رسالة: T-S 8J36.3

1. עלקת אליך הדה אלסטרין ען חאל סלאמה ועאפיה [...] לילהً אלאתנין מן
2. גמעהً ויקח קרח בתנא פי אלמרכב ונזלת יום אלב[...] פי חואיג פאלתקא
3. ביי אנסאן גא [מן] מצר יקאל לה בן גאִפי פדפע לי כתאב [מן] ענד אלשיך אבי אלפכר
4. בן אלאמשאטי באסמך יחתךּ פיה באל מגֹי וקד כאן אכי משה סאפר אלי אלמדינה
5. חתי יצל אליך ותכתב לה אלוכאלה פאחזם פי אלאמר אלדי הו תתבית אל וכאלה גאית
6. אלחזם ובעתהא מُסרע כמא יחסן ענדכם וקד ארדת אן נתסלף מן [ע]נִד אלשיך
7. אביֹ אלרביע כֹ רבא' ונבעתהא לכם [[פִ.]] פמא וגדת ענדה דהב אד כאן קד תִ[צ]רִףִ פיה
8. ואעלם אן לם תתבת אל וכאלה מא יצח פי ידך שי אלא במגיך לאן כדי יקול פי [כתאבה]
9. ואבעת כתאב עִרִףִ פיה אכתُךּ באל אמר אעלמתך דלך ולא תפרטו פי אל דעא ואפצל [אל]
10. סלאם עליך וו[אלד]תי אפצֹל אל סלאם ואכותי משה ושמואל אִפצֹל ואקרי סלאמי
11. לסיידי אל מעלִם ומר יעקב אכיה ורֹ זכריה אפצֹל אלסלאם ומר שלמה אל סלאם
12. וכל מן יסאל עני ואקרי מולאי רֹ חיים ואלד אלמעלם אפצֹל סלאם ו ִלִעִלִה [ל]א ינסאנ[י]
13. מן אל דעא ושלומכם יגדל מעלה מעלה אמן סלה ושלום כֹד מ[א אצח]בִת
14. הו אלכתאב אלדי בעת אלשיך אבי אלפכר צחבהً הדא אלכתאב וִשִלִוִםִ

Verso

1. יצל הדא אלכתאב אלי ואלדי אלעזיז עלי
2. כבֹ אבא מרי יוסף מלמד בר פרחיה
3. נֹעֹ יגֹו אללה ולייה וחאפטֹה

ולדה אלשאיק אליה פרחיה

ישע יקרב