מכתב: T-S 12.227
מכתב T-S 12.227תגים
תיאור
Letter from Mūsā b. Yiṣḥaq b. Ḥisda, in a city in middle Egypt, to Yosef b. ʿAwkal. In Judaeo-Arabic. Dating: Early 11th century. The covering that the addressee sent for Avraham (who is sick) is too light and cheap. He is asked to send another one, but heavy this time (v11–13).
Edition: גיל, משה
Translation:
T-S 12.227 1r
תיעתוק
משה גיל, במלכות ישמעאל בתקופת הגאונים (in Hebrew) (Tel Aviv: Tel Aviv University, 1997), vol. 2.recto
- כתאבי אליך יאשיכי ורייסי וגלילי וכבי[רי אטאל אללה בקא]ך ואדאם נעמאך ותולאך
- ורעאך ומן תופיקה לא אכלאך ען סל[אמה לא עדמתהא ונע]מה לא כלות מנהא ואלחמד
- ללה רב אלעאלמין כתירא וצל כתאבך [ ]תך וצלת אלברניה לא
- עדמת תפצלך אבדא ו[ ]ני מכאפאתך אמן ואעלמך יאשיכי אן שדת ד' אעדאל
- פי כל עדל מנהא ג' קנאטר ותלת בלא טרח ולא פואת כמא רסמת וחצ'ר פי אל
- קימה זוהיר ואכ<ו>ה ואבן אלכטיב הבה ולם נקדרה עלי אנה פי ד'אלך אליום נשד
- אלכתאן ונצ'רת מנה רזמה י' מן גמלתה וקומה ה''כ דינ' אלחמל ועמלת עלי
- שדה וגהת אלכיש אלא בוציר כתבת עליה ברסם אלד'י כתבת פי כתאבך
- [ואב]ו סעיד כלוף וקף עלי כתבתהא ושד אלשירגי ח' אעדאל וד'כר אנה יתם
- אלי' אעדאל וסלאמה מר אלא אשנמין(!) מא וגד מרכב והו ימצ'י ג'ד כתאבי אלא
- בוציר פי טלב אלמרכב אללה יסאהל אמרה וגמע עליך וכתאב זוהיר
- וכתאב בן אלכטיב יצל אליך מע אלאעדאל אן [שא] אללה יערפוך מא גרא
- ערפתך דלך אל[ ווצל] כתאבך [ ] תד'כר אמר אלפואת אלד'י
- ] אלכתאן [ ] אלכתאן לאנה מכתלף פאן ראית
- [אן ת]וגה כס[א] באיזא מא מעי נשתרי פי ואחד פאפעל ואלדי מעי ב''כ דינ'
- ] פאן ראית תוג'ה באיזאהא נתלקט פוא ופ'וא' פאפעל ואלם תשתהי ולם
- שהותך שראהא לא ללכלטה ולא כאצתי אנא נבלג מחאבך פי ד'לך ואלד'י ענדי
- מן אלפואת ה' רזם אלעדד ה''ע פוא לא גייר ובאללה אן מן יום אן וצל כתאבך תד'כר
- אמרהא מא אשתרית ולא ואחדא שהותי פי ד'אלך נבלג מחאבך ומא עלי קלבי
- אנא מן אלרבח אלדי יטלע פיהא ויכון נפסך //ואנת\\ גיר טייבא מא נשתהי ד'אלך
- אעלמתך ד'אלך וקד משא חאלי פאלנפץ' פי האד'י אלגמעה אלתזמה ענדי
- גמאעה והם פי כל יום פי זיאדה ננפץ' כל יום ז' רזם ו' וזאיד וכל יום יזיד אל
- עמל אללה יסאהל ויעינני עלי פראגה אן שא אללה בקדרתה וקד פתח אלמדן פי
