מכתב: T-S 18J4.10

מכתב T-S 18J4.10

תגים

תיאור

Letter from Simḥa ha-Kohen (Alexandria) to his father-in-law Eliyyahu the Judge (Fustat), explaining a recent incident involving two cloaks worth 109 dirhams and a brush with the police. He congratulates Eliyyahu on the upcoming wedding of his son Abū l-Barakāt (=Shelomo). Simḥa has been unable to fulfill an obligation to Eliyyahu because his wife (Eliyyahu's daughter) has been sick for the last year, and he has been unable to travel. See also T-S 13J24.10.

T-S 18J4.10 1r

1r

תיעתוק

Motzkin, "The Arabic Correspondence of Judge Elijah and his Family" (PhD diss., n.p., 1965), 2.

Recto:

  1. עקב ענוה יראת יי עושר
  2. וכבוד וחיים
  3. ממלוכהא אלדאעי להא //שמחה// כהן
  4. ינהי ורוד כתאב הדרת יקרת צפירת
  5. תפארת ועטרת כבוד גדולת קדושת
  6. מרנו ורבנו אליהו הדיין המשכיל
  7. החכם והנבון הירא שמים השם
  8. יאריך ימיו בטוב ושנותיו בנעימים
  9. ויעטר כלל הקהלות בחייו ובאריכות
  10. ימיו ויחיה כלל חמודיו השרים
  11. היקרים יראהו השם בניהם ובני
  12. בניהם הוגים בתורה ובמצות
  13. ימציאהו חן וחסד בעיני אלהים
  14. ואדם ככ׳ ומצא חן ושכל טוב
  15. בעיני אלהים ואדם ולם ידכר
  16. אלמולא פי כתאבה אלכרים שי
  17. מן אלשוק אלא וענד אלממלוך
  18. עלם אלבארי אצעאף דלך
  19. הקבה יקרב גמע אלשמל במנה
  20. וימנה אן שא אללה תעאלי וסוי
  21. דלך באן מא יעלם אחד מא עלי
  22. קלב אלממלוך מן סבב מא גרי
  23. פי אלמלאחף ולו לא אלוקוף ואלטלב
  24. אלחתית ומא צמן אלמבלג בחצרה //[[לא]]//
  25. אלחאגב אלא אלערפא ותקרר באנה
  26. אדא לם יחצר אלמלחפתין או
  27. כתאב בקבצהם ולא כאן ענדה
  28. תמנהם מאיה דרהם ותסעה דראהם

תרגום

T-S 18J4.10 1v

1v

Recto, right margin:

  1. וכתב בדלך חגה באלשהוד אלעדול פסאעה אן אחצר כתאב אלשיך אלאכרם תכלצה קצייה אלצמאן
  2. פמא כאן אלא בעד יומין בלג אלממלוך מא גרי פי אמרהם וצעב עלם אללה דלך עלי אלממלוך
  3. כתיר גדא פאן גמיע כאן חצל מנהם מתל אלמציאה ולולא אלחזם מא אחצר שי לאן אלשכץ

Verso:

  1. לאן אלשכץ צאחב רבע ומא ילקא
  2. ותעגב אלממלוך גאיה אלתעגב
  3. פי תסיירהם איש כאן יקום באל[ח]אל
  4. יעתרף באנה אבאעהם ועוץ ענהם
  5. ואלא כאן אלאמר קד האן ולאכן מא יקדר
  6. אלאנסאן יכרר הדה אלאקאויל לאנהא
  7. אקאויל יתאלם קלב אלאנסאן מנהא ואמא
  8. אלרשע יחלף באנה מא גייר ולא בדל
  9. פלמא טלבתה באלעשרין דרהם קאל לי
  10. אנת מא סלמת לי וחלף קדאם גמאעה
  11. באנה ענד טלועה אלע מצר יעידהא לה
  12. ואמא אלשיך סלים פאנה מא צח מן מוא
  13. מואעידה שי ואלאקרב באנהא מא תוכד
  14. מנה אלא תם אעלמת אלמולא דלך ואל
  15. ממלוך מהני סיידנא אלמולא אלדיין אלגליל
  16. ללה סעאדתה בלשיך אלאגל אבי אלברכאת
  17. הקבה יגזיעו בנים זכרים ויתן האשה
  18. הבאה לביתו כרחל וכלאה אלבארי יעלם
  19. באנה יגמל אקלים ולאכן איש יקר
  20. אלאנסאן פי דריה אלמולא אלדריה אל
  21. טאהרה ויעינה ויעיננא גמיע עלי
  22. טאעתה וכאן אלממלוך עלם אלבארי
  23. פי צאיקה לאן כאן קד עגז נפקה
  24. פלם יחצל דלך אלוקת סוי עשרין
  25. דרהם ואלמולא יבסט עדר ממלוכה וכל
  26. מא ראם אלממלוך אלרחלה צאדפת אל
  27. אמראץ אלצעבה לאהל אלבית סנה כאמלה
  28. והגיעו עד שערי מות ווקת עזימה
  29. אלנקלה צאר אלחפץ ואלחרץ הדא אחדתה
  30. הדא אלואלי ואלכיר יכון אן שא אללה אמא מא
  31. ללמולא מן כרמה ישרף אלממלוך בקצאהא
  32. הדיין הותיק ידלה בחסב אלאדלאל עלי תפצל ושלום

Verso, right margin:

  1. ואלמולא ינעם בתבליג סלאמה ללמולא אלרייס אלאגל מרנו ורבנו אברהם וכדלך מרנו ורבנו חננאל

Verso, address:

  1. מחרוסה מצר מושב הדרת יקרת צפירת
  2. תפארת כבוד גדולת קדושת מרנו ורבנו אליהו
  3. הדיין הגדול המעוז המגדיל הירא שמים שצ
תנאי היתר שימוש בתצלום
  • T-S 18J4.10: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.