מכתב: CUL Or.1080 J14
מכתב CUL Or.1080 J14What's in the PGP
- תמונה
- 1 Transcription
תיאור
Letter from one of the Sughmār family to Nahray b. Nissim. Around 1080. The main part of the letter is a recommendation for a person named Isḥāq, the student of Isḥāq al-Ifranji. The writer also mentions business matters: dinars exchange and a request to pay the rent for two houses that he rented to Nahray in Alexandria. (Information from Gil, Kingdom, Vol. 4, #626) VMR
תגים
Editor: גיל, משה
CUL Or.1080 J14 1r
recto
-
קד צדרת כתבי לחצרה רב הרב גדול הישיבה אטאל אללה בקאהא ואדאם עלוהא
-
ותאיידהא וכבת עדוהא ביד אבי כתיר בן עמראן וגירה ארגו וצולהא אליה ווקופהא עליהא
-
3 ערפתהא וצול בקיה תמן אל[ ] //דנאניר// והי דנאניר אן אוחאש מא תמשי הונא אלא בוכש
-
אללה יופק תם סאלתהא אדאם אללה עלאהא אן תנפד אלי בקיה אגרה אלדארין
-
לאני מחתאג אליהא וקד כתבת חסאבהא משרוח והו אדאם אללה עזה [אן] יקף //עליה// [עלי]
-
ויעמל בחסבה תם ערפתה אן בקי ענד מולאי אל[סל] סגלאת בקיה תמן אלפלפל
-
דינארין וסאלת אנעאמהא אן תתפצל ותאמר מן יכיש אלבהאר ויזן ענה
-
אלואגב ואלמונה ויחדרה מע אול מן ינחדר מן אצחאבנא ולא יתרכה ולא
-
יהמלה ארגו אנהא תפצלת בדאך ואנא אעלם מן חצרה רב הרב ירום הדו
-
אנהא מחבה פי תלמידי חכאמים ואנהא מכרמה להם ונאצרא להם ומוצל כתאבי
-
הדא רבי יצחאק והו עלי מא אבלגני מן אכבר תלמידי חכאמים והו תלמיד
-
רב יצחק אלאפרנגי זצל ומע דלך אנה עניו ושפל רוח והו ממלא מכל מדות
-
השבאח וקד פאתשתה ווג/ד/תה מחבא לרב הרב גדול הישיבה כבת אללה
-
אעדאה וואצף אן למחאסנהא ממא אשתהר פי אבעד אלאמאכן ואנה מא
-
כאן לה חדית מע רב יצחק רבי ואנה מא כאן יקטע זמאנה מעה אלא
-
בוצף מחאסן רב ירום הדו וכאן וצולה להונא עלי אנה פי מטאלבה אלי ענדה
-
[ ]נהם ו[ ]אר לי פיבינהם עגאיב והו אלדי הו אנהרה לא ירגע ולא ינתני
-
[ ]ה אלקול אן תכתוש את האו[ ]יל ולו כאן פיה כיר למא כאלפני כמא
-
ילזמה למתלי ואנא קד חלפת לא אתכלמת בינהם בכלמה ואנא אסאל
-
חצרה רב הרב ענד וצול הדה אלאנסאן תקרבה מן חצרתה ותבניה ותכרמה
-
כמא אנ/א/ ערף מן תפצלהא עלי תלמידי חכאמים ומן יגרי מגרי הדה אלאנסאן
-
ותשד מנה פי גמיע אלאמור ותצפה לחצרה שידנא שר אשרים ותטכל(!) ביה
-
אלי חצרתה ותסאלה אכראמה וארנאה ותשיל קלבה וחצרתה תעלם קלב אלגריב
-
כיף הו לאנה מנכסר [ואת] וחצרתה תעלם מא קאל אלכתאב ואהבתים את הגר
-
ולא סימה הדה אלאנסאן אנה מן גדולי הדר ונחב אן יצל אלינא שאכר מצאף
-
לשכרה ויפעל מעה מא ילזמה פי תלמידי חכאמים ולחצרה רב אלראי אלעאלי
-
פי דלך אן שא אללה ושלום רב הרב גדול הישיבה יגדאל לעד אמן סלה
-
ומולאי אבו סעד רב נסים ומולאי אלסגלאת אלסלאם ושלם
CUL Or.1080 J14 1v
verso - bottom margin - address
-
חצרה רב הרב גדול הישיבה מרינו שאכר אנעאמהא בן סגמאר
-
ורבינו נהראי יגדאל כבודו בן רב נסים זכר סדיק(!) לברכה
