מכתב: T-S 20.180
מכתב T-S 20.180What's in the PGP
- תמונה
- 2 Transcriptions
- 2 Translations
תיאור
Letter from Barhūn b. Yiṣḥaq to Nahray b. Nissim, January 27, 1047
תגים
Editor: גיל, משה
Translator: גיל, משה (in Hebrew)
T-S 20.180 1r
recto
- כתאבי יאכי וסידי אלעזיז עלי אטאל אללה בקאך ואדאם סלאמתך וסעאדתך וצרף אלאס[וא]
- ענך ברחמתה לז' כלון מן שבט ען סלאמה ונעמה ושוק אליך קרב אללה אלאגתמאע
- ביך עלי אפצל חאל תקדמת כתבי אליך עדה מע אלפיוג ופי הדה אלאיאם מע פיוג אכרין
- כרגו מע אלק[אפ]ל[ה ] כנת עלי אלספר פלם יתפק לי אסל אללה יגעל פי דלך אלכירה
- וקד וצלו [אלפיוג] פי הדה אלאיאם ווצל כתאבך תדכר טלועך לבוציר ושראך י' אעדאל כת[אן]
- ארגו חלל[ת ] רחלך ואשתרית באקי חאגתך ודכר[ת א]מר אלרזמ[ה] אסל אללה יעגל עלינא
- ועלי מן לה פיה שי בכיר ודכרו אלפיוג אכבאר חירתנא ודכלת פ[י] קל[בנ]א אסל אללה יסמענא
- מא יהדי קלובנא ויגבר אלכל בחיאה מולאי אלשיך אבי נצר ויגעלה פי חיז אלסלאמה ולא
- יוקפה עלי מכרוה פהו עזא אלכל ויטמן קלובנא מן גהתכם וקד ערפתך פי כתבי מא באעה
- לך אכי בסוסה וקד באע לך פי הדה אלחמעה בסוסה ביעה חסנה מן קקל''ה אלי קק''י
- ולם יתם לה סלף ל[סבב] לזומה אלמוצע ואשתרא לך ק' שקה צאלחה כתיר מתאע חסן וקד
- תהיאת אלסנה הדה אלקאפלה לם נרא מתלהא קט ולם נגד אחד יחמל לי פיהא מתאע
- חתי ק' גלאלה וכסר אשתריתהא מא וגדת מן יחמלהא פלם נריד אבאלי נפסי מן אלחוגיג
- פיהא לאני נעלם אן יכון וצולהא פי אלציף ויחמק אלאנסאן מן מא ישתריה וקד אסתכרת
- אללה וחמלת אליך פיהא צחבה עבדאללה אלכשקורי צרה דנניר כלטתי מעך וזנהא
- נ' דינארא וצרה כלטתי מע סידי אבי אלקאסם עבד אלרחמן וזנהא ס''ה דינאר וצחבה
- כליפה אבן אלמנגצי צרה עין כלטתי מעך וזנהא נ' זינארא וצרה עין כלטה סידי
- אבי אלקאסם עבד אלרחמן וזנהא ס''ה דינארא וצרה ורק כלטה סידי אבי אלקאסם איצא וזנהא
- אלף דרהם וחמלת אליך צחבה אחמד אבן קאסם צאחבה צרה עין כלטתי מעך וזנהא ל'
- דינארא וקרטאס פיה רטל ותלת חריר סרקוסי וקד דכרת לך פי גיר הדא אלכתאב אן וגהת
- אליך אלף דרה' מע אבו בכר אלרשידי פבעדלך תמנע מן חמלהא פצרפת לך עוצהא
- הדה אלל' דינארא וחמלת אליך מע אבו בכר צרה פיהא ס''ב אלף קק''נ חבה לולו מרגאן מנצו[ם]
- קדמת עלי ביעתין כ''ה דינאר לם נאכד מנהא אלא הדה והי תסוא הון ט''ו דינאר אלביעה
