رسالة: T-S 12.721

رسالة T-S 12.721

بيانات التعريف

علامة الرف
T-S 12.721
اللغة الأساسية
Judaeo-Arabic

What's in the PGP

  • صورة
  • 2 Transcriptions

الوصف

Letter from Awad b. Hananel from Alexandria to Nahray b. Nissim, Fustat. Around 1060. The writer is in urgent need of cash "I do not even have a single dīnār left, whatever I had, I purchased with it wheat", "I am in need of your generosity, I do not have a single dirham". Describes the increasing prices of wheat and beans. Mentions a shipment of nuts and oil. It seems that the writer lives in a house that belongs to Nahray. (Information from Gil). VMR, YU.

العلامات

Additional metadata

Collection
Cambridge University Library, Taylor-Schechter
تاريخ الإدخال
In PGP since 2017
صورة
النصوص المفرّغة
الترجمة

T-S 12.721 1r

1r
Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 3.

Recto

  1. כתאבי אטאל אללה בקא מולאי
  2. ואדאם עזה ותאיידה וסעאדתה
  3. וסלאמתה ונעמתה וכבת עדווה
  4. מן אלאסכנדריה ען סלאמה
  5. ועאפיה ושוקי אליה שדיד גמע
  6. אללה ביננא עלי אפצ'ל חאל במנה
  7. אנשאללה ואלדי אעלם בה מולאי
  8. אן לי מדה מא וקפת לה עלי
  9. כתאב וכונת מעתקד אנני
  10.  נצל אלי אסכנדריה נגד כתבה
  11.  פיהא ומא כונת מעול אלי עלי
  12.  אלטלוע אלי מצר פבעד תלך
  13.  אלספן ואלקראב צחבה עמיר
  14.  פיאלית לו כונת טלעת
  15.  אלי וקעת פי שרי קמח ג' אל
  16.  סער ק' וב' פחב אללה ת'ע'
  17.  ווצלת סאלם ולם יחל אחד
  18.  עליה חבה ואנא אסל
  19.  מולאי אן יתפצ'ל עלי וינפד
  20.  לי תמן אלגוזה ישתרי לי
  21.  בהא קטעה פצ'ה וינפדהא לי
  22.  צחבה מן יראה ובאללה
  23.  מא בקי מעי די'נ' אלי כל

Recto, right margin

  1. מא כאן מעי אשתרית
  2. בה קמח ומא חסב אללה לי
  3. אן אכרג פי
  4. אלאול
  5. כרגת פי אל
  6. אכר אללה
  7. יגעל אלעאקבה

Recto, upper margin

  1. לכיר
  2. וקד כאן וצלני
  3. כתאבך ואנת
  4. תדכר פיה
  5. שרי פול
  6. וכאן אלפול בקי אלי
  7. אן וצל
  1. כתאבי אטאל אללה בקא מולאי
  2. ואדאם עזה ותאיידה וסעאדתה
  3. וסלאמתה ונעמתה וכבת עדווה
  4. מן אלאסכנדריה ען סלאמה
  5. ועאפיה ושוקי אליה שדיד גמע
  6. אללה ביננא עלי אפצל חאל במנה
  7. אנשאללה ואלדי אעלם בה מולאי
  8. אן לי מדה מא וקפת לה עלי
  9. כתאב וכנת מעתקד אנני
  10. נצל אלי אסכנדריה נגד כתבה
  11. פיהא ומא כונת מעול אלי עלי
  12. אלטלוע אלי מצר פבעתת לך
  13. אלספן ואלקראב צחבת עמיד
  14. פיא לית לו כונת טלעת
  15. אלי וקעת פי שרי קמח גאל
  16. סער ק' וב פחב אללה תע
  17. ווצלת סאלם ולם יחל אחד
  18. עליה חבה ואנא אסל
  19. מולאי אן יתפצל עלי וינפד
  20. לי תמן אלגוזה ישתרי לי
  21. בהא קטעה פצה וינפדהא לי
  22. צחבת מן יראה ובאללה
  23. מא בקי מעי דינ אלי כל

(right margin)

  1. מא כאן מעי אשתרית
  2. בה קמח ומא חב אללה לי
  3. אן אכרג פי
  4. אלאול
  5. כרגת פי אל
  6. אכר אללה
  7. יגעל אל עאקבה
  8. לכיר

