Letter: T-S Misc.28.107

Letter T-S Misc.28.107

Tags

Input date

In PGP since 1987

Description

Letter from ʿEli ha-Kohen b. Yeḥezqel, in Jerusalem, to ʿEli ha-Kohen b. Ḥayyim, in Fustat.

Images and transcription

Transcription

  • כתאבי אטאל אללה בקא מולאי אלחבר ואדאם עזה ותאדיה מן אלקודס לו כלון
  • מן אייר
  • וחאל סלאמה ועאפיה ושוק שדיד גמע אללה ביננא עלי אסר חאל במנה וכרמה
  • אועלם
  • יאסידי באן [קד ס]אר אלא מא קבלכום סידי אבי אלפרג צמח בן אלעזר כאתיב
  • סידנא אל
  • נשיא נט רח אללה יכתוב עליה אסלאמה ויוצלה סאלם ויורדה סאלם אסאלך יא
  • מולאי אידך אללה
  • תערפני וצולה ותראעיה אתם מראעאה ותערפני כיף תגרי אמורה וענדי אנוה
  • ינזל
  • ענד סידנא אלנשיא אבו אלרצא אידוה אללה ולא תתואני שי מן אמורה יום
  • ביום וסאעה
  • בסאעה וכדאליך ענד אשתמאעך בה תערף כיף הוא באנוה לך כמא תריד ומא יציע
  • מעה
  • אלגמיל והוא ממולא בכל טובה ואן יכון תגדד שי תערפני וקד כאן סבק כתאבי
  • הדא כותב
  • עידה ולם יצלני גואב ארגו יכון שוגל בכיר ומא אעתדת מנך יאסידי הדא
  • אלגפא ואחרץ
  • ואן תקדר מעוה מא כאן קד קולת לי פהוא יבלוג גמיע מראדך ואן יכון לך
  • חאגה תשרפני
  • בהא קראת עליך יאסידי אתם אסלאם ועלי סידי אבו אטיב חנניה ואולאדוה
  • אסלאם ושלום

b

  • لسيد ي وموﻻي ابي الحسن علون الحابر بن معمر محبه ﻻ عدمه
  • اطال الله بقاه وادام عزه وتاييده بالفسطاط
  • نجا بن الحسن اﻻنصاري وتميم بن نجا عمر بن يوسف وولده