Legal document: T-S 18J1.9

Legal document T-S 18J1.9

Tags

Input date

In PGP since 2017

Description

Legal document. Court proceeding. Location: Fustat. Dated: February 1160. Ḥiyya b. Yiṣḥaq (the son of Isaac b. Samuel ha-Sefardī) invested 65 dinars with Abū al-Ḥasan Ibn Ṭibān Tobijah ha-Levi al-Tājir b. Abū Sa‘d Samuel ha-Levi al-Tājir as a commenda, with profits to be split evenly between the two. Trading losses reduced the capital to 39 dinars, and Ḥiyya retained Abū al-Rabī‘ Suleymān Solomon ha-Kohen al-‘Aṭṭār b. Judah ha-Kohen to collect the remaining proceeds from Tobijah. Solomon received 30 of the 39 dinars he expected, the same amount which Solomon seems to have advanced Ḥiyya prior to Solomon’s departure. Abū al-Tājir Adōnīm Nānū collects an additional 10 dinars, which he had also advanced Ḥiyya. The document does not specify any initial partnership stipulations in terms of losses, but the court seems to have ruled that Abū al-Ḥasan was liable for one-third of the losses of 26 dinars (eight and two-thirds dinars). Having already repaid 40 dinars, he still owes seven and two-thirds dinars. For this balance, Abū al-Ḥasan wrote a debt document. Abū al-Ḥasan was then free of any obligation to Ḥiyya, and Solomon handed over the document that obligated Abū al-Ḥasan in the portion of the commenda assets, though he was clear that Abū al-Ḥasan was still subject to the "oath of partners", indicating that Abū al-Ḥasan would be liable for mishandling of the commenda assets. (Information from Lieberman, "A Partnership Culture," 238)

T-S 18J1.9 1r

1r

Transcription

S. D. Goitein, unpublished editions.
  • מעשה שהיה לפנינו אנו בית דין החתומים למטה ודלך אן למא כאן פי אלעשר אלאכיר מחד[ש] שבט
  • דשנת אלפא וארבע מאה ושבעין וחד שנין לשטרות בפסטאט מצרים דעל נילוס נהרא מותבה רשותיה
  • דהדרת יקרת צפירת תפארת כבוד גדולת קדושת מרנו ורבנו יחיד דורנו מאיר דרכינו נסיכנו ונשיא
  • אלהים בתוכנו אדוננו נתנאל הלוי רכב ישראל ופרשיו יהי שמו לעולם אחצר אלשיך אבו אלרביע סלימאן אל
  • כהן אלעטאר כגק מרנא ורבנא שלמה הכהן השר הנכבד סגן הכהנים ועוזם שצ בן אדיר[נו כגק] מרנא ורבנא
  • יהודה הכהן השר הנכבד החכם והנבון שר הכהנים ועוזם פאר הנדיבים חרות הנשי[או]ת . . בידה שטר
  • מקתצאה אן לרבנא חייא בן רבנא יצחק הספרדי קבל אלשיך אבו אלחסן אלהאגר בן אלשיך [אבו] סעד אלתאגר
  • הידוע בן טיבאן מר ור טוביהו הלוי הזקן היקר בן מ ורב שמואל הלוי הנכבד נע כמסה וסתין דינאר עלי סביל
  • אלקראץ פי אלקמח ואלשרט בינהמא אן תכון אלפאידה פיהא נצפין באלסוייה תם אחצר מ שלמה הכהן אי[צא] בידה
  • וכאלה מחכמה מן מ חייא לה געל לה פיהא מטאלבה אלשיך אבו אלחסן בגמלה הדא אלמבלג ענד וצולה מן
  • אלספר פלמא אגתמעא כלאהמא בין ידינא אנו בית דין דכר אלשיך אבו אלחסן אללוי אן אלמתבקא בידה מן אלמבלג
  • אלמדכור בעד אלעמל פיה תסעה ותלאתין דינאר למא הו משהור מן השיטה סער אלקמח ען מא כאן עליה
  • וקת משתראה עלי מא דכרה ואן עלי הדא אלחסאב אנפצלת מחאסבה אלשיך אבו אלחסן אללוי מע גמיע
  • מקארציה פי הדה אלסנה אלמדכורה חסאבא לכל מאיה דינאר סתין דינארא פקבץ מ שלמה הכהן מן אבו
  • אלחסן אלמדכור מן הדה אלגמלה תלאתין דינארא דהבא עינא והו אלמבלג אלדי כאן רבנא חייא הנזכר קד
  • אקתרצה מנה קבל ספרה וגעל לה אסתיפאה מן הדא אלמאל פלמעיין לעיל ודלך בחסב מא אקתצא[ה
  • רבנא חייא אלדי כירח בדלך תם קבץ אלשיך אבו אלחסן ואנו אלתאגר מר ור אדונים הזקן היקר שצ בן כגק
  • אברהם השר הנכ נע מן אלמבלג אלמדכור עשרה דנס והי אלדי כאן אסלפהא לרבנא חייא וגעל לה אסת[יפא
  • מן אלמבלג אלמדכור חסבמא אקתצאה כטה וחצר אלשיך אבו אלרביע סלימאן אלכהן ואלשיך אבו אלחסן נא[נו
  • ואעתרף כל מנהמא בין ידינא בוצול מא לה אלמעיין לעיל אלי ידה ואברו דמה אלשיך אבו אלחסן מנה ואשהדו
  • עלי נפסהמא בדלך ואקנינא מנהמא עליה קנין שלם מעשיו פכאן אלפאיץ ללשיך אבו אלחסן עלי הדא אלחסאב
  • דינאר ואחד עלי מא תצמנה חסאבה פחסב מבלג מא ילזמה מן כסארה הדא אלמאל פגא עליה
  • תסעה דנס גיר תלת כרג מן דלך דינאר//פי// תתממה אלעשרה דנאניר אלדי קבצהא אלשיך אבו אלחסן נאנו
  • ובקי עליה מא ילזמה אלקיאם בה מן נאיבה פי אלכסארה אלמדכורה והו תמאניה דנאנ[יר גיר] תלת
  • תקרר אן ינכתב בדלך שטר חוב עלי אלשיך אבו אלחסן אללוי באסם אהל רבנא חייא החכם הנבון הנזכר
  • וסלם מרנא שלמה הכהן ללשיך אבו אלחסן אללוי אלשטר אלדי עליה באצל מאל אלקראץ //אלדי// באסם רבנא חייא עליה
  • בעד אן ביין עליה אן קד בקי ילזמה למקארצה ימין אלאשראך ליכון ענד חצורה אלמכייר פי אסתיפאהא
  • עליה או מסאמחתה בהא וכאן דלך גמיעה בפנינו אבו בית דין פי אלתאריך אלמדכור לעיל ומה
  • דהוה קדמנא כתבנא וחתמנא למיהוי לזכו פי אלדי מלהק וקיים
  • הלל בירבי צדוק אב בית דין זקל
  • פרחיה בר יוסף זלהה

T-S 18J1.9 1v

1v
Image Permissions Statement
  • T-S 18J1.9: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.