- פתעמל עלי אנך אן כנת מקים תשתרי לי אעדאל כתאן צאלחה ולא תשתרי שי מן אלטנסאוי
- מא לך אנת טאקה בהדה אלביות אלכבאר אנמא תלתקט אנת מן ענד אלצעאליך אגוד
- מא תקדר עליה ואנת אנצר פי מא יעוד בצלאחך ואן כאן אללאך צאלח או ראית פו אצלה
- קלה פתעמל עלי אנך תשתרי ביהא לאך אלי אן תצל אליך אלדנניר ואלדרה' פי אול אלמראכב
- תלחק תשתרי נפץ אלניל ואן כנת מסאפר פתכלף [ ] ישתרי לך ביהא פי אלציף
- אמא כתאן או לאך ולא תשתרי שי עלי גת פמא פי שרא אלעגלה ראחה אלא אן תרא שי
- מן אלכף צאלח מתל מסך או אזורד הו הון קליל מביוע או לולו אכראג אן כאן צאלח
- אכר אלוקת ואעלם אן תלחק ביה אול אלמראכב פתעמל מא אלהמך אללה אליה אללה
- יופק לך מא פיה אלכירה ופי הדה אליומין תצל קאפלה מן סגלמאסה והי תכרג בעד
- הדה פאן אתפק לי מן יצלח נזיד נחמל מעה שוי וגמיע מא נחמלה נגעל סבילה
- לסידי אבי אלקאסם עבד אלרחמן וקלבי מתעלק מן גהה סידי אבי זכרי אלטביב
- לא כרג מנה מע אלפיוג כתאב ונעלם מא יטרח עלי קלבה מן הדה אלחאדתה אלעצימה
- אסל אללה יסמעני סלאמתה וסלאמתכם אגמעין וקד כנת כתבת לסידי אבי זכרי
- פי מלחפה פאן כאן לם יתפרג אליהא פלעל תשתריהא לי ותוגההא מע תובין ארגישי
- לא תסתבד מנהם לאני נשתריהם הנא כאג'לא לחטאן ולם תדכר לי פי כתאבך שי
- מן אכבאר סידי אבי אלקאסם ואנמא נחב כתאבך יכון משרה בכל אלאשיא ולם נרא
- מנה כתאב ולא עלמת אן כאן אשתרא לנא כתאן אם לא מע מא אני נעלם אנה
- מא יפרט פנחב תערפה שכרי ותדכרה כל אלאוקאת פי אסבאבנא ותבלג
- סידי אבי אסחק ברהון אבן עמי אבו אלפצל אלסלם וסידי אבי אסחק ברהון בן עמי
- אסמעיל אפצל אלסלם ואללה יעלם מא דכל עלי קלבי מן אלסרור במא סמעת בוצולה
- ותבלג סידי אבי אברהם עיאש אפצל אלסלם ואנא נדכר כאלה כל אלאוקאת פי חואיגה
- וסידי אבי סעיד נעלם אן מא יצל כתאבי אן שא אללה אלא וקד אנהדר אללה יגמע
- ביננא ובינה עאגל קריב וקד כנת אכדת עליך פי כל כתבי פי באב אלמקרא
- אלדי חמל אליך עטא בן יגו ארגו פעלת לה פיהא מא יסרה פלך פי דלך ולנא מתובה
- פלא חאלו פי אמרהא ואלסלם עליך וכל מן ענדנא יכצך באפצל אלסלם ואכי
- בסוסה וקד וגהת אליה כתאבך ווצל גואבה אליך וקד וגהתה אליך מע כתאבי
recto, right margin
- מע כליפה אבן אלמנגצי
- אלדי מעה אלצראר
- ואלסלם עליך ועקב שלום
Recto
- כתאבי יאכי וסידי אלעזיז עלי אטאל אללה בקאך ואדאם סלאמתך וסעאדתך וצרק
