Legal document: Bodl. MS heb. a 3/9

Legal document Bodl. MS heb. a 3/9

Tags

Input date

In PGP since 1986

Description

Legal query addressed to the Gaon and Nasi Daniel b. ʿAzarya in Jerusalem with regard to the goods of a merchant, Moshe b. Yehuda ha-Ma'arvi, who died at sea on a commercial journey to Sicily. The goods were registered under the name of his partner, Ḥasan ha-Kohen b. SulIīmān, in order to avoid taxes in Sicily. See also T-S 20.152 (PGPID 1783) and T-S NS J161 + T-S 12.5 (PGPID 1676).

Bodl. MS heb. a 3/9 9 recto

9 recto

Transcription

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 2.
  1. שאלה לפני אדוננו נשיא וגאון נטרוהי משמיא וגברוהי לסריה ומזליה
  2. מא יקול אדוננו גאון פי ראובן מצרי אשתרא בצאיע מע שמעון סקלי במצר
  3. ווזן כל ואחד מנהמא נצף [תלך א]] תמן תלך אלבצאיע בחאל סוי ותואקפא עלי
  4. אן שמעון יחמל גמיע אלרחל צחבתה אלי סקליה ויתלי ביע גמיע אלרח[א]ל בנפסה
  5. ומא ופקה אללה יתברך שמו לבדו מן אלפאיד כאן בינהמא נצפין כמא חאלהמא
  6. פי ראס אלמאל פי אלאצל נצפין וכתבא בינהמא בדלך כתאב הדה נסכתה נסכתין
  7. וינסך אלנאסך גמיע אלכתאב חרף בחרף
  8. תם אנפד ראובן מע שמעון ד אעדאל כתאן ליביעהא לה ויאכד פיהא אלעמאלה
  9. ואסתעאד ראובן אסם שמעון עלי אלד אעדאל אלמדכורה כוף מן אלעישור אלדי
  10. חדת בסקליה עלי אלטראה אליהא וכתב בדלך ראובן עלי שמעון כתאב הדה
  11. נסכתה חרף בחרף וינסך אלנאסך גמיע אלכתאב חרף בחרף
  12. פאקלע שמעון מן אסכנדריה בכאפה אלרחל ואלד אעדאל אלמדכורה ומעה
  13. רחאלאת אכד ללנאס יריד סקליה פמרץ ומאת ורמי פי אלבחר פי טריקה בעינה
  14. וכאן מעה בן עמה ורגל אכר מן ישראל: ובעד מותה דכל אלמרכב אלי טראבלס
  15. אלגרב ולם יתם לה אלוצול אלי סקליה וקבץ בית דין אלבלד ואלשיוך גמיע אלרחאלאת
  16. אלתי כאנת פי אלמרכב ולשמעון אלמתופי בנת סגירה אלסן מע אמהא אלמנה
  17. ואלרחל ען בכרה אביה מודוע בטראבלס בחאל שדאדה מן מצר //וקיל אן חמל בעצה אלי סקליה// פאראד
  18. אלאן ראובן אן יוכל וכיל לקבץ נצף אלרחל אלדי לה פי אלאצל ואלד אעדאל כתאן
  19. אלמדכורה פי אלשטר אלתאני מן יד בית דין אלמכאן ויבקא הנאך נצף אלרחל
  20. אלאול אלדי יכץ [מנה] שמעון [אלנצף בחאלה] אלי אן יאתי כתאב בית דין סקליה במא
  21. יראה מן אלתדביר לליתימה ואלאלמנה פהל יתם לראובן מא אראדה מן
  22. קבץ רחלה ואלד אעדאל כתאן ביד וכילה בלא ימין או בעד אלימין מע אנה
  23. עסקיה בעיניה קאי בסימניו חסב [אלמרסום פי כתאבה] //מא פי אלשטר// ואן וגב עליה ימין
  24. כיף צורתהא ואי שי יחלף עליה והל יחתאג אדוננו גאון בית דין הגדול אן
  25. יאמר בית דין שלמצרים אן יחלף ראובן עלי אלצנוף אלדי תלזמה ויכתב לה
  26. בדלך מעשה וחיניד ינטלק לראובן טלב מא אראדה באמר בית דין הגדול
  27. אד כאן הו יל אביהן שליתומין כיהא דאמור רבנן רבי ובית דינו אביהן של
  28. יתומים פאן לם יכתפי בית דין שלטראבלס בדלך וראא עקלה אלרחל
  29. אלי אן תכבר אליתומה לתחאכם ראובן וקאל ראובן אן עקל עלי רחלי אלקאים
  30. בעינה אלדי אכתרה לא ינבאע פי טראבלס אלא באוכס תמן ואכדה אלסלטאן
  31. בעלה אן יקול צאחבה גאיב או בעלה אנה לצביה יתימה יכון בידי אלי אן
  32. יצל מסתחקה עלי מן יכון דרך רחלי עלי אליתימה אלדי עוקל בסבבהא או
  33. עלי בית דין טראבלס אלדי לם ירגע אלי קול בית דין הגדול נטרוהי משמייא
  34. יורנו רבנו אלגואב עלי כל חאל באלשרח אלביין למען ירוץ כל קורא בו
  35. וכדלך יורנו רבנו אן כאן יגב עלי סלימאן בן שאול אלימין והו אלמדכור פי בטן
  36. אלשטר אלאול אן לה דאכל אלבקם אלמדכור שדה בקם מחזומה בקנב וזנהא
  37. קצה רטלא מע אן אסמה עליהא והו מחמול אליה מן קבל ראובן עיסקא
  38. בעיניה וסימניו וראובן אלאן מעתרף לה בדלך חסב מא פי אלשטר ואי שי
  39. צורה ימינה ועלי אי שי יחלף וכדלך יקבץ אלבקם יורנו רבנו
  40. התשובה בדין על כל דבר ודבר ובעל הדין יוציא דינו לאמתו
  41. ויאיר פניו באור החיים כאור מצדיקי הרבים ככוכבים

Translation

Bodl. MS heb. a 3/9 9 verso

9 verso
Image Permissions Statement