منحة في رسالة: T-S Ar.53.37

رسالة T-S Ar.53.37
  1. الاقتباس المرجعي
    S. D. Goitein, index cards.
    Location in source
    Relation to document
    • المناقشة
  2. الاقتباس المرجعي
    S. D. Goitein, "The Jewish Communities of Saloniki and Thebes in Ancient Documents from the Cairo Geniza‎" (in Hebrew), Sefunot: Studies and Sources on the History of the Jewish Communities in the East‎ 11 (Jerusalem, Israel: Yad Izhak Ben Zvi / יד יצחק בן-צבי, 1971), 9-33.
    Location in source
    • pp. 15–20
    Relation to document
    • Digital Edition
    • الطبعة
صورة
النصوص المفرّغة
الترجمة

T-S Ar.53.37 1v

1v
S. D. Goitein, "The Jewish Communities of Saloniki and Thebes in Ancient Documents from the Cairo Geniza‎" (in Hebrew), Sefunot: Studies and Sources on the History of the Jewish Communities in the East‎ 11 (Jerusalem, Israel: Yad Izhak Ben Zvi / יד יצחק בן-צבי, 1971), 9-33.

Page B

  1. מע צביה [[נ]] צגירה ולהא חט ואיצא אליהוד מא
  2. יתחשוני ומא ענדי שי נכרג בה אליכם ואנא פי
  3. ג נפוס ואכשא אן נתקל עליכם ואכתר מא
  4. בשרתמוני אנכם מא תחתאגו אלי הקבה לא
  5. יחווגכם לאחד סואה ואנא מע עמאי וצעף
  6. קואי אלדי רמאני פי הדה אלגורבה מא צייעת
  7. ואנא פי אלף נעמה ואלחמד ללה מוכלי אלמונה
  8. בפצל מחבוב מכרום מן כל מן יכאף אללה
  9. ויתקיה ומן כל מן יפהם ויעקל. ומא בקי פי שי
  10. גיר אללסאן ואלקלב מסמוע אל קול אלצלאה ענדנא
  11. פי אלבית בחזאן לילה אלסבת ויום אלסבת ולילה
  12. אלאחד ועלי אן גמעה ...סלוניקי קד אנסתהם
  13. נאס אפאציל מא קדר אחד מנהם יציבנא פי
  14. גלט לא בדיני ממונות ולא בדיני נפשות ולא (פן)
  15. פן מן אלפנון וליס לי מוגעה אלא פירקתכם
  16. ואלדי אסתחלפתמוני פי כתאבכם סאעה אנא
  17. [[נ]] נקרא כתאבכם לא נבקא אללה אללה לא תעודו
  18. למא[...] לאני אקדם מנכם לדלך אלף מרה
  19. ולא [...] מא /לי/ קודרה ואשהד עליך אללה יאולדי.
  20. אן [...] ...פי צהרך אבי אלחסן ......
  21. בי [...] אלפרח אלשדיד וצהר לי מן כתאבה אנה מן
  22. אבנא אלנאס ותחסן אלעשרה מעה ומע צהרך
  23. אלאכר ומע מא אנא מא ראינא לה כתאב ומע
  24. אכואתך ומע אמך ומע בנתנא צאנהא אללה
  25. ומע בית חמאך ותקרי אלכל סלאמי להם
  26. ולאולאדהם יהיו הכל מבורכים מן הקבה
  27. ויהיו לשם ולשארית ואעלמת יא ולדי אסמעיל
  28. בשנת מח מא ופא אלניל וקלבי פזעאן ומא
  29. לי לא ליל ולא נהאר ולמען יי תשתהד ותכתב
  30. אלי בסלאמתכם ובאסם צהרך אלאכר
  31. ובאש מעישת כל ואחד מנכם ותקרי סלאמי
  32. עלי חמוך(!) ותערפני מן הוא(!) מן אלחברים
  33. ויכון כתאבך אלי עמראן בן נחום ללאסכנדר[י]א
  34. והו ינפדה (אלנ) אלינא ויכון ענואנה אלי סלוניקי
  35. אלכניסת אלפוקאניא דאר שבתי בן מ משה
  36. מטאקלא הראש ואשהד עליך אללה יאולדי
  37. לא תפרט פי טלב אלעלם ותם אני אעגב מנך אלדי
  38. לם תציב מן יכתב לך כתאב אלא דפעה ונסית
  39. אלדי נכתה פי דמשק וחדא ותם יאולדי
  40. נקול אן אשגאלך ען טלבה" אלעלם
  41. נסית תרסם אלכתב וכיף כאן יכאתבנא ראס אלמתיבה
  42. יכאתבנא בסם וליכן

