Letter: JRL SERIES L 213

Letter JRL SERIES L 213

Input date

In PGP since 1987

Description

Letter from Sadaqa b. Nufay', Tyre, to his father Shelomo b. Saadya, Fustat, October 1090.

Transcription

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 3.
  • כתאבי יא ואלדי אטאל אללה בקאך ואדאם עזך ותאיידך וכבת
  • אעדאך מן צור ואלחאל סלאמה ועאפיה ואלחמד ללה רב אלע[אלמין]
  • ען שוק אליך שדיד גמע אללה ביננא ברחמתה אן ש[א אללה]
  • וממא אעלמך בה אנני יום כתבת הדה [אלאסטר מעוול עלי]
  • אלספר אלי עכא אחצל מנהא שי ואעוד אן שא [אללה אלי צור]
  • אדכל פיהא עלי אלדי אמלכת עליהם (!) ואקים ב[הא איאם וקד]
  • כ[נת] כתבת כתאב צחבה ולד אלשיך אבו נצר יה[ודה]
  • אלדמשקי אערפך פיה מא קד אסתקר לי פי גביל [ודלך]
  • אנהם אגר[ו] לי מא יקום בי ובביתי ובגמיע מ[א אחתאג אליה]
  • ויעז עליי [א]ן נפתרק בלא אן ליס בד לי פי אל[אגתמאע]
  • ואן אטלע ונגתמע פלא תדעני מן אלדעא א[לצאלח]
  • ואלל[ה א]לעאלם מא אשתהית אלפרקה אללה בינ[נא הו]
  • אלדי קטע רזקי ואפרק ביננא ומא תסוי ענדי ע[ישה
  • אלצבי בטאל בלא מעישה בלא אנס קד אנסני קד טלב[ת]
  • אלטלוע אליכם ולם אמכנה אלי דלך לילא ישגל קלבכם
  • ומא אתצלת אלא אליתימה מא להא חבה לאגל אנה[א תגי]
  • מעי אלי מצר פסאלתך באללה לא תקטעני מן אלד[עא לאני]
  • אקאסי רכוב בחר פי כל וקת ולא תקטעני מן כ[תבך]
  • פי כל וקת אלי צור אלי חצרה מולאי אלרייס פאנה יצלני אלי ג[ביל]
  • כצצתך באתם אלסלאם וואלדתי אלסלאם ומולאי אלשיך
  • אבו עלי ומן תחוטה ענאיתה אלסלאם ועמראן יכצכם
  • באלסלאם ותכץ לי אלשיך אבו יעקוב אלסלאם [ואלחזן]
  • אלממחה בן שכניא וולדה אלסלאם ומולאי [
  • וולדה אלסלאם וגמיע אצדקאנא אלסלאם [ולא תקטעני]
  • מן כתאבך ואלסלאם
  • וכתב אליום אול מן שהר רמצאן תפג

(verso)

  • לואלדי ואלעזיז עליי מולאי אלשיך אבו ולדה
  • [נצ]ר סלאמה בן סעיד אלמערוף געל פדאה
  • בן נפיע
  • [אטאל אללה בקאה] ואדאם עזה