מכתב: CUL Or.1080 J13

מכתב CUL Or.1080 J13

תגים

תיאור

Letter from Yosef b. Farah from Alexandria to Nahray b. Nissim, Fustat. Around 1045. The writer wrote the letter in the Hebrew month of Iyar, before the sailing season is about to start and the merchants starting to negotiate the prices for shipments. Yosef wants to travel to Tripoli, Libya, but he needs to travel to Palermo before that. The writer adds a recommendation for Avon b. Ṣedaqa, from his town, Gabès (Qābis). (Information from Gil, Kingdom, Vol. 3, #509) VMR

CUL Or.1080 J13 1r

1r

תיעתוק

משה גיל, במלכות ישמעאל בתקופת הגאונים‎ (in Hebrew) (Tel Aviv: Tel Aviv University, 1997), vol. 3.

recto

  1. סידי ומולאי אטאל אללה בקאך ואדאם נעמאך מן אלסכנריה לי בקין מן אייר כתמה אללה עליך

  2. ימולאי באחסן כאתמה וערפך ברכת מא יליה ען חאל סלמה פי אלגסם ומא יעלמה אללה תעאלא

  3. מן שגל אסר אסל אללה חסן אלעקבה לנא ולך ולכל ישראל וצל כתאבך מע סרור אלפיג ווקפת

  4. מנה עלא מא דלני מן חסן סלאמתך ועאפיתך אדמהא אללה לך ברחמתה ואלדי תריד עלמה אני

  5. אסתכרת אללה ואוצקת לך אלברקלו אלך פי קארב עבדאללה אלבוני לטרבלס ואוצקת פיה

  6. ברקלו ודע וכנת קד סאלת אשיך אבי יצחק אברהם אן יסאלה לי פי חמל ה אעדאל כתאן ורכבמ

  7. מעה פאתינא פי דלך פאכרגת אלה אעדאל אלמדכרה פי קנבר אלמיר וכילה מרדוך ולם

  8. אקר אכרהא מנה אסל אללה אלכירה וכאן בניתי טול הדי אלמדה אסיר לטרבלס פלם ישא

  9. אללה אסל אללה אלכירה וקד קטעו אלכרי ה ותלת פבעד אן קטעו בה ותלת

  10. אכרא אדמשקי ד ותלת ואכרא קארב מפרג ג ותלת ואלי יומי הרא מא אוצק אחד

  11. עדל גיר קארב אלבוני לטרבלס וקארב אלוזיר אלדי אוכדת אעדאל אנס פיה בשרא

  12. בעשרה ותלת ומא רצי אלאמיר אן יכרי פי מרכבה ה ותלת וחאל אנס ואקף פאדי

  13. סהל אללה ואקלענא ומן בסלמה אנא אמצי מן סקליה לטרבלס וקד כתבת כתאב לבארוך

  14. אן יבע אלברקלו ואן כאן ענדהם בטרבלס מן יספר ינפץ תמנה לך ואנא ימולאי לא בר לי

  15. אן אסיר לטרבלס למא לי פי אבן חכם אללה יכתב אסלמה ויסהל חסב עוידה אלגמילה ואידה

  16. אלגזילה אנה ולי דלך ואלקארר עליה פלא תשגל סרך בשין אתולה לך פאני אבלג לך פיה פוק אל

  17. מרד אן שא אללה וקד כנת קלת לי בסכנדיה שין וקו דורת נפסי פיה פלם תסעדני עלא שין מנה

  18. פאן אכתרת אן יכון דרה בדרה וכדמה בכדמה אפעל ואן לם תכתר אנא אכדמך פי הדא אלברקלו

  19. ואביע ואשתרי ואנפץ לך ואן אכתרת אן נסלפך עלא שיך ממא לי בסקליה ואמא יכץ לך אנת ק

