מכתב: T-S 20.76 + T-S 10J20.10

מכתב T-S 20.76 + T-S 10J20.10

תגים

תיאור

Letter from Ya’aqov b. Isma’il al-Andalusi, from Sicily, to Yoshiyyahu b. Natan, Fustat. Around 1050. The letter mentions “the enemy,” the identity of which is not clear. The letter deals with import and export between Sicily and Egypt. Details a list of goods and their prices in Sicily. Mentions information about books of questions and answers that belonged to Masliah b. Eliyya, the judge of Sicily. (Information from Gil, Kingdom, Vol. 3, #575 p. 904 and from M. Ben-Sasson, Yehudei Sitzilya, p. 259) VMR

T-S 20.76 1r

1r

תיעתוק

משה גיל, במלכות ישמעאל בתקופת הגאונים‎ (in Hebrew) (Tel Aviv: Tel Aviv University, 1997), vol. 3.

Lines 19-25 and part of the margin are on T.S 10J20.10 recto show immediately after T-S 20.76

  1. על שמך
  2. כתאבי אלי סידי ומולאי אטאל אללה בקאה ואדאם סלאמתה וכאן לה ומעה פי גמיע אמורה וליא ונאצרא
  3. מן אלמסתקר מסתהל אלול יכתמה עלינא ועליך באחסן כאתמה וען שוק שדיד לטלעתך אלגלילה
  4. ענדי אסל אללה אן ימן באלאגתמאע בך עלי אפצל חאל וצלת כתבך מתצמנה סלאמתך וסלאמה בניך
  5. אבקאה[ם] אללה ואנמאהם וכנת מתשוף אלי רויה כתאבך לאן אדא שאהדת כתאבך אנסת בה
  6. וסררת ברויתה פאסל אללה אן יגעלך אבדא פי חאיז אלסלאמה ואלן לא יעדמני אלנ[טר
  7. אלי וגהך ואלי כתבך ודכרת פי כתאבך אנך לם תרא מני כתאב ואנא כנת כתבת עדה כתב
  8. אלי אלמהדיה וסאלתהם תוגיההא אליך אלי מצר דכרת מא גרא עליך מן אבי עבדאללה בן כפאגה מן
  9. תעבך מעה ושק עלי דלך ואלאן יא מולאי אן וצל כתאבי הדא וקד בקי ענדך שי תחאסבה ותקבץ
  10. תמן אלבקיה מנה לאן תעבך ענדי אעצם מן אצעאף אלנשאצר ותשתרי במא תקבץ מנה מא חסן
  11. ענדך מן אלסקט ותציפה פי אלקפץ מע אלנשאצר ותוגהה אול אלזמאן אן שא אללה ומא תחב עלמה יא מולאי
  12. אני כנת קד ביעת מן גמלה אלט אעדאל ז אעדאל ואצפת אלי תמנהא שי מן ענדי ואשתרית חריר ולאסין
  13. ופראך ועמאים ואנטאע וקזדיר וקד וגהת לך אלגמיע פי אלמראכב כתב אללה אלסלאמה וגמע עלינא
  14. ועליך ואלדי תריד עלמה אן וגהת פי מרכב בן אלשוא רזמה מן אלכלטה אלמבארכה פיהא ה שכאיר חריר
  15. ולאסין ושכארה קזדיר ונחאס ועליהא מגפא כה נטע זוגין תלאליס וכיש ופי אלרזמה אלמדכורה מן כלטתי מע
  16. אלחנן אכי ג שכאיר חריר ולאסין וקד אכרית מנה ג רבאעיה ונצף וקד קבץ אלסלפה כאמלה ווגהת איצא פי מרכב
  17. בו גרוא עבד אללה בן מימון רזמה מן כלטתי מע אלחנן אכי פי ה שכאיר חריר ולאסין כה נטע וזוגין תלאליס
  18. וכיש ופי אלרזמה אלמדכורה מן כלטתי מעך ד שכאיר חריר ולאסין ושכארה קזדיר מחאר וקד
  19. . . . . . . . . . . רבאעיה . . . . . . . . . כלפה ג רבאעיה וקד . . ת . ואסתכר|ת אללה ואוסקת פי מרכב אלאול
  20. רזמה פיהא ק פרכה עריצה מקצורה ופרכתין כאם לפאיף טו עמאמה | ועליהא מגפא כד נטע ג אזואג
  21. תלאליס וקטן וכיש ופי אלרזמה אלמדכורה אלי אבי יעקוב יוסף בן עלי אלפאסי עמא|מתין קטן ופי אלרזמה אלמדכורה
  22. איצא אלי אבי אלקאסם בן אלגמרה אלבזאז גונה מרואן יתסלמהא יהודה אכי [[יתסלמהא]] | אכריתהא מנה בג רבאעיה