אלאסוא
- ענך ברחמתה לח כלון מן שבט ען סלאמה ונעמה ושוק אליך קרב אללה אלאגתמאע
- ביך עלי אפצל חאל וקדמת כתבי אליך עדה מע אלפיוג ופי הדה אלאיאם מע
פיוג אכרין
- כרגו כנת עלי אלצפר פלם יתפק לי אסל אללה יגעל פי דלך אלכיר
- וקד וצל פי הדה אלאיאם ווצל כתאבך תדכר טלועך לבוציר ושראך י
אעדאל כתאן
- א רחלך ואשתרית באקי חאגתך וכדרת [א]מר אלרזמה אסל אללה יעגל
עלינא
- ועלי מן לה פיה שי ? ודכרו אלפיוג אכבאר חין מא אדהלת עקולנא אסל אללה
יסמענא
- מא יהדי קלובנא ויגבר אלכל בחיאה מולאי אלשיך אבי נצר ויגעלה פי חיז
אלסלאמה ולא
- יוקפה עלי מכרוה פהו עזא אלכל ויטמן קלובנא מן גהתכם וקד ערפתך פי כתבי
מא באעה
- לך אכי בסוסה וקד באע לך פי הדה אלגמעה בסוסה ביעה חסנה מן קקלה אלי
קקי
- ולם יחמלה סלף ל מה אלמוצע ואשתרא לך ק שקה צאלחה כתיר מתאע
חסן וקד
- תהיאת אלסנה הדה אלקאפלה לם נרא מתלהא קט ולם נגד אחד יחמל לי פיהא
מתאע
- חתי ק גלאלה וכסר אשתריתהא מא וגדת מן יחמלהא פלם נריד נכלי נפסי מן
אלתוגיה
- פיהא לאני נעלם אן יכון וצולהא פי אלציף ויתרק אלאנסאן מן מא ישתריה
וקד אסתכרת
- אללה וחמלת אליך פיהא צחבה עבד אללה אלבשקורי צרה דנניר כלטתי מעך
וזנהא
- נ דינארא וצרה כלטתי מע סידי אבי אלקאסם עבד אלרחמן וזנהא סה דינאר
- כליפה אבן אלמנגצי צרה עין כלטתי מעך וזנהא נ דינארא וצרה עין כלטה
סידי
- אבי אלקאסם עבד אלרחמן וזנהא סה דינארא וצרה ורק כלטה סידי אבי אלקאסם
איצא וזנהא
- אלף דרה וחמלת אליך צחבת אחמד אבן קאסם צאחבה צרה עין כלטתי מעך וזנהא
ל
- דינארא יקרטאס פיה רטל ותלת חריר סרקוסי וקד דכרת לך פי גיר הדא אלכתאב
אן וגהת
- אליך אלף דרה מע אבו בכר אלרשידי פבע[ד] (?) דלך תמנע מן חמלהא פצרפת
לך עוצהא
- הדה אל ל דינארא וחמלת אליך מע אבו בכר צרה פיהא סב אלף קקז חבה לולו
מרגאן מנצום
- קדמת עלי ביעתין כה דינאר לם נאכד מנהא אלא הדה והי תסוא הון טו דינאר
אלביעה
- פתעמל עלי אנך אן כנת מקים תשתרי ד אעדל כתאן צאלחה ולא תשתרי שי מן
אלטנסאוי
- מאלך אנת טאקה בהדה אלביות אלכבאר אנמא תלתקט אנת מן ענד אלצעאליך אגוד
- מא תקדר עליה ואנת אנצר פי מא יעוד בצלאחך ואן כאן אללאך צאלח או ראית
פי אצלה
- קלה פתעמל עלי אנך תשתרי ביהא לאך אלי אן תצל אליך אלדנניר ואלדרה פי
אול אלמראכב
- תלחק תשתרי נפץ אלניל ואן כנת מסאפר פתכלק [מן] תראה ישתרי לך ביהא פי
אלציף