- האד'י אלגמעה בן אלגזליה ואפסד עלינא אלאמר ואתעזזה עלי אלאוגרא לאן
- אבדל להם אלדנאניר [ ] ואלעאמל אכ'ד' איצ'א אלאוגרא אלד'י
- לבן אל[ ] קליל בהדא ויחיי מא יקסר אנא נוגהו פי
- כל גמעה אלא [ ] והד'א אלוקת אלד'י כונת נרתגי אלזמה
- אללה ואלכסר אלדי כאן א[ ] ואתסלפת ובאללה פוק אלו''ט דינ' ולם
- יבקא מעי מן אלדראהם אלא דון אלק' [ ] לא גיר ומא ינפץ' ואחד פוא אלי חתי ימר
- קבל חק אלאוגרא ואן אמתנע אל[ו]אחד ען אל[ד]פע מא ינפץ' פוא ואחדה חתי יאכד' וכל
- יום וקרארה אלאוגרה ונחב [אל]דנאניר תכון מעי
- יסירה למן
recto, right margin
- אראד שי נדפעה ולא נקדר נדאפע[הם] אלא ימורו אלא אלגיר [ ] כונת עלי אן נוגה אליך אלצבי בן [ ] מן באב אל[
- לאן כשית אן יתעצ'ר ועלינה אמר אלמרכב ווצול אל[
recto, top margin
- ואלאוגרא מא[ ]יר עלי אלכרוג אלא ענדנא אללה אללה
- כתאבי אליך יאשיכי ורייסי וגלילי ...[אטאל אללה בקא]ך ואדאם נעמאך ותולאך
- ורעאך ומן תופיקה לא אכלאך ען חאל [סלאמה לא עדמתהא ונע]מה לא כלות מנהא ואלחמד
- ללה רב אלעאלמין כתירא וצל כתאבך [ ] תך וצלת אלברניה לא
- עדמת תפצלך אבדא וי..נ.. מכאפאתך אמין ואעלמך יאשיכי אן שדת ט אעדאל
- פי כל עדל מנהא ג קנאטר ותלת בלא טרח ולא פואת כמא רסמת וחצר פי אל
- קימה זוהיר ואכה (=ואכוה) ואבן אלכטיב הבה ולם נקדרה עלי אנה פי דאלך אליום נזן
- אלכתאן ונצרה מנה קומה י מן גמלתה וקומה הכ דינ' אלחמל ועמלת עלי
- שדה וגהת אלכיש אלי בוציר כתבת עליה ברסם אלדי כתבת פי כתאבך
- ואב]ו סעיד כלוף וקף עלי כתבתהא ושד אלשירגי ח אעדאל ודכר אנה יזן
- אלי אעדאל וסלאמה מר אלא אשנמין (=אשמנין) מא וגד מרכב והו ימצי ג'ד כתאבי אלי
- בוציר פי טלב אלמרכב אללה יסאהל אמרה וגמע עליך וכתאב זוהיר
- וכתאב אבן אלכטיב יצל אליך מע אלאעדאל אן שא אללה יערפוך מא גרא
- ערפתך דלך כתאבך שי (?) תדכר אמר אלפואת אלדי
- אלכתאן ומא תדכור אלכתאן לאנה מכתלף פאן ראית
- [אן תו]גה..[ ] באיזא מא מעי נשתרי פוא אכר פאפעל ואלדי מעי בכ דינ'
- פאן ראית תוגה באיזאהא נתלקט פוא ופוא פאפעל ואלם תשתהי ולם (=ואן לם)
- שהותך שראהא לא ללכלטה ולא כאצתי אנא נבלג מחאבך פי דלך ואלדי ענדי
- מן אלפואת ה רזם אלעדד הע פוא לא גייר ובאללה אן מן יום אן וצל כתאבך תדכר
- אמרהא מא אשתרית ולא ואחדה שהותי פי דלך נבלג מחאבך ומא עלי קלבי
- אנא מן אלרבח אלדי יצלנא פיהא ויכון נפסך \אנת \ גיר טייבה מא נשתהי דאלך