  23. ודרהם ונצף וקד קבץ אלסלפה כאמלה וקד אסתכרת אללה איצא ווגהת לך מע | סידי אבי אלבשר סלמאן
  24. בן דאוד אלברקי צורה רבאעיה קודם וזנהא קה רבאעיה חבה חבה תנקץ תנקץ קירטי[ן] | דהב אלעדד קו רבאעי
  25. ה[דה] גמלה אלרחל אלדי וגהת אליך פי הדה אלסנה אסל אללה אן יתם אלסלאמה ויגמע עלינא ו|עליך ברחמתה ופצלה
  26. והו יא מולאי רחל צאלח מבארך אצלח מא אושתרי פי הדה אלסנה ולו לם נפרק עלי אללאסין מן וקת מגיי למא
  27. חצל לי שי ואנא אן שא אללה נסלף אלבצאעה ונשתרי פיהא משתרא רחל יכון יאסר אדא וצלת אלבצאעה
  28. אנפדת מא יסרתה אן שא אללה ואלדי תריד עלמה אן קד וצלת גמיע אלמראכב סאלמה וקד וצלת אלאעדאל אלי ידאן
  29. נזללי בן מולא צאלח סלאמה וקד אנהרש מן גמלה אלג אעדאל עדל ביעתה פי אלמוסם לאן לם ימכן מסוכה
  30. סער כד אלקנט ואלמבלול סער יד אלקנטאר וקד וצל אלעדל אלפלפל ואלעדל אלניל אלדי ביני ובין אבי אלבשר סלמאן
  31. סאלמה ללה אלחמד ואנא נמתתל גמיע מא דכרת פי כתאבך ודכרת אנך דפעת לי דרג אלמסאיל אלדי לרבי
  32. מצליח ואנא לם נרא מנך שי לאן כנת קלת לי ננסכהא ונדפעהא אליך פכרגת ענך ולם תדפע לי שי ואנת
  33. תגדהא ענדך אן ראית אן תתפצל ותדפעהא אלי סידי אבי זכרי אכיי ר מצליח לאנה קד סאפר פי הדה אלסנה מע
  34. יהודה אכי מן מאזר אסל אללה אן יכתב סלאמתהם ומא אחתאג אן אוציך פי אמרה אלא תכליה מן ראיך אל
  35. מופק כנת יא מולאי אגהת אלי אבי אלבשר סלימאן בן פרח אלקאבסי וסאלתה אן ישתרי לי מן גמלה מא לי ענדה
  36. בפ דינר זעפראן ויוגה אלגמיע אליך ואן לם יתפק לה שרא רחל אן יוגההא צורה דנניר פאדא מן אללה תעאלי באל
  37. סלאמה תכרג מנהא כה דינר ותציף אנת אליהא כה דינר מן ענדך ותשתרי באלגמיע מא ילהמך אללה אליה
  38. ותכון בין ולדי אבי אברהים ובין ולדך אבי סהל שרכה חסב מא אתפקת מעך עליה ויכון עלי מא תשתריה
  39. מכתוב אסמעיל בן יעקוב יכונו יכלפו אגדאדהם אן שא אללה גל ועז ואנא איצא אלטף אלי סידי אבי אלחסן פי
  40. מתל דלך אן שא אללה ותשתרי באלבקיה מא ילהמך אללה אליה ותוגהה פי אול אלמראכב מע אלעלאוה אל
  41. נשאצר אן שא אללה בעד מא תציף אליהא מא בקי לי ענדך ותתפצל ותשתרי לי חולה ומעגרהא שרב תכון
  42. זרקה מדהבה מן ח דנניר אלי י דננ תכון כתירה אלגזל ממא יחסן פיהא אלעאקבה ומעגרין סדאסיה
  43. ביץ מן דינרין ורבע אלי דינרין ונצף אלגמיע ומדאסין [. . .]י וכאן יא מולאי בקי לי ענד סידי אבי סעיד דאוד בן ישעיא
  44. דינרין כאן דכר אן וזן ען שכארה ר מצליח נצף דינר כונת [סאלת]ך אן תקבץ אלשכארה מנה מע אלדינר ונצף
  45. אלדי בקי לי ענדה ולם תדכר פי כתאבך שי מן דלך ארגו אנך קד קבצתהא מנה פתדפע אלשכארה מע אלרזימאת
  46. אלי סידי אבי זכרי יהודה אכו ר מצליח ותעאונה פי ביעהם בחסן ראיך ושראהם עליה ס רבאעי וכנת
  47. סאלתך אן תערף סידי אבי סעיד מא סמעת מן פמ[י] ולא יחמל לי שי ולם תפעל אדן לאן וגה לי אלסנה ח אעדאל
  48. כתאן פסאלת אבי אלפרג מרואן פי קבצהא ויתולא ביעהא וינפד אליה ולתמן וקד קבצהא פתערפה לא
  49. יעאוד אלי שי מן דלך לא הו ולא גירה ותערפה באלימין אלדי חלפתה בחצרתך ואכתץ באפצל אלסלאם