- אמא כתאן או לאך ולא תשתרי שי עלי גת פמא פי שרא אלעגלה ראחה אלא אן
תרא שי
- מן אלכף צאלח מתל מסך או אזורד הו הון קליל מביוע אנ לולו אכראג אן כאן
צאלח
- אכר אלוקת ואעלם אן תלחק ביה אול אלמראכב פתעמל מא ילהמך אללה אליה
אללה
- יופק לך מא פיה אלכירה ופי הדה אליומין חצל קאפלה מן סגלמאסה והי תכרג
בעד
- הדה פאן אתפק לי מן יצלח נזיד נחמל מעה שוי וגמיע מא נחמלה נגעם סבילה
- לסידי אבי אלקאסם עבד אלרחמן וקלבי מתעלק מן גהת סידי אבי זכרי אלטביב
- לם נרא מנה מע אלפיוג כתאב ונעלם מא יטרא עלי קלבה מן הדה אלחאדתה
אלעצימה
- אטל אללה יסמעני סלאמתה וסלאמתהם אגמעין וקד כנת כתבת לסידי אבי זכרי
- פי מלחפה פאן כאן יתפרג אליהא פלעל תשתריהא לי ותוגההא מע תובין ארגישי
- לא תסתכר מנהם לאני אשתריהם הנא באגלא אלתמאן ולם תדכר לי פי כתאבך שי
- מן אכבאר סידי אבי אלקאסם ואנמא נחב כתאבך יכון משרח בכל אלאשיא ולם
נרא
- מנה כתאב ולא עלמת אן כאנ אשתרא לנא כתאן אם לא מע מא אני נעלם אנה
- מא יסדא פנחב תערפה שכרי ותדכרה כל אלאוקאת פי אסבאבנא ותבלג
- סידי אבי אסחק ברהון אבן עמי אבו אלפצל אלסלם וסידי אבי אסחק ברהון בן
עמי
- אסמעיל אפצל אלסלם ואללה יעלם מא דכל עלי קלבי מן אלסרור במא סמעת
דוצולה
- ותבלג סידי אבי אברהם עיאש אפצל אלסלם ואנא נדכר כאלה כל אלאוקאת פי
חואיגה
- וסידי אבי סעיד נעלם אן מא יצל כתאבי אן שא אללה אלא וקד אנחדר אללה
יגמע
- ביננא ובינה עאגל קריב וקד כנת אכדת עליך פי כל כתבי פי כתב אלמקרא
- אלדי חמל אליך עטא בן יגו ארגו פעלת לה פיהא מא יסרה פלך פי דלך ולנא
מחובה
- פלא תאלו פי אמרהא ואלסלם עליך וכל מן ענדנא יכצך באפצל אלסלם ואכי
- בסוסה וקד וגהת אליה כתאבך ווצל גואבה אליך וקד וגהתה אליך מע כתאבי
Margins
- מע כליפה אבן אלמנגצי
- אלדי מע אלצראר
- ואלסלם עליך ועקב שלם
recto
- אני כותב לך, אחי ואדוני היקר לי, ייתן לך אלוהים אריכות ימים ויתמיד את שלומך ואת אושרך ויסלק כל רע
- ממך ברחמיו, בז' בשבט. שלומי טוב ואני מאושר, אבל אני מתגעגע אליך, יקרב אלוהים את פגישתי
- עמך במיטב הנסיבות. כתבתי לך לפני כן מכתבים אחרים בידי נושאי המכתבים, ובימים אלה בידי נושאי מכתבים אחרים,
- שיצאו עם השירה .... עמדתי לצאת לדרך, אבל לא הזדמן לי. אבקש מאלוהים שישים זאת לטובה.
- בימים אלה הגיעו נושאי המכתבים והגיע מכתבך שבו אתה כותב שאתה עולה לבוציר ושקנית י' משואי פשתים.
