Letter: T-S 13J19.23
Letter T-S 13J19.23Tags
Input date
In PGP since 2017Description
Alexandria; Sunday, 5 of Nisan, 1453; April 5, 1142 This is the third and last page of a letter ʿAmram b. Yiṣḥaq wrote to Ḥalfon. As usual, ʿAmram mentions his troubles, including his wife's illness and his sadness after the death of Eli the Judge, Ḥalfon’s older brother, and he adds to them the sadness over Yehuda ha-Levi's death. After the trip of one relative to India, Amram was left alone, and the loneliness only worsened after the trip of another (perhaps the recipient). There is news of the arrival of another merchant (Yiṣḥaq al-Sijilmasi). Amram repeats his request to Ḥalfon to send him 'Tafsir Yeshayahu' and asks for help regarding the necessary permits to handle the estate of a family member of Ḥalfon. At the end of the letter, she asked about Yiṣḥaq b. Ezra's experiences. When Amram delayed his troubles for too long, as usual, he mentions in passing the laments that he and Ḥalfon used to send each other in their letters mourning the death of Yehuda ha-Levi, and in this paragraph, there is a special interest in evaluating the mark that the death of the great poet left on the Jews of Egypt. (Information from Goitein and Friedman, India Book IV)
Edition: Goitein, S. D.; Friedman, Mordechai Akiva
Translation:
T-S 13J19.23 1r
Transcription
S. D. Goitein and Mordechai Akiva Friedman, Ḥalfon the Traveling Merchant Scholar : Cairo Geniza Documents (in Hebrew) (Jerusalem: Ben Zvi Institute, 2013), vol. 4.1 תאלת
- בעד אן אבתדא הו צלח להם בעד הדא יעזוה ויסלוה ומא כפא חזני
- ומא אנא פיה אלא ובעד אלשיך אבו יעקוב ̇ש̇צ ודכולה אלהנד אללה יִכִתִבִ
- סלאמתה ופי הדא אליום וצל מ̇ר יצחק אלש̇גלמאסי והו יו (!) אלאחד
- אלתאמן מן ניסן אללה יבלגהא שנים רבות ונעימות ויקרב גאולת
- עמו אלכלייה בימיה ובימנו (!) ובימי עמו ישראל ותאכל מן הזבחים
- ומן הפסחים שהגיע דמם על קיר מזבח יו' אלהנו (!) וכן יהי רצון מא
- אדכר מוסם ולא אהני בה וקד אלבארי יא מולאי אן מן וקת עידנא ענד
- רבנו עלי אלנזר ימצא רחמים מא עידת עיד אלא חזין כאיב באלכאץ
- עאם אול כנא חזאנא כאיבין מן גהה כרימתה וחאלנא ואבו אלמעאלי
- מתל אל̇צו י̇צי קדאמי ואנא כאפר בנעמה אללה עלי כיף אכון
- אלסנה בכי ואנחה ואנקה עלי אנני וחקהא עלי עדד אלרגעים אנא
- כדא ואלחזינה אלכרבה אלבית אלמייתה עלי וגה אלארץ תאנוק נאנק
- חלל אסאללה אלכפאיה פיהא ופי גמיע אלבית וכנת אנא והי נדלל
- עליה אדא כרג אבן עמתה ונולם קלבה ונטלב מא ליס פי קדרתה
- מן אלכדמה ואלקיאם במא נחתא̇ג פכיף חאלנא אדא טלב אלכרו̇ג
- בעד אלעיד מן נגד ישארכנא פי מציבתנא קד כאן עלי אקלל
- ואכתצר פי אעלאמהא חאלי פי ורקה ואחד כאכתצארהא
- מא וגדת להדא סביל אלקינות אלתי כנת אקולהא ואלמראתי אנא והו
- עלי רבנו יהודה הלוי הצדיק והקדוש אנא אתמתל בבעץ אביאתהא
- אלדי כנת אכאברה פיהא צדיק יו' בכל דרכיו ואכוה למא תפצל
- אללה עליה ועלי בעאפיתה הג כרג אלי אלכתנין מן אלהם אלדי
Translation
T-S 13J19.23 1v
Verso
- נחן לא ארא סביל אלי אן אמור אלי ענדה ולא קדרה עלי אלמקאם
- פי אלאסכנדריה ולולא וגע הדה אלעגונה כנת בחית הו לאשרף
- אלי אחואלה ואנבהה למא יחתאג קראן ו̇גירה אנא כמא קיל לא המתים יהללו יה וג'
- וקד אטלת עלי חצרתה אלסאמיה ולמן אפרג קלבי אלא להא מן
- בקי מן אלאוהבים אלדי אשכו אליה חאלי פיערף קביחתי אללה יכפיני
- פיהא ויגמע ביני ובינהא קבל אלמות וקד כנת סאלתהא עדה דפעאת
- אן תאכד אלתפסיר לישעיהו ענד אלשיך אבו נצר להדא אלמסכין
- אכוה ינצר פיה אולי יחנן יו' צבאות ויבקיה יכלכל שבתי ויקף
- עלי יומי ואנא אגדד אלסואל להא פי אנפאדה צחבה מן תראה
- וקד כאן רבנו עלי אלנזר ימצא רחמים פעל פי אלרהון אלד (!) קב̇צהא אלשיך
- אבו אלפצל אלנאמן ̇ש̇צ אבן אלנאמן רצי אללה ענה אלדי חמלהם מן אביִאר
- וקת אכדו תרכה אבן עמתהם בשרון וצאר כל מן גא מן אביִאר יגי
- יכלקני עלי זנגלה עלי גטא כוז וחרצת אן אכד כתאב מן סיידנא
- ראס אלמתיב (!) ̇ז̇ל תעסר עלי אלוקת ואנפדה אלמרחום עדה דפעאת
- אלי ענד אלנזר נ'ע ולם יתפק אן תנפך הדה אלעאקה אסאלהא אן תתפצל
- תקול לה יכתב כתאב מע כתאב מן הדרת סיידנא אלנגיד תכון לעד ואלפהרסת
- בעדתהא יסלמהא למן יוצל אלכתאב אלי אלנאיב פי מניה זפתא ותעלמני
- אסמהו ואסם ואלדה אעני אלשיך אבו אלפצל ואן האן עליהא אִוקפה עלי הדא אלפצל
- פקד אדאני ואדא קלבי מן מכאן טלב ינפעני פי חפצהא עלי ושלומה
- ושלוםִ כבוד ג̇ד ק̇ד מרנא ורבנא יחזקאל אלשיך אבו עלי מכצוץ באפצל
- אלסלאם וגמיע אלפתיאן ואולאד אלעם אלשיך אבו נצר ואלשיך אבו אלפרג
- ואלשיך אבו אלמגד מכצוצין באפצל אלסלאם אן האן תעלמני חאלהא
- וחאל מולאי אלאך ואלא פמחמול ענהא ותעלמני כבר רב יצחק קריב
- רבנו יהודה הלוי ̇ז̇ל ושלום
