رسالة: T-S 8J22.10

رسالة T-S 8J22.10

بيانات التعريف

علامة الرف
T-S 8J22.10
المحرر
A. L. Udovitch, unpublished editions.
اللغة الأساسية
Judaeo-Arabic

العلامات

Additional metadata

Historical shelfmarks
TS Box 8 J 22, f. 10; TS Box 8 J 22, fol. 10; TS 8 J 22, f. 10; TS 8 J 22, fol. 10
تاريخ الإدخال
In PGP since 1990

الوصف

Letter from Nahray b. Nissim, Egypt, to Abū l-Faraḥ b. Isma'il b. Faraḥ, Būṣīr.

T-S 8J22.10 1r

1r

النصوص المفرّغة

A. L. Udovitch, unpublished editions.

Recto

  1. כתאבי יאסידי ומולאי אטאל אללה בקאך ואדאם סלאמתך וצרף אלאסוא ענך ברחמתה
  2. מן מצר לג' כלון מן כסליו ערפך אללה ואיאנא ברכתה וסעאדה מא יליה ואלחאל סלאמה ונעמה ואלחמד
  3. ללה רב אלעאלמין וצלת כתבך ביד סידי אבי סהל ווקפת מנהא עלי סלאמתך וסררת בדלך דכרת
  4. חדית אלצראר אנך תנפד בהא לתבדלהא ואנת תשתכי אנך מא תקדר תשתרי מן אלציעה שי לילא
  5. יטלבוך בסלף אכר ותנעאק ועלי הדא יגב אן יכון ירגע שראך ללנאס מן בוציר פלא וגה לתוגיה
  6. אלצרר ובדל אלדנא' לאנהא תכרג פי בוציר וקד כנת מעול עלי בדל צרה עמך אלדי הונא אלי אן
  7. וצל כתאבך תקול נשתרי לה פי בוציר אמסכת ען בדלהא ואנא אנפדהא כמא הי לתשתרי לה
  8. בהא בקסמה ורזקה מן בוציר וכדלך אלכהן לה ענדך אלצרה אלאולי ותזן בקיה צרתי תציפהא
  9. אליהא ובקי לי ענדך חול י"ח דינ' תציפהא אליהא ואנא אנפד לה איצא תמאם אל קכ' דינ' ותשתרי
  10. לה באלגמיע מן בוציר במא יופק רב אלעאלמין והו ראיי לך ואמא אן זדת תואחל פי אל ציעה תתעב
  11. כפף אלעמל תכון כפיף אלצהר ותריח נפסך קליל פכונך פי בוציר אטיב לך עיש ואקל לך
  12. תעב ותכון פי בוציר תתלקט קליל קליל הו מבארך והדא אלדי תקדר עליה אליום וצל פיג מן
  13. אלאסכנדריה ולם יצל כתאב מן מולאי ואלדך ולא שך אנה כרג אליהא והו פי אלטריק אללה תע'
  14. יחסן עקבאך ועקבאנא דכרת אנך תמצי תחזם וענדי אנך תשתגל פי אלחזם מדידה
  15. ומא אערף מתי תשתרי ללכהן ועמך אלא חתי תפרג מן אלחזם דכרת חאל יוסף ואנה עזל
  16. ואנא אעלם הדא ואנת וחק אבי פיה מעדור גיר אן מן וחל יצבר טול רוחך קליל אלי אן תתכלץ
  17. לאנך אדחלת רוחך פי אלאשגאל אלתקאל אלכבאר אלסלף ומקאסאה אלציאע ואלסיר ואלרגוע
  18. ותשתית אלחאל ונכד אלעיש פי סנה אלשדה אללה תע' יחסן כלאצך ויעינך וינצרך

Recto, right margin

  1. גיר אנה
  2. יכון לתעבך תמרה
  3. דכרת חדית אל סגל לא
  4. תצן אני פרטת כל יום נטלב
  5. אבן שעיא יקול
  6. לי קאל צאחב אלדיואן
  7. מא אכתב לקאצי
  8. קיץ כתאב אלי אן יכרג
  9. לה תוקיע באלאסתכדאם פי
  10. אלנאחיה וכלמא טאלבה יעתדר לי בהדא אלעדר
  11. חתי קלת לה תחב תקאבלני
  12. מא אקבל הדא אלעדר
  13. מנך קאל איש פי ידי 
  14. אעמל ואנא אטאלבה
  15. איצא וקד וצל לי
  16. מן אלכהן פי יומי הדא

Recto, top margin

  1. כתאבין מן צור
  2. ידכר פיהא
  3. אן כרגת רחאלאת
  4. אצחאבנא כלהא סאלמה
  5. ללה אלחמד
  6. ואן אלקאצי אועדהם בכל
  7. גמיל יכזן
  8. רחאלאתהם אלי
  9. אול אלזמאן
  10. יסאפרו ומא
  11. יטלב מן אחד פלת אלא אן אראד
  12. אלביע וקד
  13. וצל אלשיני מן
  14. מאזר אלי אלאסכנדריה
  15. סלך מרחשון
  16. בעד
  17. מנה

الترجمة

T-S 8J22.10 1v

1v

Verso

  1. אכדו מנה כבר אללה יטלענא עלי כיר אלחדאד כאטבתה קאל לי פי הדה אליומין אדפע לך אבן מומל
  2. למא צאק צברי ממא יסכר בוכיל עבד מצית אנא אליה קאל לי מא ביני ובינך מעאמלה פכאן תם אבו
  3. אלטאהר אלסמסאר קאל לה מא תפעל אנה הדא אדא גאבו לך כט וכילך באלופא תדפע להם ומצינא ואבן עבד (?)
  4. בקי מן תמן אלשמע ענד עאמל אלברכה (!) ל דינ' אלי אליום וקד אועדה פי דאך אלסבוע ומא אכד שי
  5. לעלה ינגז פי הדא אלסבוע אן שא אללה קד אנפדת לך מע קארב // ריס // אלשריף כתב כתירה ומע אבן נסרוס
  6. כתב חצל לר זכריה בן אלאשקר ארגו וצול אלגמיע ופיהא כתאב לאבו עמראן מוסי מן אכיה קראת עליך אתם
  7. אלסלאם ואבו עמראן אלסלם ויוסף אלסלם וחסבי אללה וחדה

Verso, address

  1. לסידי ומולאי אכי אלסרור פרח בן אסמעיל בן פרח נע'               מן נהראי בן
  2. אטאל אללה בקאך ואדאם סלאמתה וסעאדתה ונעמתה           נסים נע' מחבה
  3. בוציר אן שא אללה
بيان أذونات الصورة
  • T-S 8J22.10: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
https://geniza.princeton.edu/documents/2073/