- אקווה ששיווקת (את שארית) סחורתך וקנית את שארית קניותיך. כתבת על עניין הכריכה. אבקש מאלוהים שיכתוב במהרה לטובה כל מה שיש לנו
- ולאחרים בתוכה (באונייה). נושאי המכתבים מסרך ידיעות שהדהימו והדאיגו אותנו מאוד ; מאלוהים אבקש שישמיענו
- דברים מרגיעים ויזכה את כולנו בחיי אדוני ורבי אבו נצר, וישימהו במחוז השלום, ולא
- יראה רעה שהלוא הוא נחמה לכולנו, ויביא מרגוע לכולנו ביחס אליכם. כבר הודעתיך במכתבי מה שמכר
- בשבילך אחי בסוסה, אכן מכר בשבילך השבוע מכירה נאה, מקקל"ה עד קק"י,
- אבל לא קיבל דמי קדימה בגלל היותו מרותק למקום. הוא קנה לך ק' יריעות (אריג) משובחות מאוד, סחורה טובה;
- אכן יצאה לפועל השנה שיירה שכמוה טרם ראינו אי פעם, אבל לא מצאתי איש בתוכה שיוביל בשבילי סחורה,
- עד שאפילו ק' וכמה מעילים שקניתי, לא מצאתי מי שיובילם ; אבל לא רציתי להתעסק עם מישהו מעולי הרגל
- שבשיירה, כי ידוע לי שהיא תגיע (רק) בקיץ, כאשר מי שקונה נחשב טיפש. ביקשתי את חסדי
- אלוהים ושלחתי לך בשיירה בידי עבדאללה אלכשקורי כיס דינרים של שותפותי עמך, משקלו
- נ' דינרים, וכיס של שותפותי עם אדוני אבו אלקאסם עבד אלרחמן, משקלו ס"ה דינרים; ובידי
- כליפה בן אלמנג'צי כיס (דינרי) זהב של שותפותי עמך, משקלו נ' דינרים, וכיס (דינרי) זהב של שותפות אדוני
- אבו אלקאתם עבד אלרחמן, משקלו ס"ה דינרים, וכיס (דרהמים) 'ורק' גם כן לשותפות אדוני אבו אלקאסם, משקלו
- אלף דרהם, ושלחתי לך בידי חברו אחמד אבן קאסם כיס (דינרי) זהב, לשותפותי עמך, משקלו ל'
- דינרים ושק נייר ובו רטל ושליש משי סרקוסי; וכבר כתבתי לך במכתב אחר ששלחתי
- לך אלף דרהם בידי אבו בכר אלרשידי, אבל אחר־כך סירב לשאתם, על כן המרתי לך במקומם
- את ל' הדינרים האלה ושלחתי לך בידי אבו בכר כיס ובו ס"ב אלף קק"נ יחידות פנינים קטנות מושחלות;
- שילמתי דמי קדימה בעד שני צרורות (פנינים) כ"ה דינרים, אבל לא לקחתי מהם אלא את אלה, והן שוות כאן ט"ו דינרים הצרור;
- דאג אפוא, אם תשהה שם, לקנות לי משואי פשתים טובות, ואל תקנה לי כלל 'טנסאוי'.
- לך עצמך אין גישה אל האחוזות הגדולות, רק תאסוף מאצל הדלפונים את הכי טובות
- שתשיג; ואתה מיטיב לדעת מה יביא לך רווח; אם הלכה (שם) טובה או שתהיה סבור שמעיקרה
- היא בצמצום, השתדל לקנות שם לכה עד שיגיעו אליך הדינרים והדרהַמים, באונייה הראשונה,
- ותספיק לקנות (גם) ניל מנופט. אם אתה נוסע (משם) הטל על .... שיקנה לך שם בקיץ
- או פשתים או לכה ; אבל אל תקנה דבר בחיפזון, כי אין טובה בקנייה החפוזה, אלא אם תראה דבר
- מן הקלים שהוא טוב, כגון מוסק או אבן תכלת שהיא כאן בצמצום ומבוקשת, או פנינים 'אכראג'', אם הן טובות
- לאחרונה ; והיוודע אם תשיג עם (הסחורות) את האונייה הראשונה, ותעשה מה שייתן אלוהים בלבך, אלוהים
- יזמן לך דברים שיש בהם טובה. ביומיים האלה תגיע שיירה מסג'למאסה, והיא תצא אחר
- כך, ואם יזדמן לי מישהו ראוי אוסיף ואשלח עמו משהו. כל מה שאשלח יהיה על שמו
- של אדוני אבו אלקאסם עבד אלרחמן. אני חרד בנוגע לאדוני אבו זכרי הרופא,
- כי לא יצא ממנו מכתב בידי נושא המכתבים, וידוע לי כמה עוגמת נפש יש לו מן האסון הנורא הזה;
- אבקש מאלוהים שישמיעני את שלומו ואת שלום כולכם. כתבתי לפני כן לאדוני אבו זכרי,
- בעניין האדרת, אך אם לא התפנה לזאת, שמא תקנה לי אותה אתה ותשלחנה עם שני בגדים ארג'ישי,
- אל תתחמק מזה, כי מה שקונים כאן, בושה לראותו(?). לא כתבת לי במכתבך דבר
- מהנעשה אצל אדוני אבו אלקאסם. אני רוצה שיהיה מכתבך תמיד מפורט בכל העניינים ; לא ראיתי
- מכתב ממנו, ואינני יודע אם קנה לנו פשתים או לא ; אף על פי שאני יודע שהוא
