Legal document: Bodl. MS heb. c 28/54

Legal document Bodl. MS heb. c 28/54

Input date

In PGP since 2017

Description

Legal document written by Shemuel b. Saadya ha-Levi, specifying the estate of the deceased Avraham b. Abu al-Karam, the perfumer. Dated Adar 1514/ March 1203. (Information from Mediterranean Society, III, p. 412, and from Goitein's index cards)

Transcription

S. D. Goitein, unpublished editions.
  • נקול נחן אלואצעין כטוטנא באכר הדא אלמסטור אנה למא תופא
  • אלשיך אברהם אלעטאר בן אלשיך אבו אלכרם הזקן היקר ידיע
  • אבו תותה נע אחתאט צאחב דיואן אלמוארית עלי מוגודה
  • פמצא שיוך אלגמאעה ברוכים יהיו ללקאצי מתולי דיואן
  • אלמוארית וסאלוה פי אן ידפע לה תלתין דינאר מן אלתרכה
  • אלמדכורה וירפע יד אלדיואן ענהא ויתולא ביעהא שיוך
  • אליהוד פלמא אגאב אלי דלך אביעת אלתרכה אלמדכורה
  • ודפע מן אלמתחצל מן תמנהא לצאחב אלדיואן אלמדכור תלתין
  • דינאר ולבן אמין אלדולה צאחב דאר אלוכאלה תלתין דינאר גיר
  • סדס ען דין כאן לה ענד אלמתופא ולמני המשוחררת זוגה אבי אלפרג
  • בן אלתניסי אלפרנס תלתה ועשרין דינאר וען תמן קמח אשתרי
  • לזוגה אברהם דנן ואבנתה סתה דנאניר גיר קיראט ועמא דפע לבן
  • עמה ארבעה דנאניר ועמא אחתאגוה פי צרכי קבורה וגראמאת
  • וכפן וגיר דלך פודא אלחסאב אן אלבאקי ענד אלשיך אבו עמראן אלכהן
  • כגק מר ור משה הכהן השר הנכבד תפארת הכהנים חמדת השרים
  • נאמן הסוחרים עין העדה בר כגק מר ור חלפון הכהן הזקן הנכבד
  • פאר הכהנים נע מן תמן אלתרכה אלמדכורה בעד אכראג גמיע
  • מא תקדם דכרה תלתה ותמאנין דינאר עין מצרייה ואזנה אודעת
  • לורתה אברהם אלמדכור ענד אלשיך אבו עמראן אלמדכור ומא
  • . . . . . . . . . . . . . . . . . . . . . . . . . . . . . . . . . . . . . .] מחדש

verso

  • קבץ מן גמלה אלתלתה ותמאנן(!)
  • דינאר אלמדכורה בבאטנה
  • נצף ותמן דינאר שמואל
  • מנשה כן וקבץ מנה איצא
  • פי מזונות דינארין ונצף
  • ותמן אלגמלה תלתה דנאניר
  • שמואל הלוי
  • קבץ מן אלשיך אבו עמראן תפארת
  • הכהנים שצ אלמדכור בבבאטנה
  • גמלה אלתלתה ותמאנין דינאר
  • אלמכתתבה בבאטן הדא אלמסטור
  • ולם יבק קבלה מן דלך שי אלבתה
  • וכתב דלך פי אלעשר אלאכיר
  • מחדש אדר שנת אתקיד לשטרות
  • וכתב שמואל הלוי ביר סעדיה נע