Letter: T-S Misc.25.19

Letter T-S Misc.25.19

Metadata

Shelfmark
T-S Misc.25.19
Editor
Moshe Gil, In the Kingdom of Ishmael‎ (in Hebrew) (1997), vol. 2.
Primary Language
Judaeo-Arabic

Tags

Input date

In PGP since 1987

Description

Letter from Nahray b. Nissim, in Fustat, to Salāma b. Nissim al-Barqī, in Buṣīr. Dating: ca. 1046. Asking him to acquire various items in Buṣīr, and asking him to draw a special symbol on the packages he sends. (Gil.) Also mentions saffron packed in paper. (MR.) NB: This was previously listed on PGP as T-S Ar.25.19.

T-S Misc.25.19 1r

1r

Transcription

Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 2.
  1. כתאבי יאסידי וריסי אטאל אללה בקאך ואדאם סלאמתך וסעאדתך מן מצר לג' כלון
  2. מן טבת ערפך אללה ואיאנא ברכתה וסעאדה מא יליה ואלחאל סלאמה ונעמה למוליהמא
  3. אלחמד ו[אל]מנה תקדם כתאבי אליך ביד סידי אבי זכריא מנחם איידה אללה ולם ארא
  4. לה גואב ווצל סידי אבי אלכיר בן תמאם ולם יגיב לי מנך כתאב ודלני דלך עלי
  5. בעץ אהמאל ואכדת עליך יאסידי פי תחציל כ' רדא ארגו אנך קד חצלתהא וקד
  6. אנפדת אלאן איצא קק' דרה' אחב תחצל לי בהא איצא כ' רדא אכרי לא יכון מנהא
  7. בד ולא יכון לך שגל יום אלאחד בכרה אלא אלקעוד פי אלבזאזין תתלקט מנהא חאגתך
  8. ויגיני כתאבך בתחציל אל כ' רדא וקד סאלת מולאי אבי אסחק פי אן יבתדי יחזם
  9. לי וקד כנת אנפדת לך י' מנאסג מצריה ארגו אנהא וצלת וקד אנפדת איצא
  10. ה' מנאסג אכר וארגו אנך בעת אלשקתין סוסי אלגיאד ואנך אנגזת בקית
  11. שראך ווגהת לך איצא קרטאס זעפראן תזעפר לי אלכתאן כלה ותעמל מע
  12. כל באבה מא יצלח להא ותכתב עליהא מסתעמלאת מן לה דכר אבן חיון ואל
  13. חפצי ואבן אבו כזאמה ואבן גנאגה וברכאת אבן מכי ותכתב ענדך אלמסתעמלאת
  14. וכתאתין מן הי חתי אערפהא ולי ענד אחמד בן אלצאהריה חזם ה' אעדאל לעל
  15. תסתעמלה ותסתופיהא מנה לה עליהא אלאנצראף ולי ענד אבן אלחסין אלכאתב

Margin

  1. / ד' דרא' ונצ / תסתופיהא מנה / ורסםאאל אעדאל / לברהון ונסים אבני
  2. / אסחק אלתאהרתי / ונהראי בן נסים / ועלי אלטהור מן / נאחיה לברהון
  3. ונסים ומן נאחיה / ונהראי ומן / אלאכר

Margin at the head of the page

  1. אלחאפט אללה / ואלעלאמה ואלגואנב / נסים נסים
  2. ותחתפט' וקת אלמיז/ ויכון וזן אל/ אעדאל ת"נ / ותרקע אלגואנב / ומא אנת
  3. ממן / תוצא וארגו / אנך בעת אל / שש ואנגזתה / אן שא אללה

Translation

T-S Misc.25.19 1v

1v

Verso

  1. וקד אנפדת מע סידי אבי אסחק ברהון בעץ אלשש ואלבאקי לה תעאונה פי ביעה חתי ינגז
  2. וקד כלפתה ישתרי ח' אעדאל מן בוציר וח' מן אקפאץ מעאונה פי דלך איצא אמא אל ח' אלדי
  3. מן בוציר יכתב עליהא לברהון ונסים אבני אסחק כאצה תוגיה נהראי ותכון אלעלאמה
  4. פי הדה אלבאבה הכדי ואלה' אלדי מן אקפאץ ברסם כלטתי מעהם מת'ל
  5. אלדי אשתרית אנת חרסך אללה ואנא אחרץ פי תוגיה דנאניר אכר אן שא אללה אנפדת לך מע
  6. סידי אבי אסחק נטע קדים תביעה ותציף תמנה למא ענדך ותתבת[ה] ואדא חצל
  7. לכם חמל לי ענד אבן (אכנא תו ...) אעדאל ולי עליה י' שקק והי ענד סידי אבי מחמד קאסם
  8. תחמל לי מעה ואדא וצל (דנא אנא א בך ) תחמל אלבאקי מ (בתופיק אללה עז....)
  9. (וגל) תקרי סידי אבי אבראהים עיאש אלסלם ותקול לה לם יגעלני אכתב לך אלא אן אתפק
  10. כרוג סידי אבי אסחק עלי ג'ת וקד וצל כתאב מרדוך והו יסאלה שרא ערצתין גיאד אעלמתך
  11. דלך ואנא הנא פי תוגיה במא יחב לא ישגל סרה בשי וכתאבי יצל אליה בעד דלך ושלום

At the end of the page

  1. ואנפדת מע סיד אבי אסחק (צרה)..דנא וקיר' פיהא חאכמיה וג' רבאעיאת (תצלה לאקפאץ ) חתי נתסלם עליהא
  2. לסידי וריסי אבי אלחסן סלאמה בן נסים (נע) בן אסחק נע' מן נהראי בן נסים
  3. אטאל אללה בקאה ואדאם סלאמתה וסעאדתה בוציר אן שא אללה
Image Permissions Statement
  • T-S Misc.25.19: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
https://geniza.princeton.edu/documents/1254/