- לא יתרשל; רצוני שתודיע לו את תודתי ותזכיר לו כל הזמן את עניינינו. ומסור
- לאדוני אבו אסחק ברהון בן דודי אבו אלפצל, דרישות שלום, ולאדוני אבו סחק ברהון, בן דודי
- אסמעיל, מיטב דרישות השלום; אלוהים יודע כמה שמחה את לבי הידיעה על בואו;
- ותמסור לאדוני אבו אברהם עיאש, את מיטב דרישות השלום, ושאני מזכיר לדודו, אחי אמו, כל הזמן את הקניות בשבילו:
- ואני יודע שאדוני אבו סעיד יצא לדרך ברצון האל עוד בטרם בוא מכתבי, אלוהים יפגיש
- אותנו עמו במהרה. לפני כן הזכרתי לך בכל מכתבי את עניין המקרא
- שהביא לך עטא בן יג'ו, אקווה שעשית בו בשבילו מה שיגרום לו שמחה, כי הלוא כך תהיה לך ולנו מצווה,
- והרי לא שינו דבר בעניינו (של המקרא). ושלום עליך, וכל מי שאצלנו שולח לך את מיטב דרישות השלום. אחי
- בסוסה, ושלחתי אליו את מכתבך, והגיעה ממנו תשובה בשבילך, ושלחתי אותה לך יחד עם מכתבי
recto, right margin
שבידי כליפה אבן אלמנג'צי אשר בידיו הכיסים. ושלום עליך, ועקב שלום.
Recto
I am writing to you, my dear brother and master, . . . on the 8th of Shevat (January 27, 1048) . . . I have previously sent you several letters with the couriers and again in recent days some with other couriers. I hope they have arrived. [...] I was about to travel, but it did not come off. I ask God that this may be to the good. [...] arrived in these days and also your letter, in which you informed me that you had gone up to Būṣīr and bought ten bales of flax, [... that you have packed] your goods and also bought the rest of your orders. You also referred to that consignment; may God give me and all others who have a share in it big success soon.
The couriers brought disastrous news, which terrified us. I ask God to set us at rest and to console everyone by keeping my lord, the elder Abū Naṣr, alive and by granting him safety. May we never hear bad news about him. This will be a comfort to all and calm our hearts with regard to you (pl.).
I informed you in my letters what my brother had sold for you in Sūsa. This week he again made good sales on your behalf at 235 and 210 (quarter dinars for a bale of flax of about 500 pounds). But he was unable to obtain a loan on the price. [...] He bought for you a hundred excellent garments of very fine quality.
This year a caravan, the like of which we have never seen, is in preparation, but I have not found anyone prepared to take with him something for me, not even a hundred or so slips. But I was not prepared to let that caravan go without sending something in it, for I know it will arrive in summer, when everyone burns to buy. Therefore I asked for God’s guidance and sent you a purse for my partnership with you weighing 50 dinars in the caravan with ʿAbdallāh al-Bashqūrī, another one, weighing 65 dinars, for my partnership with M. Abu ’l-Qāsim ʿAbd al-Raḥmān, and with Khalīfa Ibn al-Munaghghasī (“Substitute, son of the Loathsome”) a purse with gold, weighing 50 dinars, for my partnership with you, and one of 65 dinars for my partnership with Abu ’l-Qāsim ʿAbd al-Raḥmān, and for the latter also a purse with 1,000 silver dirhems. I also sent you, with his companion Aḥmad Ibn Qāsim, a purse with gold weighing 30 dinars and a bag (of paper or vellum) with 1⅓ pounds of Syracuse silk.
