Letter: ENA 2805.9

Letter ENA 2805.9

Tags

Input date

In PGP since 1990

Description

Letter from Yosef b. Shemarya, the dayyan of Barqa, to “his brother” Nahray b. Nissim, mentioning his pilgrimage to Jerusalem from Egypt and that he is unable to travel by sea. Written ca. 1060. (S. D. Goitein, Mediterranean Society, 2:586, 4:242,439) EMS

Images and transcription

Transcription

  • תוכלת עלי אללה
  • כתאבי יא סידי ומולאי אטאל אללה בקאך ואדאם תאיידך ועלאך וכאן
  • לך וליא וחאפטא פי גמיע אמורך מן אלאסכנדריה לטו כלון מן חדש
  • טבת כתמה אללה עלינא ועליך באחסן כאתמה ממא תריד עלמה יאסידי
  • אידך אללה אן כאן קד מצית מן ענד[ך כ]אן אלאמר ביני ובינך אן נעיד
  • חנוכה ונגי למא קבלכם פד[ ] בברד עטים תם חדת איצא
  • הדא אלתשוש ואנא מא ימכנני ספר פי אלבחר ולם ננחל מן דאך אלוגה
  • אלדי דכרת לך וקלת אן נגוז בקיה הדא אלשהר ונגי אן שא אללה
  • והדא אלתעסר אלדי ילחקני פי כל וקת מא פי ידי מנה שי אסל אללה אן יגעל
  • לדלך עאקבה כיר : וכאן חיים בן זכאי אלאטרבלסי אשתרא קליל
  • קדל מקארב וגעל לי פי רבחה סהם פנחב מנך אן תתפצל ותקף
  • מעה ותעני בה פיביעה כמא לם תזל עואידה וקד סדרת בוצולך למצר
  • סאלם פי עאפיה ותקרי סידי אלשיך אבי אסחק ברהון אלסלאם ותערפה
  • באחואלה ואנא אעלם אנה ילומני עלי טול מקאמי הנא לאן הו מן(?) אלדי
  • קד עני בכרוגי מן אלאצל וכאן מגתהד פי אקאמתנא גמיע במצר
  • למקא[מ]נא פי אלקרי ואלעאפיה תתזיד לי לאנא מחסובין עלי בעצנא
  • בעץ וכדאך אנא איצא כאן אמלי דא חתי שא אללה טול אקאמתנא
  • פי אלטריק וטול אלמקאם הנא חתי נפקת בעץ מא כאן מעי ולם יגני[ני]
  • דלך ען אלטלוע למצר ומע מא אני חסיר מן אלענת נחמד ללה עלי
  • דלך ולאכן מא ימכנני אלמקאם אכתר מן דא לאן מא פיא מן נחמל
  • [כמא] קאל אלולי מה כוחי כי איחל ומה וגו ולאני כתב מן אהלי והם
  • ידכרו לי אכבאר רדיה ען אלבלד (?) ואנה קד כרב ואנגלאו מנה
  • אכתר אלמסלמין ואלקמח ויבה בדינ' ואלכסאד לא ביע ולא שרי
  • ודכרו לי אן אלשיך כבר וצעף והם יוכדו עלי פי אלסרעה והם
  • יבלגוך פי גמיע מכאתבאתהם אלסלאם וכדלך לסידי אלרב ר יהודה
  • יבלגוה אלסלאם גמיעהם ואלסלאם עליך ועלי סידי אלרב אלסלאם ועלי ר
  • אסחק בן שלום קריבנא אלסלאם ועלא ולדה ואפי וואלדתה אפצל
  • אלסלאם ועלי סידי אבי בשר סלמאן בן שביב אלכהן אלדלאל
  • אלסלאם ועלי ר אלחנן אלסלאם ועלי ר אבו אלסרור
  • יהושוע בן נתן

on the margin

  • ואולדה אפצ[ל] / אלסלאם ועלי גמיע מ[ן] / סאל עני אלסלאם /
  • עמאר / / /
  • אגיב מ / שא אללה פ / תנפד לה אלברא /
  • אלביאץ לאנה / ותמן ע /
  • ור ישועה אפצל אלסלאם / ושלומכם יגדל / ואל ידל /

verso inscription

  • לסידי וכבירי וגלילי אבי יחיי נהראי בר נסים ננ מן אכיה ומחבה יוסף
  • אטאל אללה בקאה ואדאם עזה וחאידה ועלאה בר שמריה הדיין נט [רח]
Image Permissions Statement
  • ENA 2805.9: Images provided by the Jewish Theological Seminary Library (JTSL) CC-Zero / Public Domain