- אעלמתך דאלך וקד משא חאלי פאל נפץ פי האדי אלגמעה אלתאמה (אלתאמנה?) ענדי
- גמאעה והם פי כל יום פי זיאדה ננפץ כל יום ז רזם ו וזאיד וכל יום יזיד אל
- עמל אללה יסאהל ויעינני עלי פראגה אן שא אללה בקדרתה וקד פתח אלמדק פי
- האדי אלגמעה בן אלגזליה ו[[ו]]אפסד עלינא אלשכר ואתעזזת עלי אלאוגרא לאן
- אב[נ]ת להם אלדנאניר [ ] .......ואלעאמל אכד איצא אלאוגרא אלדי
- לבן אל..................ויחיי מא נקאסר אנא ויא הו פי
- כל גמעה אלא אל ... והאדא אלוקת אלדי כונת נרתגי אלזמאן
- ואללה ואלכסר אלדי כאן מ[ע]י מא...ואתסלפת ובללה פוק אלוט דינ ולם
- יבקא מעי מן אלדראהם אלא דון אלן [דר]הם לא גייר ומא ינפץ ויחול (קרא: ואחד) פוא אלא חתי מא (קרא: אכד)
- קבל חק אלאוגרא ואן אמתנע אלואחד ען אלדפע מא ינפץ פוא ואחדה חתי יאכד אכל
- יום וקרארה אלאוגרא ואחב באן אלדנאניר תכון מעי
- נאדיהא למן (lines 31, 32 are short, nothing is missing)
margin
- אראד שי נדפעה ולא נקדר נדאפע[הם] אלא ימור[ו] אלא אלגיר כונת עלי אן נוגה אליך אלצבי בן ... מן באב אל[
- לאן כשית אן יתעצר ועלינא אמר אל[מ]רכב ווצול אל[
תרגום
T-S 12.227 1v
verso
- אן גא אבו אלכיר וגה לי מעה מא יקום בנא לא נבקא בלא שי ינפסד עלי אלחאל ויתחללת עני
- אלאוגרא ואלם יגי אבו אלכיר או וגה [ ] מע גירה או וגה לי רגל קאצד לא תקטע דנא'
- ומא נחתאג נוציך אכתר מן [דלך] ואלצבי יעקב אלכתאן נחדרה אליך מן זמאן ול[כן
- אכר אנחדארה אלי מצ[ר ] ואקבאל פי האדא אלוקת פי כל עאפיה ואלצבי מא
- י]צלח לשי ולא יק[ ] אדא וגהתה אלא כרג פי חאגה ורא אנסאן אן
- יגיבהו או חאגה אן תע[ י]קציהא ואנא אן יקצ'י לנא חאגה ונכלמה כלמה ירד עלי
- י' ואקבאל יערפך חאלה [ ]מה אן שא אללה יצל אליך יערפך בעד' מן אחואלה אלכסיסה והר
- ינחדר מע סלאמה ונחן נקום בחאלנא אלא אן יפרג אללה ואן לם תגד פי אלוקת מע מן תוגה
- וראית אן תוגה מע הלאל שי פאפעל ואלאמר לך ערפתך ד'אלך לתקף עליה קראת עליך
- אפצ'ל אלסלאם ועלי סיידי אבי אלפצ'ל סלמה אללה אלסלאם וסיידי אבי סהל ואבי סעיד
- חרסהם אללה אפצל אלסלאם וחסבי אללה והו תקתי ואלכסא אלד'י וגהתה לאברהם לם
- יאכד'ה והו ענדי מא סוי דינ' והו כפיף ירידה האולאי מא כאן פיה צוף תשתרי לה
- כסא יכון תקיל תוגהו לי לאנה עריאן ואנא אסאל מולאי אלשיך אן יתפצ'ל וישתרי
- לי שקה ונצף מתלת עמל מצר נקטע מנה תוב וסראויל אלתוב אלדי כאן עלי
