Letter: T-S 16.302
Letter T-S 16.302Tags
Input date
In PGP since 2017Description
Letter from Awad b. Hananel from Alexandria, to Nahray b. Nissim, Fustat, ca. 1060. In the handwriting of Avraham b. Abi al-Hayy and concerning business matters, specifically a shipment of nuts that was send by the writer to Nahray, and a shipment of oil that Nahray sent to the writer. Also mentions several other goods, and an apartment belonging to Nahray in Alexandria, in which the writer lives. (Information from Gil, Kingdom, vol. 3, #567) VMR
Edition: Goitein, S. D.
T-S 16.302 1r
Transcription
S. D. Goitein, Nahray (in Hebrew).- כתאבי אטאל אללה בקא מולאי ואדאם
- עזה ותאיידה וסעאדתה וסלאמתה
- ונעמתה וכבת עדווה מן אלמסתקר
- באלאסכנדריה ען סלאמה ונעמה
- ושוקי אליה שדיד גמע אללה ביננא עלי
- אסר חאל אנשאללה ואלדי אעלם בה
- מולאי אן וצלני כתאבה עלי יד כלף
- בן נציר וקראתה ופהמתה וסרני
- סלאמתה וסלאמת ולדה אדאמהא
- אללה להמא גמיע ברחמתה ומולאי
- ידכר לי פיה אמר אל גוזה פאסתופי
- מנהא תמן אלזית והו דינרין וקירט
- לאן צח פי אלקראב תלתיין מטר יד'
- אואק מבלג תמנה דינרין וקירט סער
- ג' דנא אלמטר ווזן אלגוזה סתה אמנא
- וכונת קד אנפדת אליך מנין אלמן אל
- ואחד ען אלדינ אלדי לטאהר בקי לי
- מנה קירט ואלמן אלאכר ען אלדינ
- אלדי לרחמים יבקא לי אל סתה אמנא
- תקבץ מנהא תמן אלזית מע בקית
- אלחסאב אלדי בקי לך ענדי וקד
- אעלמתך שרחה פי כתאב גיר
- הדא אלבאקי לי ענדך ג' דנא
- ונצף בעד אן אסתופית בה
- סנה בקי לי מנהא שהרין אול
- סכנאי פי אלדאר מן מרחשואן
- ואלכרז קד אערצתה מא וגדת
- לה משתרי פודעתה לך פי אל
- מכזן אלדי לך ואמא אבו אלחסן
(margin)
- בן אלאסכנדראני קד עיית
- ממא אעלמה פקאל לי
- מא ביני ובינה
- מעאמלה אל
- מעאמלה ביני ובין עזרה
- פאכתב לעזרה
- אן יכלמה
- פסאלת עזרה אן
- יכלמה
(top of the page)
- פקאל אנא פי הדא
- אלוקת מעדור לאן
- קטעת עלי אלטריק
- אצברו אלי אן ימן אללה
- ברזק מן ענדה
- ונדפע ואמא אבו
- מנצור אל
- תסתרי
T-S 16.302 1v
verso
- כלמא אכלמה יחלף לי באימאן עטימה
- אן כונת אקדר עלי דרהם ואחד וגרי
- ביני ובינה כצומה עטימה וטלבת
- אן אקדמה אלי אלקאצי פרגעו עלי
- אלנאס וקאלו לי תכליה אסעה לעלה
- ירזק שי ידפעה ואנא אדא
- ראיתה פי שי לעל נאכד מנה שי
- אנשאללה פלא תצן אן אפרט לך
- פי חאגה ואנא אסאלך אן תנפד
- לי ג' דנא ונצף אלדי בקיה לי ענדך
- מן תמן אלגוזה אלאן אן תתפצל
- תשתרי לי בהא פצה רתב כיט
- ותנפדהא לי מע מן תראה ולא
- תכליני מנהא ואלקראב תנפד>ה<א לי
- מע מן תראה ואל מחמודה
- תנפדהא לי ואלזאג לעל אן אחרץ
- פי ביעה ואנא אנשאללה נהתם
- בה ונדפע תמנה לאבן אלעגילה
- כמא דכרת כץ רוחך באתם אל סלאם
- ואבו אלכיר יבוס ידך והו יכצך באתם
- אלסלאם וחסבי אללה והדה
(upside down)
סיידי ומולאי אבו יחיי מחבה עואץ
נהוראי בן נסים נע בן חננאל ננ
אטאל אללה בקאה ואדאם עזה
