Legal document: Bodl. MS heb. c 13/12

Legal document Bodl. MS heb. c 13/12

Tags

Input date

In PGP since 1988

Description

Legal document. Draft of a acknowledgement regarding a sale of a store in Tiberias. Mid-September 1034.

Images and transcription

Transcription

  • [יקול מן כתב]ת שהאדתה בידה אכר הדא אלכתאב ומן אנכתב ענה פיה שהאדתה
  • באמרה [ ]ה שהדו גמיעא ופראדא והם יומיד מן אהל אלעלם ואלמערפה בצחה
  • מא שהד בה אנהם יערפון בשראן בן גאלב אלמערוף באבן אלמוקפי אליהודי בעינה
  • ואסמה ונסבה מערפה גאמעה לא ישכון בהא ולא ירתאבון בהא וישהדון אנה אקר
  • ענדהם ואשהדהם עלי נפסה אן מסאפר בן ישעי בן אסראיל אשתרי מנה למוסי בן
  • הבה בן סלמון אלצפתי אלטפל אליהודי במאלה דון מאל נפסה גמיע אלחאנות אלתי במדינה
  • טבריה פי אלצף אלגרבי מן סוק אליהוד והי מערופה משהורה שהרת[הא] הדה יגני
  • ען תחדידהא בחקוקהא כלהא אלדאכל פיהא ואלכארג מנהא פי שהור סנה ארבע
  • עשר וארבע מאיה בכמסה עשר דינארא דהבא עינא ואן מסאפר הדא אנקד
  • בשראן בן גאלב תמן הדה אלחאנות מן מאל מוסי בן [הבה] הדא אלטפל וקבץ מנה
  • אלחאנות וצארת פי ידה להדא אלטפל ולם יבק לבשראן בן גאלב פי הדה אלחאנות
  • עלקה בעד הדא אלביע בוגה ולא סבב ואתבתו שהאדתהם בדלך ענד מא סילוה
  • פי אלעשר אלתאני מן שואל סנה כמס ועשרין וארבע מאיה
  • הדא גומלה מא פי אלמחצר אלערבי לאן הדא נסכתה אלדי כתב פיה שהאדתי עליה