב מן אשבאלה ולקב נפסה בראס אלמתיבה ואכד פי
- אלמבאינה ואלעצביה וכאתב לגמאעה ממן קד תצאהר אליהם
- במצר ואנצאף אליהם גמאעה מן אקארבהם וצארו מתחזבין
- ונחן מתעובין מעהם נותר אלסלאמה ודפע אלשרור והם מתמאדין
- עלי מא הם עליה מן טריק אלפ[תנה] והדא אלרגל אצלחה אללה ישנע
- באנה לם ינפצל ען אלקירואן אלא וקד ואקף גמאעה אלשיוך אדאם
- אללה עזהם עלי הדא אלדי קד טאהר אלאמה חרסהא אללה יפעלה
- וכל מן יסמע דלך ענהם ויעלמון מיל[הם] יערפהם באנהם גיר
- מותרין לשי מן דלך וגיר ראציין בה למא קד רכבה אללה תעאלי פיהם
- מן אלדין ואלכיר ומערפתהם בטריקה הדא אלסיד אלעאבד אלדי לם
- יערף לה קט זלה ולא לחק מ[נ]ה אחד קט אדיה ויחתג איצא באן
- ליס יגוז אן יקדם עלי אלריאסה אחד מן אהל אלגרב ואן ליס יגוז
- יקדם עלי הדא אלכרסי אלא מן הו [מן] אהל אלשאם וישנע בכל קביח
- וקד אחרם אלריס אדאם אללה עזה הדא אלרגל וכתב בחרמה
- אלי סאיר אלבלאד בחסב מא וגב ענדה והו מע דלך לם ינכסר ולם
- ירתדע וקד סאלנא סידנא אלנגיד אדאם אללה עלוה אן יכתב אלי
- גמאעה אהל הדא אלבלד ואלשאם מנה חרסה אללה ומן גמאעה אל
- שיוך באן יעלמוהם בטלאן מא אדעאה הדא אלרגל לתזול אלשנאעה
- אלדי קד שנע בה עליהם מן נפוס אלנאס ויצח ענדהם דלך ונחן
- נסלה אדאם אללה עלוה אלתלטף פי אכד כתאב מן סידנא אמיר
- אלאמרא שרף אלדולה ות[א]ג אלמל[ה] אטאל אללה בקאה וכ[בת א]עדאה
- אלי חצרה אלוזיר אלא[גל] צפ[י] אמיר אלמומנין ו[כא]לצתה
- אדאם אללה עלאה וכבת אעדאה אן יסלה פי כרוג אמרה לא זאל
- עאליא אן יגרי אלרייס ראס אל[מ]תיבה עלי רסמה ואן לא ימכן הדא
- אלרגל ולא גירה מן אדיתה ואן לא יזאל ען ריאסתה ויכון דלך בכל
- חאל יתמכן מן [ענ]דה פאלכתאב יכתב [אי]צא אלי מולאי אלשיך
- אבו אלקסם ע[לי] אבן עבד אלעזיז אלאכ[וה] אדאם אללה עזה ירסם
- לה אן יתולא איצא אלכתאב ואלמע[ונ]ה לנא פי מא רפענא אליה
- וקד תקד[ם] מנא אלמסלה לס[ידנא אלנגיד] אדאם אללה חראסתה
- פי אלכתב אלמתקדמה [דכרה]א וסאלנאה אלמבאדרה באנפאדהא
_____________________
- מע פיג קאצד : אל[ינא] פתצל סרעה : ותכון לנא בהא מעונה עלי מא יחתאג
ב ____________: __:
- אליה ודפע אלצרר אלדי נחן פיה פ:אן כאן קד תפצל במא סאלנאה
- ואנפדהא וסהל אן ינתגז נסכה תא:נ[י]ה וינפדהא מע קאפלה אלחאג
_____:
- אלי אלשיך אבו אלקסם באן כלמא זאדו : דלך כאן לנא בה מנפעה
- ועיוננא מאדה אלי אלטריק לוצול מא : סאלנא מן דלך פאללה אללה
____________:
- אן תוכרהא ענא עלי כל חאל פעל מתי ולא [ ] מ:א אללה
- ויתפצל יכתב בשכר אלשיך אבו אלקסם בן אלאכוה ע:לי מא
______________________:
- יולינא מן אלגמיל וכתב סידנא ראס אלמתיבה קד וצלת פי
- נסכתין אלי סידנא אלנגיד אדאם אללה עזה ואלגמאעה חרסהא
- אללה ואנפדנאהא מע אלקאפלה ואלנסכה אלתאניה פי אל
- מראכב ונחן פי שי לא יעלם עלמה אלא אללה מן אלמחלוקת
- ואלשרור ואסתטאלו האולאי אלקום עלינא במא להם ענד
- צאחב אלשרטה ומנעונא אן נצלי עלי ריסנא ואן נדכרה
- פי כניסתנא ולולא כופנא עלי אלרגל מן אלסלטאן לוקפנא
- ואסתגתנא פיה לאן קד זאד עלינא אלאמר וקד מצאו חמוה
- ואצהארה אלי קאצי אלקצאה אדאם אללה עזה וסאלוה אן יד[בר]
- אחבאס אלכנאיס ואלאקדאס לינטר פיהא רגל מן קבלה
- וכדלך סאלוה אן תכון אחכאם ישר עלי ידה ואן לא יחכם
- עליהם אחד מן ישר ולם ימכנהם מן דלך ונחן כאיפין מן
- אמר יגרי ואעוד באללה מן אלסלטאן געלנא אללה ואיאכם פ[י]
- חיז אלסלאמה ושלום אדוננו הנגיד ושלום חמודיו
- ואחיו וכל סיעתו ירבה לעדי עד ולנצח נצחים
- שמריה בר מצליח נע
תרגום
ENA 3765.10 2
T-S 18J4.16 1r
T-S 18J4.16 1v
