מכתב: Bodl. MS heb. d 66/41

Recto

1. כתאבי יאסידי וריסי אטאל אללה בקאך ואדאם סלאמתך וסעאדתך וצרף אלאסוא ענך ברחמתה
2. מן מצר לד' כלון מן שבט ערפך אללה ואיאנא ברכתה וסעאדה מא יליה ואלחאל סלאמה ונעמה
3. ואלחמד ללה רב אלעאלמין בעד וצול כתבך ווקפת מנהא עלי סלאמתך אדאמהא אללה לך
4. אעלמך אן וצלת כתב מולאי כאלך ביד אנסן אטראבלסי וצל פי קאפלה ברקה ואנפרתהא לך
5. אמס ביד חיים בן ישראל אלעגילי ארגו וצולהא אליך ווקופך עליהא דכרת תוגיה אלאעדאל
6. ואנא אקבץ' אלגמיע חסב מא רסמת אן שא אללה דכרת חאל אלנשאצ'ר וקד וחק אבי מצ'ית אליה באל
7. דנאניר מכתומה ורדהא עלי ואעתד'ר באן אנקטע כ'בז אלפגאלין [ל]דיהם ומא קדרת עלי
8. שי אעלמתך דאלך דכרת מא תפצ'לת בה אנך תקף פי שד אלאעדאל ויאמולאי אנת תערף
9. אן אקאמתי הנא אכתרהא לשג'לכם ולו כרגנא כלנא אנקטעת אשגאלנא ען מצר לא מן
10. יקבץ' עדל ולא מן יתקאצ'א ולא מן יביע פאדא אכפיתמוני אלמונה נגז שגלנא גמיע
11. אן שא אללה ואנמא יראדו אלאצחאב להד'א תשד מני ונשד מנך פננתגז וקד רד סידי
12. אבו אלכיר בן תמאם שקה כ'אם ד'י'נ' ו>' ות'מן וועד באנה יחאסבני וירד עלי אלבאקי ארגו יפעל
13. ומא דכרתה מן ביע אלמתאע מא לה פי הד'א אלוקת וגה ותמן אלשמע לאלאן מא קבצ'תה לאנה
14. יריד פראג יומין ג' לעלי אד/א תפרג'ת מן אלסאחל אן שא אללה אלאזמה פיה אלמרגאן לאלאן מא
15. אביע ומא הו שי ידפע לי אנא מנה חבה ולא לך קאל הו אנא אשתרי בה אעלמתך דלך ולם
16. יביע מן אלשש לאלאן שי ולא הד'א וקתה ואנמא חבסה עלי אנה יביעה פי פורים לעל

Right Margin

1. תתחאיא [בה]
2. אלאסואק שי ואנא
3. אשיר עליך יאמולאי
4. אן תנגז פי אשג'אלך
5. ולא תנצ'ר לתואני
6. סידי אבי אסחק
7. ברהון באלבחר
8. ענדה ללכעב
9. דכרת חאל אלזפת
10. מצ'ית לכלפון נטלבו
11. בתלתיין מא באע
12. באלאסכנדריה
13. מן קבל אן יערף
14. אני

Top Margin

1. אטאלבה בביע
2. אלאסכנדריה
3. קאל לי וחק לו
4. סאלתני פי
5. חבה לאני מא
6. בעת אלא סהמי
7. יעני ביע מצר
8. והו יסוי אליום
9. ב' י'ד' פלמא
10. ערף אני בביע
11. אלאסכנדריה
12. אטאלבה קאל חתי
13. יפאצלני פי אל
14. אוזאן ונדפע
15. אעלמתך דלך
16. וקד