In a previous letter I had written that I had sent you 1,000 dirhems with Abū Bakr al-Rashīdī, but afterwards he declined to take them. Therefore I changed them into those 30 dinars (sent with Aḥmad).
I sent you with Abū Bakr a purse with 62,250 coral pearls on strings. I paid 25 dinars in advance for two units, but took only the amount noted, which costs 15 dinars per unit here.
If you stay on, work on the purchase of four bales of good flax, but do not buy from the Ṭansāwī. You have no strength for dealing with these great houses; you are better off picking up in person whatever you can from the beggars (the small merchants). You will see what serves best for your success. If the lac is good or if not much of it is to be had, try to buy it with the money you have at your disposal, and when the dinars and dirhems arrive with the early ships, buy well-aired indigo.
If you travel, charge whomever you deem fit with buying flax or lac during the summer with the money at hand. Do not buy hastily. Buying in a hurry has no blessing. Except if you see goods that can be carried as light baggage, such as musk or lapis lazuli, which sells well here because only a little of it is on the market, or akhrājī pearls, if they are good. Buy close to your departure and try to get on the first boat setting sail. In short, do what God puts into your mind; may he guide you to good decisions.
During the next few days a caravan from Sijilmāsa is expected, which will continue its way shortly afterwards. If I find a suitable carrier, I shall send something additional with him. All shipments will be addressed to M. Abu ’l-Qāsim ʿAbd al-Raḥmān.
I am worried about Abū Zikrī al-Ṭabīb, from whom I have not seen any letter by couriers. I can imagine how he was affected by that terrible event. I ask God to let me hear that he and you all are well.
I had asked M. Abū Zikrī to buy me a milḥafa (cloak). If he has not found time for this, please buy me one and send it together with two Arjīshī robes. Do not be choosy, for here I have to purchase them for a very high price.
Your letter did not contain any news from M. Abu ’l-Qāsim. I ask you always to report in detail about everything. Nor have I received a letter from him and do not know whether or not he has bought flax for me. I know, of course, that he is a dear one; please convey to him my thanks and constantly remind him about my affairs.
Give my best regards to M. Abū Isḥāq Barhūn, the son of my uncle Abu ’l-Faḍl, and to M. Abū Isḥāq Barhūn, the son of my uncle Ismāʿīl, and tell the latter how happy I was to learn about his safe arrival. Best regards to M. Abū Ibrāhīm ʿAyyāsh (“Long-lived”) and tell him that I constantly remind his maternal uncle of his affairs. As to M. Abū Saʿīd, I understand this letter will arrive only after his departure. May God unite me with him soon.
In all my letters I have urged you to help ʿAṭāʾ (“Gift”) Ibn Yijū with the books of the Bible he sent you. I hope you have done all you can for him in this matter, for you and I will thereby acquire a religious merit. Do not neglect his request.
Recto, right margin
Peace upon you. And all those who are with me send you kindest regards, and so does my brother in Sūsa. I sent him your letter and have received his answer for you, which I forward to you together with my letter carried by Khalīfa Ibn al-Munaghghasī, who has the purses.
And peace upon you, and peace to the very end.
T-S 20.180 1v
verso
- אכי וסידי אלעזיז עלי אבו יחיי אטאל אללה בקאה מן ברהון בר יצחק זצ''ל [תאהתרי]
- נהראי בן נסים אללה וליה
Verso
אכי וסידי אלעזיז עלי אבו יחיי נע מן ברהון בר יצחק זצל
אטאל אללה בקאה
נהראי בן נסים אללה וליה
verso
לאחי ואדוני היקר לי אבו יחיא, ייתן לו אלוהים אריכות ימים, נהוראי בן נסים; אלוהים שומרו; מאת ברהון בר יצחק זצ"ל תאהרתי.
Verso, address, right column
(To) my dear brother and master Abū Yaḥyā, may God prolong his life, Nahray b. Nissīm, may God be his protector.
Verso, address, left column
From Barhūn, son of R. Isaac, (may the) m(emory of the) r(ighteous) be b(lessed).