מכתב: BL OR 5542.19

מכתב BL OR 5542.19

תגים

תאריך קלט

נמצא בPGP מאז 2018

תיאור

Business letter from Avraham ben Khalaf, probably from Alexandria, to Abū al-Faḍl Sahl b. Ḥasan b. Salāma al-Sukkarī in Fustat. Datable to ca. 1062 on the basis of a reference to cotton turbans, which are mentioned in other letters written ca. 1062. Discusses the balance of a debt of Mūsā b. Yaḥyā al-Majjānī for the goods of the addressee. The writer asks the addressee to make some purchases for him, but not having received the goods he requests that the money be given to Mūsā b. Abī al-Ḥayy instead. (Information from Gil, Kingdom, Vol. 4, p. 320.) Mentions that seven cotton turbans for the price of eighty quarter-dinars have been sent to the addressee with Abū Zakariyā Yehuda b. Menashshe. (Information from S. D. Goitein, Index cards.)

BL OR 5542.19 recto

recto

תיעתוק

משה גיל, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 4.

recto

  1. [כתאבי] אטאל אללה בקא סידי ומולאי ואדאם עזה ותאיידה וסלאמתה מן

  2. [אלמסת]קר לי בקין מן אללה ערפך אללה ברכתה וברכה מא יליה ואל

  3. חמד ללה רב אלעאלמין וקד כאן וצל כתאבה אלעאם אלמאצי ידכר מא

  4. דפעה לסידי אבי עמראן בן אלחנן נע ווצלת אלבראה אלתי כתב לא עדמת

  5. [תפצ]ל[ה] וקד כנת יאסידי ערפתך פי כתבי אלמתקדמה אן קבצת מן מוסי

  6. [ב]ן [אלמג]אני חול נ רבאעי מכ[טט]ה פלמא כאן אלעאם אלמאצי חאסבתה

  7. וגדת אלדי קבצת מנה נ רבאעי טלבתה באלבקיה מא וגדת מעה שיא

  8. ואתפקת מעה עלי תמאנין רבאעי חאסבתה באלכמסין בקית עליה

  9. תלאתין [ואלבאק]י נצבר עליה בהא פאסלפתהא מן ענדי לאעזאזך

  10. עלי ואמא אעלם אני מא נצל אליהא מנה לסנין לאנה כרג מן אלבלד

  11. וקד אצפת אלתלאתין ללכמסין צארת פ אשתרית לך בהא סבע

  12. [ע]מאים קטן גיאד וקד כנת אנפדתהא לך אלעאם אלמאצי צחבת

  13. סירי אבי זכריא יהודה בן מנשה נע ולם ארא מנך אלסנה כתאב בוצולהא

  14. פעז עלי דלך וקד כנת סאלתך תשתרי לי באלבקיה ניל או פלפל ותנפדה

  15. אלי מע מן תראה יהודי כאן אם גוי ותאכדת עליך גאית אלתאכיד

  16. ומא ראית לדלך גואב ומא אדרי איש אלסבב פי דלך ואנא אעלם

  17. יאסידי אנר כתיר אלאשגאל ומא אריד אן אתעבך פנחב מן תפצלך

  18. תסלם אלבקיה אלתי לי ענדך לסידי אבי עמראן מוסי בן אבי אלחי אידה

  19. אללה ולא תוכר דלך ענה פקד סאלתה ישתרי לי בהא מא כלפתה בה

  20. פמא אחתאג אוכד עליך פי תסלימהא לה ומא אחסבהא אלא הדי[ה]

  21. מן מאלך פקבצה קבצי ואלואצל אליה כאלואצל אליי ובאללה עליך

  22. לא תעיקהא עלי לאני הון אתר גאיחה ואנא מתכל עלי אללה

  23. ועלי תפצלך פי וצולהא אליה לא עדמתך ולא כלות מן תפצלך

  24. ואנא אסאלך וארצו אליך אן תכלפני חאגאתך לאני מסרור בדאלך

  25. כצצתך אפצל אלסלם ומן תשמלה ענאיתך אלסלם וצניעתך

  26. ולרי אבי אלפרג יכצך אתם אלסלם וחסבי תקתי באללה ובה אסתעין

תרגום

BL OR 5542.19 verso

verso

verso - address

  1. לסידי ומולאי אבי אלפצל סהל בן חסן בן סלאמה     מן אברהים בן כלף

  2. אלסכרי                 אלפסטאט מסר  אן שא אללה

  3.  אטאל אללה בקאה ואדאם תאיידה [וסלאמתה]