(upper margin)

  1. וקד כאן וצלני
  2. כתאבך ואנת
  3. תדכר פיה
  4. שרי פול
  5. וכאן אלפול וקת
  6. אן וצל

T-S 12.721 1v

1v

Verso

  1. כתאבך ד' ונצף בד'י'נ' ולם נשתרי
  2. לך שי ואלפול יסוא אליום ארדב
  3. בדי'נ' ואלקמח אלטייב יסוא
  4. ד ד'י'נ' ונצף אלארדב והו יגי עלי
  5. בדינרין גיר סדס דאס מאלה
  6. וקד בעת לך אלקראב אלזית
  7. וצח פיהא דינרין וקירט אן אכתרת
  8. תאכד מן תמן אלגוזה דינרין וקירט
  9. אפעל ואנפד לי אלבקיה אללה אללה
  10.  לאני מחתאג לחבה ומא מעי
  11.  דרהם ואחד ווצלני כתאבך ואנת
  12.  תקול לי אדא כרגת תשתרי
  13.  אלקמח אשתרי בדינרין וקד
  14.  אשתרית לך פי גמלה מא
  15.  אשתריתה ולאכן מא אכצרך
  16.  שי ולא אחסב עליך שי אלא
  17.  מחמודא אן כאן מא אנבאעת
  18.  אנפדהא אלי מע מן תרא
  19.  וכדלך אלשכירה אלדי כאן פיהא
  20.  אלגוזה אנפדהא ומא כאן לך
  21.  חאגה שרפני בהא אעלמתך
  22.  ואלצהריג ערפני מוצ'ע עינה חתי אעלס
  23.  לאן לי אליום שהרין נשתרי אלמא מן כרא(?)

Verso, bottom region, upside down

  1. סיידי ומולאי אבו יחיי                        מחבה עואץ' בן
  2. נהוראי בן נסים נ'ע'                           ר' חננאל נ'ע'
  3. אטאל אללה בקאה

verso

  1. כתאבך ד' ונצף בדינ ולם נשתרי
  2. לך שי אלפול יסוא אליום ארדב
  3. בדינ ואל קמח אלטייב יסוא
  4. דינ ונצף אלארדב והו יגי עלי
  5. בדינרין גיר סדס ראס מאלה
  6. וקד בעת לך אלקראב אלזית
  7. צח פיהא דינרין וקירט אן אכתרת
  8. תאכד מן תמן אלגוזה דינרין וקירט
  9. אפעל ואנפד לי אלבקיה אללה אללה
  10. לאני מחתאג לחבה ומא מעי
  11. דרהם ואחד ווצלני כתאבך ואנת
  12. תקול לי אדא כרגת תשתרי
  13. אלקמח אשתרי בדינרין וקד
  14. אשתרית לך פי גמלת מא
  15. אשתריתה ולאכן מא אכצרך
  16. שי ולא אחסב עליך שי ואל
  17. מחמודא אן כאן מא אנבאעת
  18. אנפדהא אלי מע [מ]ן תרא
  19. וכדלך אלשכירה עבינא פיהא
  20. אלגוזה אנפדהא ומ[א] כאן לך
  21. חאגה שרפני בהא אעלמתך
  22. ואלצהריג ערפני מוצע עיבה חתי אצלח[ה]
  23. לאן לי אליום שהרין נשהד אלמא מן ברא

(right margin)

  1. כצצתך באתם אלסלאם
  2. ואבו אלכיר יבוס
  3. ידך והו
  4. יסלם עלי
  5. אבו סעד וזכי
  6. ומנסובה יוסף
  7. ואללה אללה
  8. ה...

(bottom of the page)

סיידי ומולאי אבו יחיי מחבה עואץ בן

נהראי בן נסים נע חננאל נע

>erp/<אטאל אללה בקאה

بيان أذونات الصورة
  • T-S 12.721: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
Cambridge University Library, Taylor-Schechter, T-S 12.721. Available online through the Princeton Geniza Project at https://geniza.princeton.edu/documents/1691/, accessed November 23, 2024.
https://geniza.princeton.edu/documents/1691/