מכתב: T-S 13J29.1

מכתב T-S 13J29.1

תגים

תיאור

Letter from Labrat b. Yitzhak from Qayrawan, to Yosef b. Danash, Fustat, in the handwriting of Nissim b. Yitzhak b. Alsahl. Both the sender and the addressee are probably from Fez, and have business with the Maghreb and Egypt. Labrat might be Nissim’s brother. The writer asks the addressee to send money that he owes another merchant, Avraham b. Barukh, which is waiting for the money before he can return to Spain. (Information from Gil, Kingdom, Vol. 2, #228) VMR. Mentions a ship "al-markab al-mubārak", probably referring to a state owned ship or owned privately by the ruler.

T-S 13J29.1 1r

1r

תיעתוק

משה גיל, במלכות ישמעאל בתקופת הגאונים‎ (in Hebrew) (Tel Aviv: Tel Aviv University, 1997), vol. 2.

Recto

  1. אטאל אללה בקא אכי וסידי וריסי וגלילי ומן סלמה אללה
  2. ואבקאה וזאד מן פצלה ואחסאנה ומואהבה אלגמילה
  3. לדיה וענדה כתאבי אליך יאכי וסידי יום ער'ב ס'כו'ת
  4. ען סלאמה ועאפיה ולאללה אלחמד עלי דלך וען ואללה יאכי
  5. וסידי שוק עצים לראיית טלעתך אלמבארכה פאסל אללה
  6. יקרב אלאגתמאע בך עלי אפצ'ל אלאחואל ואתם אלאמאל
  7. ובאללה יאכי וסידי לו כתבת מא עסא אן אכתב מא אסתטעת
  8. אן אכתב בבעץ' אלשוק אליך וכאנת נפסי מתטלעה אלי
  9. ראיית כתאבך לאקטע בה בעץ' שוקי אליך פלם ארי לך
  10.  כתאב ואנא ארגו אן כתבכם מנא באלקרב אן שא אללה
  11.  וכנא וצלנא אלי אלמהדיה סאלמין מעאפין ודלך בפצ'ל אללה
  12.  עלינא פאצבנא אלשיך סידי סלמה אללה ואגד עליך
  13.  למא אקררו ענדהם פי כתבהם אלקום אלסו פלמא ערפנאה
  14.  באלאמר כמא גרי אנחל מא כאן פי קלבה וסב אלנאקל
  15.  ענך במא לם יכון פאלען אללה כל אנסאן סו ואנתקם מנה
  16.  ומא אסתטיע ואללה יאכי אן אכתב אליך בחאלך ענדה
  17.  פאנך ענדה אפצ'ל מן אבי סהל ולדה ולעל בעץ' אכואנך
  18.  יכתבו אליך במא כאן מן כלאמנא ללשיך סלמה אללה
  19.  ומא עדנא לה ענך ומן חוטתך למאלה וקד אתפק לה תוגיה
  20.  אלמרכב אלמבארך ולה פיה רחל עצ'ים פכנת חרסת עלי
  21.  אלסיר פיה עלי רחל סידי אלשיך לאקל ואגבה עלינא פחלף 
  22.  סידי אלשיך סלמה אללה אלא כאן שי מן הדא פראי
  23.  בחסן ראיה אן וגה פיה אכי אבי סהל סלמה אללה ובאללה
  24.  וחיאתך יאכי לולא עלמנא בך אן תכון לך מתאל אבי אל
  25.  פרג מא תרכנאה ימצי אלי אנה אקבאלנא בה עלי אללה

Recto, right margin

  1. ועליך לעלמנא בחסן אכלאקן אלכרימה וגמיל מודתך לאכואנך לא עדמך אללה אלפצל עליהם 

תרגום

T-S 13J29.1 1v

1v

Verso, upside down

  1. יאכי וסידי אנת תעלם מודת סידי אבי אסחק
  2. אברהם בן ברוך פיך חרסה אללה עלינא וקד סאלני
  3. פי מכאתבתך מגרי מאלה ענדך סלמך אללה ואנת
  4. תעלם יאכי וסידי אנה מסאפר אול אלזמאן
  5. אלי אלאנדלס וליס יעקלה באלקירואן אלי מא בקי
  6. לה ענדך פאחב מנך יאכי וסידי אן תעמל מעה
  7. בחסן אכלאקך אלכראם ותוגיה מאלה ענדך
  8. בר או בחר ולא יכון בד מן דלך ומא אחתאג
  9. אן אוכד עליך אכתר מן דלך ולא תכליני
  10.  מן כתאבך בחאלך וסלאמתך ועארץ חאגתך
  11.  לאנני פיהא סארך אן שא אללה ואקתרי מן
  12.  סלאמי אגדבה ועלי אכיך אבי אלכייר סידי [          ]
  13.  אפצל אלסלאם וסידי אבו יעקב בן יחיה אלסלאם
  14.  וסלאם עליך ורחמה אללה ועקב שלום

Verso

  1. לאבי יעקב סידי וריסי אטאל אללה בקאה עזיזי                מן לבראט בן יצחק נ'נ'
  2. יוסף בן דנש נ'נ' אללה וליה ונאטרה                                    אכיה ומחכה
תנאי היתר שימוש בתצלום
  • T-S 13J29.1: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.