מכתב: T-S NS 228.6

מכתב T-S NS 228.6

תגים

תיאור

Letter from Mūsā b. Abī al-Ḥay (Tinnīs) to Nahray b. Nissim (Fustat), ca. 1062. Mūsā reached Tinnīs by land because he was scared to travel by ship while carrying money. The letter contains a detailed account of wares that he sold or bought, especially pellitory (Anacyclus Pyrethrum) and flax. (Information from Gil, Kingdom, Vol. 3, p. 509 and Goitein notes linked below.)

T-S NS 228.6 1r

1r

תיעתוק

משה גיל, במלכות ישמעאל בתקופת הגאונים‎ (in Hebrew) (Tel Aviv: Tel Aviv University, 1997), vol. 3.

verso

  1. אלתמן מ דינ ותלת ורבע כרג מן דלך סמאחה ללמשתרין וסמסאר דינרין וקיר

  2. פלך וחמאל וקאקבץ(!) ד א ונצף ותלת ונצף קיר עמאלת אלוכיל נצף ותלת

  3. אלגמלה סבעה דנאניר ותלתין וקיר ונצף בקי לב דינ ונצף ותלת ונצף קיר ואביעת

  4. לה קטעה תאניה גא וזנהא נקי קנד רטל סער ד ארטאל ורבע אלתמן לו דינ וסדס

  5. וקיר וחבה כרג מן דלך סמאחה ללמשתרין וסמסאר דינרין ותלת פלך ומעאונה

  6. ד ונצף ורבע חמאל וקאבץ ווזאן תמן עמאלת אלוכיל נצף ורבע בקית סלפה

  7. דינ ורבע דלך אלגמלה תסעה וסדס וקיר בקי כז דינ וחבה יכון גמלת אלדי חצל לה

  8. פי תמן אלעדלין סתין דינ ונצף <ו>תמן ודאנק כרג ענה מן דלך מא וזנתה ענה סלף מן ענדי

  9. באלאסכנדריה ען ואגב סלטאן וכרי ומון סבעה דנאניר ותמן ונצף קיר אלבאקי לה נב דינ ותלתין //וקיר וחבה//

  10. אשתרית לה בהא פרסי וארגישי פי גמלה עדלין וקד חמלתהא עלי כנזירה בן וארו

  11. אללה תע יכתב //עליה// אלסלאמה והדא שרח אלסבעה דנאניר ותמן ונצף קיר אלדי וזנתהא ענה באל

  12. אסכנדריה ערצה פי דאר אלוכיל ג אד עתאלין יד דר חראץ ורגאלה וסטר ג אדר מקאטע

  13. סבעה ברטיל ומערי סתה ואגב פלך ד אדר ותלת ורבע בעץ אלכרי דינ נצף ורבע אלגמלה

  14. עין סתה ותלת ורבע וורק לג ותמן תכן ען תלתין ותלת דר דלך אלגמלה סבעה דנאניר ונצף קיר וען

  15. וכס גמיע תכן דלך סבעה ו> ונצף קיר תתפצל תוקפה עלי אלפצל מן כתאבי הדא ותעתדר

  16. לה עני פי אלמכאתבה לאן כרג חאמל כתאבי הדא סריע ולם אלחק אכתב מעה

  17. סוא הדא אלכתאב ואנא אן שא אללה אכתב לה מן אלאסכנדריה ותעלמה שדה שוקי

  18. אליה וכדלך מולאי אבו אלבשר אזהר בן מנצור תכצה סלאמי ותעלמה אני בעת

  19. לה אלה שכאיר כתאן אלדי אנפד ברסמה מעי מולאי אלשיך אבו זכרי באסעאר

  20. מכתלפה מנהא ואחדה וזנהא צאפי קנז ונצף ורבע סער ד בעצהא וארבעה אלא וקיה

  21. אלבעץ ושכארה תאניה וזנהא צאפי קכד סער ד ווקיתין ושכארה תאלתה וזנהא צאפי

  22. קמ סער ד ווקיה ושכארה ראבעה וזנהא צאפי קי סער ד ותלתין ושכארה כאמסה

  23. וזנהא צאפי קטו סער ד ווקיתין צח לה פי תמן אלה שכאיר בעד גמיע אל

  24. ואגבאת קיז דינ ורבע ותמן וק כתאן מהדאוי דינ דלך אלגמלה קיח דינ ורבע וק אשתרית

  25. לה פרסי וארגישי פי גמלה ה אעדאל חמלת מנהא אתנין פי קארב בן קיאם ג פי כנזירה

  26. בן וארו באקי לה סבעה דנאניר ונצף ותמן ונצף קיר אשתרית לה בהם פצה פי גמלה אלפצה אלדי מעי