T-S Ar.53.37 1r

1r

Second side of page B

  1. ברוחה אערף אלדי כאתבנא בתלך אלמכאתבה ותם
  2. אללה שאהד עלי יאולדי אן מא מסכני ענך פי אלאול
  3. אלא אן מא כאן בידי שי נרגע בה אליכם ואנתם תעלמו
  4. בי וקת כאן יתגמע בידי שי מא כנת אבקי ענכם
  5. ואחדה למחבתכם ושפקתי עליכם ותאניה טמעי
  6. עוזי אדפן עצאמי פי אלקדס אד עלי הדה אלשהוה
  7. תרכת נחלת בית אבותי ונפרדתי מהם וכאן פי וקת
  8. מא רציה אללה אד לי אליום כו סנה מד כרגת מן
  9. ענדכם מה הדית פי מוצע ואחד תלתין שהר ולא
  10. (כאן) אגתמע בידי שי נסהם באלכרוג אליכם גאני כבר
  11. ...באלאסף אנה קד אחתרק הו וכל מן כאן מעה
  12. וכליתכם משתרכין מעה דאך אלוקת חאלת ידי מן אל
  13. נפקה ואיסת מן דיאר אלמסלמין ומאתת אלצבייה
  14. אלראבעה והפת אלאתראך אלי שרקי אלרוום והרבת
  15. מן קדאמהם אלי גרבי אלרום נסרי ובדא בצרי יצעף
  16. מדה ה סנין ינזל דרגה דרגה מן בעד דלך לם אטן
  17. הדה אלצבייה אלדי מעי יבקא לי סהם צ [...]...
  18. עאלם יעלם .....אכרי ועלי אן [כתי]ר מן
  19. אלשבאב יטלבוהא ולם תגיב ואחד מנהם אלי מגי
  20. כתאבך וכתאב אבו אלחסן צהרך ואנתם תסתחלפוני
  21. אן מא אבקי מן בעד נצר אלי כתאבכם אשאהד
  22. אללה אן מא קרית עלי כתבכם אלא ואנא מא לי קדרה
  23. אן אכרג מן אלבית לבאב אלדאר אלא וימסכוני ואנא
  24. עלי צפה מן תקל סמע וצעף חאל ולו ראיתני הרבת
  25. מן קדא[מ]י מסירה" שהר מע אלכטר אלעצים אלדי
  26. פי אלטריק וכלפה ופזעי עלי שיבתי ומן מעי ועלי
  27. אן אלדי מעי תשתהי אלכרוג ולא תכאלפני פי הדא
  28. אלפן מע כיפתי אני לא אתקל עליכם אנא ומן מעי
  29. אד אנת תעלם אן מא שיימי מן גמע אלמאל אלא אדא
  30. אגתמע מעי שי אכלתה ואללה אללה יאולדי לא תטן
  31. בי כלף הדא אלטן ולא תהרהר אחרי מידת הבורא
  32. ולא תלפת אלי אקואל בני דור אחד אלדי כרגו מן
  33. ענדנא אלדי אכבר מן פיהם אציבו פי פנון אחתשם
  34. אדכר[ה]א אחרי ואוכד אכאתב בהא ויא בני מא
  35. תרגע אלי עקלך ואלי מא קראתה וקד כנת בן יג סנין
  36. ידהלהם עקלך ומא תעלם אן הדה אמור סמאויה
  37. מא לאחד פיהא שי ואסתדל מן אכיאתך ומן
  38. ס[לאם]
  39. נפסך פי אלקאהרה כליתכם או מאלכם וקראת ש[לום]
بيان أذونات الصورة
  • T-S Ar.53.37: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.