  20. דינ ונציף אנא [על]יהא קק ויכאן לך נצף אלטצל מא ה[      ] אקר עליה ולא אפעלה לא

recto - right margin

  1. מעך ולא מע גירך אעלמתך דלך וקד כנת כתבת לך במא וצל אלי בה

  2. כתאב יעקב בן עמנואל אנך דפעת אליה פי אלעדלין אלדי לי ואגב

  3. דאר מנך פקאל יעקב אלמדכר אני אנא וזנת בידי עלא אלחמלין

  4. חמל ליוסף בן פרח נע וחמל כאצה יעקב ודאר אלכתאן ור[ש]יד

recto - top margin

  1. ואלמכתרה

  2. וזנתה אנת

  3. וחסבתה כה

  4. פתאמל חסבה

  5. ותכתב אליה

  6. בצחת דלך

  7. וכדלך חלף

  8. אנה לא יכד

  9. אלקרפה ואל

  10. פלפל ותמר

  11. הנדי או יזן

  12. תמנהם פתכתב

  13. מבלג תמנה

  14. ותערפה למן

  15. ידפע תמן

  16. אלגמיע

  17. וקד קאל לך

  18. יוסף בן עלי

  19. אלכהן אן

  20. ערץ עליך

  21. תמן הדי אל

  22. חויג פאבית

  23. אן תכדה

  24. מנה מן

  25. חסאב כאן

  26. בינהם פלא

  27. יכאן בד מן

  28. אן תכתב

  29. כם תמנה לה

  30. ולמן ידפעה

תרגום

CUL Or.1080 J13 1v

1v

verso

  1. וקד כאן תקדם סואלי לך פי מא יתעלק בסידי רבי אבון בן צדקה צע וקד וצל שכר דכר אללה תעלא לא

  2. יעדמך הדא אלאסם אטיב וקר ענרפני אנה פעל מא כנת אשרת בה עליה מן כון אלתיאב ענדך

  3. וגמני אלדי לם תנגו לה מנהא בעצהא לכן לעל קצמוה פי אכתר אן שא אללה פאן כאן לה טאלב

  4. וראית לביע בעץ שי מנה קבל וצולה אפעל ומא יאכדה הנא אלי אקלע אלמרכב ואנא אסלך אן

  5. תמן עלי ותעמלה במא אנת לה אהל לאנה יעז עלי והו ואללה אלעצים מן בית אן טהר וכאן לה

  6. אב מא כאן בקבס לה פי מענה נציר ואלפעל מע מתל הדא ליס הו כאלפעל מע גירה פנחב

  7. אן תשד עלא אידה ותקם לה מקאמי ואכתר לאן צעפת נפסה פקלת לה אן סידי רבי נהראי יקם לך

  8. מקאמי ואכתר פנחב אן תכון לה ולי מוצע אלקצר ואלרגא אללה תעלא יטול עמרך ויתם אמלך ויסמעני

  9. ענך מא נצר ביה מן אלכיר ואלי י<ו>מי הדא אלכהן אדכי ברשיד וחגאג ברשיד ויעקב בן עמנואל תרך

  10. אלעדל ברשיד וגא לסכנדיה לאנהם אסתולו אלכרי ומא ראדו אן יכרו עדל בתלת דינ ואללה אל

  11. מסתען פי גמיע אלאמור ואסתודעתך אללה והו כיר מסתדוע אללה אלכליפה עליך ואנא אסלך ואסל כל

  12. מן יערפני אן ידעו לי בסלמה ואן לא יוקפני אללה עלא מכרה ויעשה למען שמו וסלם עליך ואמלי ימולאי

  13. ואנא אסלך אן לא תקטע עני כתבך פי כל אלאוקת ואן כאן לך חגה באללה עליך לא תסתחי מני פאנך אדי לם תכלפני תאגה וגעתני

  14. נפסי ונסאלך אן תרעי מא וצל לי ואן וצל אבן אלחזן תרעיה ותקצי חויגה ואן כאן לי מעה שי תנצרה פי ביעה ופי אלשרי בה

verso - right margin

  1. אן ועוד באללה כצרת אלמרכב

  2. נזלת פי אלבר ומצית לטרבלס

  3. ולא אקים לצליב אצל אלי אן לא

  4. נגד צחבה ושלום

verso - bottom margin - address

  1. לסידי ומולאי אבי יחיי נהראי בן נסים נע אטאל אללה     שכרה יוסף בן פרח נע

  2. קאבסי לי בקין מן אייר

  3. בקאה ואדאם סלאמתה וסעאדתה ונעמאה עזיזא   ולם יוצק אחד עדל

תנאי היתר שימוש בתצלום
  • CUL Or.1080 J13: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.