Letter: T-S 12.388

Letter T-S 12.388

Metadata

Shelfmark
T-S 12.388
Editor
S. D. Goitein, Nahray‎ (in Hebrew).
Primary Language
Judaeo-Arabic

Tags

Input date

In PGP since 1988

Description

Letter containing personal, business and communal news from Marduk b. Musa, Alexandria, to Nahray b. Nissim, Fustat, ca. 1045-1096.

T-S 12.388 1r

1r

Transcription

S. D. Goitein, Nahray‎ (in Hebrew).
  1. סידי ומולאי אטאל אללה בקאה ואדאם נעמתה וכאן לה ומעה ולי וחאפץ מן אל
  2. מסתקר יום אל ב' לה' כלון מן שהר תמוז כתמה אללה עליך באחסן כאתמה

וערפך

  1. ברכת מא יליה מן אל אשהר ען חאל סלאמה בבקיאך (!) ואלחמד ללה והדה וצל

כתבך (!) ווקפת

  1. מנה עלא מא סרני מן חסן סלאמתך ועאפיתך אדמהא (!) אללה לך ברחמתה דכרת

מא תפצלת

  1. ביה (!) ומא כתבת ביה (!) אלראס ברדאני פי שרי אלקמח ואנא אסלה אן יכתב

ויאכד פמא

  1. נחסב וצולה אלי מן אללה ומנך וקד אסתעמלת אל חצר ואנא כל יום סיר ורגע

והו

  1. תחצל ואמא אל קפר פקד שרחה פי אלקפיאף וקד וצל אצפט מע בן אל עגילי ולם

נקדר

  1. נשתרי מן בעד כרוג אל כהן שי פלמא אן כאן פי יומנא וצלת כנזירה ופיהא
  2. אנסן יקאל לה בן בנאיה אלדי כאן רדלה אל מרה אל אלא וצלת מעה כתב מן
  3. אל מרכב ואלדי צח תעדיתה מן אל כתב ומן אהל אלכנזירה אבן לסכנדר ואבן
  4. לבד ואל קאצי בהטלב ומפצל וקרב בן מדכור וקארב אתרגמה ולגלאני ודכלת
  5. אל כנזירה עלא מרכב מולאי אלוזיר וקארב אל גזל פי סוהת ברקה ופי
  6. כרסת אל קאצי צדקה אבן אצפדי (?) ואבן רחמון ואבן אל עודי בפי ראס תיני
  7. צבי בן שבלון ואבן אזפה ופי שקה אל וער גרבי טברק אלכי ואל מרצי ובן
  8. שביה קארב בן מדכור אלתאני ובן שבני ועבאס אנשם וקרב אלפיר וקרב אבן

אבו אל

  1. קשד (?) פי אלמלחה אעלמתך דלך אללה יסהל עליהא וקד וצל אליך יחסלמה

מרואן

  1. ורגל ומולאי פאללה תאללה פי באבה תכד לה אל חסב

(margin)

  1. ותנפץ לה אל בקיה מסרע ודכרת מות רבי חניא כאל מולאי אל טביב
  2. אללה ירחמה וינסי פי אגלך וכדלך צהר מולאי אלחאבר אללה ירחמה

(above)

  1. ומא נחסן נצף לך מא ורד עלא קלבי וקלב כל אצחאבנא מא גרא עלא כניסת

אשמון לא חילה

  1. ומא נדרי מא נקלה (!) פי דלך אלי (!) ברוך דיין האמת תכתץ מני באתם

אסלם ומולאי אלכהן אל סלאם

T-S 12.388 1v

1v

verso

  1. ואבו אלחמאג יבלגכם אגמעין אפצל אסלם ויאכד עליכם פי ביע אלנטע בקדם
  2. אללה ורזקה ולא תיכרהא תאללה ומולאי מעולה עלא אללה ותפצלך פי ביע אל

נטע

  1. ותביע אל תוב אל כשן ותשתרי לה תלים קמח מן ענדך ולא תתכל ביה חתא
  2. תביע לה שי תללאה לא יכון בד מן שרי הדא אתלים אל קמח ולא יצל כתבך אלי

בשריה

  1. ואנא מחבך יוסף בן פרח (!) נע נכצך באתם אסלם וקד וצל יעקב להנא ודכר

אנה

  1. אשתרא אל קמח והו בפוה וקד גרא עליה אמר אן צעב מן אבן אנקב ואכתה
  2. כרה והדה ובקית ואללה חיר לאנה גלק דכנה פאן דכל למצר תפצל תאכד עליה
  3. וקד אקלע מן הנא כיטי (?) אקלעו פיה סקלין ילחקו אל מרכב וקד כתבת מעהם
  4. כתב וגהת כתב מוסי למולאי אשיך אבי אל פצל כאלך ודכרת ימולאי אנך תוגה
  5. כתב מולאי אשיך אבי אל פצל מע [ה]רגל ארגו וצולה ואנא ואללה מעלק אל

קלב אליה

  1. פתפצל תמן עלי תערפני אחול מוסי ואן כאן גלס פי אדכן מע מולאי אר
  2. אללה יגעלה פי חיז אסלמה ושלום

(margin)

  1. חאלה פי מעאשרתה ותצרפה סאלי ענה
  2. אללה יגעלה פי חיז אסלמא ותפצל תעזיה
  3. עלי מולאי אטביב באסמי

(above)

  1. לא יכון בד ותבלג ולדי וקרת עיני אבו אל אסלם וקד תוחשת מנה

(bottom of the page, upside down)

  1. לסידי ומולאי אבו יחיי נהראי בן נסים נע מן מרדוך בן מוסי נע
  2. אטאל אללה בקאה ואדאם סלאמתה
Image Permissions Statement
  • T-S 12.388: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
https://geniza.princeton.edu/documents/1663/