  27. וזנת פי תמן כרי למולאי אלשיך אבי אלפרג רבאעי ואנא אשרח חסאבה למולאי אלשיך

verso - right margin

  1. אבי זכרי

  2. אן שא אללה

  3. פאללה תע

  4. יגמע עליה

  5. ועלינא

  6. ותתפצל

  7. תוקפה עלי

  8. אלפצל מן כתאבי

  9. הדא ותכץ

  10. עני אלשיך

  11. אבי אסחק

  12. אברהים

  13. בן סגמאר

  14. וולדה

  15. באתם אלסלם

  16. ותעלמהם

  17. שדה שוקי

  18. אליהם

  19. ותסתעלם

  20. לי מנה

  21. אן כאן ניתה

  22. קויה פי

  23. אמר אל

  24. דכאן אלדי

  25. כנת

  26. תואקפת

verso - top margin

  1. מעה פאכתב

  2. אלי בשרח

  3. אעמל

  4. גייד

  5. או

  6. תאכד

  7. פי ביתי

  8. ואטלע

verso - bottom margin - address

  1. ותכץ עני ר תאבת אלחזן וולדה באתם אלסלם ותדפע לה אלכתאב יקראה עלי מולאי

  2. אלשופט ועלי בן עמה

  3. מולאי אלחבר אלגליל מרנ ורבנ נהראי גדול מחבה מוסי בן אבי אלחי נע כלילה

  4. הישיבה בן נסים זצל אללה וליה

תרגום

T-S NS 228.6 1v

1v

recto

  1. על שמך

  2. כתאבי אטאל <אללה> בקא מולאי אלחבר אלגליל גדול הישיבה ואדאם

  3. עזה ותאידה וסעאדתה מן [אלאסכנדריה] תניס לי מצת מן מחשואן(!)

  4. ען חאל סלאמה ונעמה ושוק אליה קרב אללה אלאגתמאע בה עלי אפצל

  5. אלמחאב וממא אעלמה בה אנני כנת מסאפר אלי אלאסכנדריה פי כנזירה

  6. אטאראבלסיה וחמלת פיהא אכתר רחלי פאתפק לי אלאקלאע יום שמיני

  7. עצרת ואנא פי אלבר אללה תע יכתב סלאמתהא וכאן איצא תבקאת לי

  8. חויגאת אנגזהא פאסתרכת(!) אללה תע ורכבת אלי הנא דאבה לאן מעי

  9. כספא פראית אן אלרכוב ברא להנא אופק וקד מן אללה תע באלסלאמה

  10. ללה אלחמד ואנא אן שא אללה מעול עלי אלספר אלי אלאסכנדריה בעד

  11. אלסבת אן שא אללה וקד תקדם כתאבי אליך משרוח צחבה יחיי אלפאסי

  12. ואעלמתה פיה מא פעלתה לה פי אלעקר קרחה אלדי כאנת לה מעי

  13. ואנני בעתהא לה בעד אלאגתהאד צח לי פי וזנהא בעד אלטרוח

  14. קכב מן סער יא דינ אלק צח תמנהא יג דינ וסדס וקיר כרג מנהא

  15. מא וזנתה ענה כרי ומכס באלאסכנדריה והנא דינרין בקי יא דינ וסדס

  16. אשתרית רזמה קטן סער רטלין ותלת בדינ גא תמנהא מוצלא ללמרכב

  17. לה דינ ותלת חמלתהא אלי אלאסכנדריה פי אלכנזירה אלדי כנת עלי אנני ארכב

  18. פיהא והי כנזירה בן וארו מן אהל אטראבלס אלגרב אללה תע יכתב סלאמתהא

  19. אעלמתה דלך והדא שרח חסאבה גא מן אלעקר קרחא וסך נז רטלא ידהב ען

  20. צרף וסמאחה ען תראב ומעאונה ה ארטאל בקי נב רטל תכון קכ מן סער

  21. יא דינ אלק מן אלתמן יג דינ וסדס וקיר כרג מן דלך עמאלת אלוכיל רבאעי ונצף קיר

  22. פלך נצף וק אגרה מרכב דינ //חמל ווזאן נצ// ומא וזנתה באלאסכנדריה ברטיל ומערי קיר ונצף

  23. דלך דינרין ונצף בקי יא דינ וסדס וקיר אשתרית לה בהא קטן סער רטלין ותלת

  24. גא וזן אלרזמה צאפי כב רטל אעלמתה דלך פאללה יעלם עזה חאגתה עלי ולו קדרת

  25. אגעל לה עוץ כל דרה דינ לפעלת פיצל כתאבה אלי אלאסכנדריה במא

  26. יראה וקד שרחת פי אלכתאב אלמתקדם צחבה יחיי אלפאסי מא לחקני

  27. פי הדה אלספרה אלמנאירה מן אלתעב ואלכסארה פי א<ל>ביע וגלא אלבצאיע

  28. אלדי אשתרית פאללה תע יגעל אלעאקבה לכיר קראת עליה אתם אלסלם

  29. ומולאי אבו סעד ולדה אחיאה אללה אתם אלסלם וגמיע מן תשמלה

recto - right margin

  1. ענאיתה אל

  2. סלם ואחב יכץ

  3. עני חצרה

  4. סידנא אלרייס

  5. אלאגל חבר

  6. הישיבה באגל

  7. אלסלם ויעלמה

  8. שדה שוקי

  9. אלי חצרתה

  10. פאללה תע יגעלהא

  11. אבדא פי

  12. חיז אלסלאמה

  13. ויתן לו חן וכבוד

  14. בעיני אלים ואדם

  15. וכדלך //חצרה// סידנא

  16. אלרב אלאגל

  17. אחיאה אללה

  18. יכצהא עני

  19. באגל אלסלם

  20. ומולאי אלשופט

  21. אלגליל מכצוץ

  22. עני באתם אל

  23. סלם [ותוקפה]

  24. ותעלמה

  25. אן כנת

recto - top margin

  1. בעת לה אלעדלין

  2. כתאן אלדי אנפדהא

  3. מעי ברסמה

  4. מולאי אלשיך

  5. אבו זכרי

  6. אחיאה אללה

  7. והדא שרח

  8. חסאבהא אלמפצל

  9. תוקפה עליה

  10. עדל וזנה צאפי

  11. קנב רטל ורבע

  12. סער ג ארטאל

  13. ונצף ורבע

תנאי היתר שימוש בתצלום
  • T-S NS 228.6: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.