1. כתאבי יאסידי וריסי אטאל אללה בקאך ואדאם סלאמתך וסעאדתך וצרף אלאסוא ענך ברחמתה .. .
2. מן מצר לד כלון מן שבט ערפך אללה ואיאנה ברכתה וסאעדה מא יליה ואלחאל סלאמה ונעמה
3. ואלחמד אללה רב אלעאלמין בעד וצול כתבך ווקפת מנהא עלי סלאמתך אדאםהא אללה לך .
4. אעלמך אן וצלת כתב מולאי כאלך ביד אנסן אטראבלסי וצל פי קאפלה ברקה ואנפדתהא לך .
5. אמס ביד חיים בן ישראל אלעגילי ארגו וצולהא אליך ווקופך עליהא דכרת תוגיה אלאעדאל . . .
6. ואנא אקבץ אלגמיע חסב מא רסמה אן שא אללה דכרת חאל אלנשאצ[ר] וקד וחק . אבי מצית אליה באל . . .
7. דנאניר מכתומה ורדהא עלי ואעתדר באן אנקטע כבז אלפ[ ל]מן ידיהם ומא קדרת עלי . . .
8. שי אעלמתך דלך דכרת מא תפצלת בה אנך תקף פי שד אלאעדאל ויאמולאי אנת תערף . . .
9. אן אקאמתי הנא אכתרהא לשגלכם ולו כרגנא כלנא אנקטעת אשגאלנא ען מצר לא מן . . .
10. יקבץ עדל ולא מן יתקאצא ולא מן יביע פאדא אכפיתמוני אלמונה נגז . שגלנא גמיעא
11. אן שא אללה ואנמא יראדו אלאצחאב להדא תשד מני ואשד מנך פננתגז וקד רד סידי . .
12. אבו אלכיר בן תמאס שקה כאם ד` ונצף ותמן וועד באנה יחאסבני וירד עלי אלבאקי ארגו יפעל .
13. ומא דכרתה מן ביע אלמתאע מא לה פי הדא אלוקת וגה ותמן אלשמע ללאן מא . קבצתה לאנה . . . .
14. יריד פראג יומין ג לעלי אדא תפרגת מן אלסאחל אן שא אללה אלאזמה פיה אלמרגאן ללאן מא
15. אביע ומא הו שי ידפע לי אנא מנה חבה ולא לך קאל הו אנא אשתרי בה . אעלמתן דלך ולם .
16. יביע מן אלשם ללאן(?) שי ולא הדא וקתה ואנמא חבסה עלי אנה יביעה פי פורים לעל[... [

Margin:

1. תתחאיא[ ]
2. אלאםואק שי ואנא
3. אשיר עליך יאמולאי .
4. אן תנגז פי אשגאלך .
5. ולא תנצר לתואני
6. סידי אבי אסחק
7. ברהון באלבחר
8. ענדה ללכעב .
9. דכרת חאל אלזפת .
10. מצית לכלפון נטאלבו
11. בתלתיין מא באע
12. באלאסכנדריה
13. מן קבל אן יערף
14. אני
15. אטאלבה בביע
16. אלקסנדריה
17. קאל לי וחק אבי לו
18. [ס]אלתני פי
19. חבה לאני מא
20. בעת עלא סהמי
21. יעני ביע מצר
22. והו יסוי אליום ...
23. בוד פלמא
24. ערף אני בביע
25. אלאסכנדריה
26. אטאלבה מן אלחתי(?) .
27. יפאצלני פי אל
28. אוזאן ונדפע .
29. אעלמתך דלך
30. וקד |p2

Verso

1. כנת אנפדת לתניס מקטע לי ולו ערפתני אנפדת אלמקטעין מתאעך מעהם ואנא אנפדהם
2. אן שא אללה ותעמל עלי אלאנגאז ותגי תתכ'לץ מן הנא ותרא איש תעמל פי אלמרגאן ואלשש וקד
3. יאסידי טולת קעודך ת'ם אליום ג' שהור ושי לו כאן לך שרא בוציר כלהא ולא תתואנא לאכר אל
4. וקת מת'ל עאם אול אנת עאם אול מא כאן לך שג'ל במצר ואלסעה אנת מלבט מן כל וגה ואקל
5. מן הד'א למתלך כפאיה קראת עליך אתם אלסלם וסידי אבי עמראן מוסי אלסלם וגמיע אצחאבנא אלסלם
6. ויוסף וואלדתה יקריוך אלסלם

Address

1. לסידי וריסי אבי אברהים עיאש בן צדקה נ'ע'                      מן נהראי בן נסים נ'ע'
2. אטאל אללה בקאה ואדאם סלאמתה וסעאדתה                     בוציר אן שא אללה

Verso:

1. כנת אנפדה לתניס מקטע לי ולו ערפתני אנפדת אלמקטעין מתאעך מעהם ואנא אנפדהם .
2. אן שא אללה ותעמל עלי אלאנגאז ותגי תתכלץ מן הנא ותרא איש תעמל פי אלמרגאן [ואלשש] וקד . . .
3. (י)אסידי טולת מן קעודך תם אליום ג שהור ושי לו כאן לך שרא בוציר כלהא . ולא תתואנא לאכ[ר] אל . .
4. וקת מתל עאם אול אנת עאם אול מא כאן לך שגל במצר ואלסעה אנת מלבט[ ]מן כל וגה ואקל . .
5. מן הדא למתלך כפאיה קראת עליך אתם אלסלם וסידי אבי עמראן מוסי אלסלם וגמיע אצחאבנא אל[סלם
6. יוסף וואלדהו יקריוך(?) אל[ס]ל[ם]

Address:

1. לסידי וריסי אבי אברחים עייש בן צדקה נע מן נהראי בן ניסים נע
2. אטאל אללה בקאך ואדאם סלאמתה וסעאדתה בוציר אן שא אללה