right margin, diagonal, at 45’ to main text, upside down

וסידי אבי אלחסן אבקאהם | אללה אפצל אלסלם ועלי | ואלד[ך

א]בקאהא אל[לה אלסלם | ועלי כל מן תגמעה ענאיתך | אפצל

אלסלם וולדי | אבי אברהים יכצכם | באפצל אלסלם | וכתבך פלא

תכליני מנהא | בחאלך וסלאמתך | וסלאמה בניך [. .] אללה |

וקד וגהת צחבה סידי | אבי אלבשר סלמאן | בן דאוד אלברקי זיר |

תן תמליחי טו | . .]תאמ. .[. . | ועלי כאצה [נפסך | אלסלם

ותקתי בא[ללה | וחדה

תרגום

T-S 10J20.10 1r

1r
  1. . . . . . . . . . . ] רבאעיה [ . . . . . . . . . ] כלפה ג רבאעיה וקד . . ת . [
  2. רזמה פיהא ק פרכה עריצה מקצורה ופרכתין כאס לפאיף צו עמאמה [
  3. תלאליס וקטן וכיש ופי אלרזמה אלמדכורה אלי אבי יעקוב יוסף בן עלי אלפאסי עמא[
  4. איצא אלי אבי אלקאסם בן אלגמרה אלבזאז גונה מרואן יתסלמהא יהודה אכי [[יתסלמה]] [
  5. ודרהם ונצף וקד קבץ אלסלפה כאמלה וקד אסתכרת אללה איצא ווגהת לך מע [
  6. בן דאוד אלברקי צורה רבאעיה קודם וזנהא קה רבאעיה חבה חבה תנקץ תנקץ קירט [
  7. [ . . . . . ]לה אל . חל אלדי וגהת אלי . פי הדה אל[ . . . . . ] אללה [ . . . . . ] אלסלאמה ויגמע עלינא [

Right margin, diagonal lines written upside down.

גו . [ | יקבצהא מנה [ | ויחמלהם אלינא בא[ | . . אלסלאם[

T-S 20.76 1v

1v

verso

  1. וקד וגה לך אבי אלבשר סלימאן בן שאול פי רזמה אבי אלפרג מרדוך צפט [[זעפראן]] מרגאן וליס עליה
  2. מונה לאן חמל לה פי רזמה צפטין זעפראן ווגהת אנא לך פי רזמה מרדוך שכארה לוז מכסור פיהא
  3. כה רטל לוז תקבלהא מנה וליס עליהא מונה וקד וצל אלי כתאב אבי אלבשר סלימאן בן פרח ידכר
  4. אנה אשתרא לי לג מן ונצף זעפראן ואנה שדה פי רזמה אכיה ואוסקה פי קארב בן עלאן וקד שנעו
  5. ענה אנה אכדה אלעדו אסל אללה אן יבטלה ואן יגמע עלינא ברחמתה ומא תחב עלמה מן
  6. אסעאר אלבלד אלכתאן אלק/ו/מאט מן כב אלי לג כא[. .] ואלמאלאל מן יח אלי כ ואלניל אלכרמאני מן
  7. קק אלי שנ אלעאלי מנה אלניל אללואחי מן ק אלי ש אלעאלי מנה ואלבקם יסוא אליום ש רבאעי אל
  8. קנטאל ומא הו פי אלבלד אלא ענד רגל ואחד לא גיר אלקרפה קי אלפלפל יסוא אליום קלה אלהלילג
  9. אלאצפר . אלקנט אלכאבלי מן רטל ונצף אלי רטלין גיר תלת אלהנדי ח בדינא אלסנה נ אלקנט אלסמג אל
  10. ערבי ל אלקנטא אלגוזה יח למן אלהאל ד אלמן אלפאגרה ד בדינ אלמחלב כה אלקנט אלורד מג
  11. אלהרנוה רבאעין גיר רבע אלפספאסה ל אלמן אלכאפור יג אלאוקיא אלמסך נ אלאוקיא אלסקט
  12. כלה מעדום קליל ועלי כאצה רוחך אפצל אלסלם ועלי סידי אבי סהל וסידי אבי אלחסן ולדיך
  13. אבקאהם אללה ואנמאהם אלסלם ועלי ואלדתך אבקאהא אללה אלסלם ועלי גמיע מן תחוט בה ענאיתך
  14. אלסלם ותקרי סלאמי עלי סידי אבי זכרי יהודה אלטביב ועלי סידי אבי נצר דאוד בן נחום ועלי סידי
  15. אבי אלוליד בן זבלאן אלסלם ועלי גמיע מן סאל ענא אלסלם ותקתי באללה וחדה

address, bottom of the page, straight lines, at 180’ to main text

  1. לסידי ומולאי אבי אלסרור יושע בן נתן נע
  2. אטאל אללה בקאה ואדאם סלאמתה וסעאדתה
  1. מן מחבה יעקב בן אסמעיל אלאנדלסי נע
  2. יצל אלי מצר אן שא אללה עז וגל

T-S 10J20.10 1v

1v
תנאי היתר שימוש בתצלום
  • T-S 10J20.10: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
  • T-S 20.76: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.