- אתהרא ומא נלבס אלגבה אלא עלי צהרי //מא לי תוב אן נלבס\\ ואלם יוסהל אלשקה תשתרי לי תוב
- וסראויל ⟦ ⟧ כליע מן סוק אלחמאם לא תפרט לי פיה ערפתך ד'אלך תם
- מא] ד'כרת כתבנא אלחסאב אלחסאב יצל אליך אן שא אללה [ ] אן שי עבראני בכטיה
- או ערבי] בכט א[בי א]ל[ ואלס]ל[א]ס עליך
verso, bottom margin
- לשיכי וריסי וגליל[י אבי אל]פרג יוסף מן מוסי בן אסחק בן חסדא נ''נ
- בן יעקב בן עוכל נ''נ אדאם אללה סלאמתה ואדה ומחבה
- וסעאדתה וציאנתה
page b
- אן גא אבו אלכיר וגה לי מעה מא יקום בנא ולא נבקא בלא שי ינפסד עלי אלחאל ויתחללת \ עני
- אלאוגרא ואלם יגי אבי אלכיר או וגה [....] מע גירה או וגה לי רגל קאצד לא תקטע \ בנא
- ומא נחתאג נוציך אכתר מן ה[אדא]...אלצבי יעקב אלכתאן נחדרה אליך מן זמאן ולאכנה
- אכר אנחדארה אלי מצ[ר......] ואקבאל פי האדא אלוקת פי כל עאפיה ואל... צבי מא
- י]צלח לשי ולא יקצ[י שי......] וגהתה אלאכרה (קרא: אלא ברא) פי חאגה ורא אנסאן אן
- יגי בתולי אוחאגה (=אחואגה) אן תע[סר עלי אן נ]קציהא אנא אן יכון יקצי לנא חאגה ונכלמה כלמה (כלמא?) ירד (ורד?) עלי
- י ואקבאל יערפך חאלה [אלל יסל]מה אן שא אללה יצל אליך יערפך בעד (=בעץ) מן אחואלה אלכסיסה והו
- ינחדר מע סלאמה ונחן נקום בחאלנא אלא אן יפרג אללה ואן לם תגד פי אלוקת מע מן תוגה
- וראית אן תוגה מע הלאל שי פאפעל ואלאמר לך ערפתך דאלך לתקף עליה קראת עליך
- אפצל אלסלאם ועלי סיידי אבי אלפצל סלמה אללה אלסלאם וסיידי אבי סהל ואבי סעיד
- חרסהם אללה אפצל אלסלאם וחסבי אללה והו תקתי ואלכסא אלדי וגהתה לאברהם לם
- יאכדה והו ענדי מא (י)סוי דינ' והו כפיף ירידה האולאי מא כאן פיה צוף תשתרי לה
- כסא יכון תקיל תגהו לי לאנה מריץ ואנא אסאל מולאי אלשיך אן יתפצל וישתרי
- לי שקה ונצף מתלת עמל מצר נקטע מנה תוב וסראויל אלתוב אלדי כאן עלי
- אתרהא ומא נלבס אלגבה אלא עלי צהרי \ מא לי מא אן נלבס \ ואלם (ואן לם) יוסהל אלשקה ישתרי לי תוב
- וסראויל [תובי] כליע מן סוק אלחמאם לא תפרט לי פיה ערפתך דאלך תם
- דכרת פי כאך (=כתאבך) אלחסאב אלחסאב יצל אליך אן שא אללה ...... אן שא עבראני בכטיה
- או ערבי] בכט א[בן א]ל[...ואלס]ל[א]ם עליך
The address (with the letters upside down, as usual) The right side:
- לשיכי ורייסי וגלילי [ ]אבו אלפרג יוסף
- בן יעקב (!) בן עוכל ננ אדאם אללה סלאמתה וסעאדתה וציאנתה
The left side:
- מן מוסי בן אסחק בן חסדא ננ
- ואדה ומחבה
