מכתב: T-S 8J25.19

מכתב T-S 8J25.19

מטא-דאטא

מספר מדף
T-S 8J25.19
שפה עיקרית
Judaeo-Arabic

What's in the PGP

  • תמונה
  • 1 Transcription

תיאור

Letter from Natan b. Nahray, from Alexandria, to Nahray b. Nissim, Fustat. Around 1062. The writer mentions his difficulties with a person named Abu Zikri Menashshe. Mentions several goods as beads, red dresses, and kosher oil. Natan needs oil for light. He shows his interest in ruby. Natan was very frightened on account of his father, Nahray b. Natan, who was very ill but recovered. (Information from Gil, Kingdom, Vol. 3, #415) VMR

תגים

Additional metadata

Collection
Cambridge University Library, Taylor-Schechter
Historical shelfmarks
TS Box 8 J 25, fol. 19; TS 8 J 25, fol. 19; TS Box 8 J 25, f. 19; TS 8 J 25, f. 19
תאריך קלט
In PGP since 2017
תמונה
תיעתוק
תרגום

T-S 8J25.19 1r

1r
משה גיל, במלכות ישמעאל בתקופת הגאונים‎ (in Hebrew) (Tel Aviv: Tel Aviv University, 1997), vol. 3.

recto

  1. כתאבי אטאל אללה בקא מולאי אלשיך אלאגל ואדאם תאידה

  2. וסלאמתה ונעמתה מן אלמסתקר ליז כלון מן מרחשון כתמה

  3. אללה עליך באחסן כאתמה תקדמת כתבי אליך משרוחה צחבה

  4. ר עמרם בן אלנגיד זל ארגו וצולהא למולאי ואעלמתך פיהא מא

  5. טרא עלי מן אלשיך אבו זכרי בן מנשה ואנה וכל עלי וקד יאכי

  6. אשרחת לך מא פיה כפאיה ארגו כיר אן שא אללה ואעלמתך

  7. אן אלכתב אלדי כאנת מע צאעד דכר אנה נסיהא פי ביתה פלא

  8. תנסב אלי תפריט תם אעלמך אן אלענבר נסתכיר אללה וננפדה

  9. אליך צחבה אלשיך אבו עמראן אלסגלת פהו עלי כל חאל [יגתהד]

  10. פי קצא חקך תם דכרת סער אלכרז אלדי כאן מע אכן אלזלאק

  11. ואנה מא סוי לה גיר ג דינ אלקנט בעד מא וזן עליה

  12. מכס אלצנאעה ואנא יאמולאי מא ננפדה גמלה לאן טאלבה

  13. יגי להון ויבאע אחסן מא יבאע ענדכם פאן אכתרת

  14. קסמתה לך עלו אלראי תם אעלמתך אן וצלת לך ג פוט חמר

  15. וק גלד כתב מרבע ואנא אנפדהא לך מע מולאי אל

  16. סגלת ואעלמך אן וצל ברסם אלמרגאבי תוגיה אלשיך אבו

  17. סהל עטא ו פוט חמר ומא ננפדהא לה חתי נרא כתא[ב]ך

  18. ומא אביעהא לה יצל כתאבך במא ינפעל פיהא דכרת

  19. אמר אלזית אלחלאל ומא וצדת לך מנה שי סוא ענד

  20. אנסן אטראבלסי מכלוף אבן אכת עלנאן צרה סאלתה

  21. מע מולאי אלסגלת קאל מא ענדי גיר גרה פיהא נצף קלה

  22. אתפקת מעה פיהא סער דינרין אלי תמן אלגרה ואנא

  23. אן שא אללה אכדהא ואנפדהא לך מע מולאי אלסגלת

  24. תם דכר מולאי אדאם אללה עזה נערפה חאל ולדי אחיאה

  25. אללה וקד כאן וחק אבי לחקה וגע וכנת כאיף עליה כתיר

  26. פחב אללה וגד ראחה והו אלסעה פי עאפיה נחמד אללה

  27. לדלך ואחב מן מולאי אן לא יכליה מן אלדעא ואללה לא

  28. יכיב רגאי מן רחמתה דכרת יאמולאי אמר אלמלחפה

  29. וקד קאל נרדהא וסאלנאה אנא ור ישועה וזדנא קירטין

  30. וחצל עמלהא בדינ ונ<צ>ף והי תפרג אן שא אללה ותצל

  31. אליך צחבה ר ישועה

T-S 8J25.19 1v

1v

verso

  1. פלא יצן מולאי אני אגפל ען חאגתה ואעלם מולאי אן

  2. פרג לי אלזית אלחאר אלדי כנת אנפדת לי לאני חצלת\

  3. אסרג אלצבח פמא יכפני מן אלזית אלסראג מן אלליל פאחב

  4. מן מולאי אן ימלא לי מנה גרה וינפדהא אלי מתפצל

  5. ואלכתאב אלדי אנפד לך אבו סהל עטא עמלתה קדאמ[י]

  6. נשדה מע אלכתב נסיתה והו יצל אליך צחבתה אן

  7. שא אללה וקד עיית כט אכתב למולאי יסאל לי אן כאן

  8. תם עקיק אן גיד ואיש הו ואיש סערה לאן וצל אלי מן

  9. עואץ צהרי צרירה יסאלני אן נשתרי לה בהא עקיק

  10. אן גיד אחב ינעם עלי בדלך תכתץ אפצל אלסלאם

  11. וולדי וקרת עיני אבו סעד אחיאה אללה אלסלאם וואלדי

  12. יקרא עליכם אלסלאם ומולאי אלשיך אבו אלחסן יכץ

  13. מולאי באלסלאם ואלכבירה תכץ מולאי באלסלאם

  14. ורבנו יצחק החבר יצל לכם והו רגל פיה כיר ואנא

  15. אחב מראעתה ובינה ובינה מגאמלה אן קדימה וקד

  16. וצפתך לה והו עלי כל חאל קצא חקה ואגב אעלמת מולאי

  17. דלך ושלום וחיים יוסיפו לך

verso - bottom margin - address

  1. חצרה מולאי אלחבר גדול הישיבה שאכרה נתן בן נהראי נע

  2. רבנו נהראי ביר נסים זל

  3. אטאל אללה בקאה ואדאם נעמתה

תנאי היתר שימוש בתצלום
  • T-S 8J25.19: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
Cambridge University Library, Taylor-Schechter, T-S 8J25.19. Available online through the Princeton Geniza Project at https://geniza.princeton.edu/documents/5970/, accessed December 26, 2024.
https://geniza.princeton.edu/documents/5970/