מכתב: Bodl. MS heb. d 65/9
מכתב Bodl. MS heb. d 65/9What's in the PGP
- תמונה
- 1 Transcription
תיאור
Fragment of a letter from the brothers Yosef and Nissim b. Berekhya from Qayrawan (Ifrīqiya) to Yosef b. Ya’aqov b. Awkal, Fustat. Around 1017. Yosef, the older brother, writes the letter. Mentions details about the Nagid, Avraham b. Ata, and his activities for the Yeshivas. The money that was collected in Fustat and Qayrawan from Yemen, Spain, and the Maghreb, is sent to Ibn ʿAwkal in Fustat. A small portion of the money is designated to the Ereṣ Yisraʾel yeshiva but most of the money is designated to the Babylonian Yeshivas. Also mentions a military travel by the governor of Qayrawān, and the Nagid Avraham b. Ata accompanied the governor (probably while he was a doctor). (Information from Gil, Kingdom, Vol. 2, #148) VMR
תמונה
תיעתוק
תרגום
Editor: גיל, משה
Bodl. MS heb. d 65/9 9 recto
°
משה גיל, במלכות ישמעאל בתקופת הגאונים (in Hebrew) (Tel Aviv University, 1997), vol. 2.
Recto
- אטאל אללה יאשיכנא וכבירנא ואתירנא פי אלעז ואלנעמה בקאך ופי אלסרור ואלכיר איאמך ומן אלתופיק לא
- אכלאך וכאן לך פי דניאך ואכראך כתאבי לי'ג' בקין מן כסליו והו יום משי אלמוסם סלמה אללה ואנפדת אליך פיה
- אידך אללה כתאב משרח גיר הדא דפעתה לאכינא אבו עמראן בן אלמגאני סלמה אללה געלה פי צ'בארתה ומעה כתאב אלי
- אכינא אבו אברהים אבן אלסהל תאמר בוצולה אליה מתפצלא ואעלמתך ושרחת לך הדו מוצ'ענא בעד אלאטראב אל
- גארי ואמננא בעד כוף ודלך באללה עז וגל ורגוע אלסלטאן מן אלמגרב סאלמא גאנמא ורגוע אלשיך סידי אבו אסחק אלנ'ג'י'ד'
- מעה ואן פי חין וצולהם מן אלמגרב כאן וצלת קאפלה מִ[ ] ופיהא רזמה משדודה פיהא צ'באיר
- סאדתנא אלמתאיב ווקפנא עלי כתב סידנא [ ] 'ות'ש'ו'ב'ו'ת' והי אכר דרג דכר אן אולה כאן
- תקדם וחצל עלי קלבי מן דלך שדיד ארגו א[ ] קלב כלנא [ ] נפסי מתעלקה אלי וצולה או כברה מן ענדך
- וכדלך תעלק נפסי לאמר אל'ע'ש'ר'ה' דנניר אלדי מן אלת[באלה ו]לם תצל [מן אלת]בָאלָה וכאנת מע עשרה ללאשירין פוצלת
- אלתָבאלָה בעשרה אשיר ובקית ידה וכאנת [ ] צרה ואחדה ארג'ו אנכשף לך אלסבב פי דלך אלסהו מן אין הו
- ואנת יאסידי תעמל פי דלך מא תפרג' בה קלבך פ[ ] שרחת לך מא ורדת בה כתב סיידנא האיי ללגמאעה ולנא מן
- אגלאל אלשיך אבו אסחק אעזה אללה נ'ג'י'ד' הגולה ואנה [ ] אלנאס אלי מגלסה אלמעמור ואנתדב להם וגמע ועטאו אלנאס
- וכאן דלך פי הדא אלשהו ולם נלחקו גמיע [אלמאל] והי תגמע ונכתבו כתב לסאדתנא אלמתאיב וננפדהא מע הדא אלמאל
- אלי חצ'רתך פי אלמוסם אלאכיר אן שאללה וכנת אעלמתך פי כתאבי אלמתקדם מא גרא ל'נ'ג'י'ד' ה'ג'ו'ל'ה' אעזה אללה
- מע אסמעיל בן ברהון פי אלמאל אלמתקדם אלדי אעטאה מד סנתין ליכון פי א'ח'ר'י'ו'ת'ה' ויוצלה אלי אכיה אבו אלכיר
- אלי מצר ליסלמה אליך ותעמל אנת אידך אללה עלי תנפידה פכאן טול הדה אלמדה ענדה חתא חדת כרוג אלנ'ג'י'ד'
- ללמגרב פאמרה אן יכתב לאכיה בתסלימה אליך לתנפדה לסאדאתנא וסאפר אלנ'ג'י'ד' פטלבנא מנה כתאב פמנענא וכאן
- ענדה אן אלנ'ג'י'ד' יטול מקאמה פי אלמגרב פלם יקים סוא שהרין ורגע סאלמא גאנמא פלמא כאן אלאן טלבנא אלכתאב
- מנה לאכיה באלתוציל אליך פחלף אנה כתב ולאכנה קאל אני חלפת לא ארסל עלי ידין אבו אלפרג בן עוכל צאנה אללה
- אבדא ארסאל ואנמא אכתב לאכי אן הדא אלמאל הו [[לאבו אלכיר]] ללשיך' אבו אסחק נ'ג'י'ד' ה'ג'ו'ל'ה' פמא נפד אליך
- בה כתאבה תעמלה ונברא פקלנא לה אכתב בדלך והי ספקאת מפתרקה כאן דפעהא אליה עין וורק יבלג גמיעהא
- מאיתין דינ' עינן דינ' מנהא י' דנניר ללשאמין ומנהא אלבאקי ללעראקין עלי מא יצל אליך בה כתאבה פי אל
- מוסם בעד הדא פאן גרידו גמע מא גמענא אלאן ויצל אליך ונעלמו כמיה אלגמיע ונכתבו לך בכל שכץ ומא יצל אליה
- וקד אעלמתך פי כתאבי אלמשרח אלדי קבל הדא פי הדה אלופקה אן כתב אלנ'ג'י'ד' תצל אלי אבו אלכיר באלתסלים
- אליך ווכאלה קאטעה מנה אן לא ינפד שי [אלא] עלי ידיך פאסרע אלאן וכתב כתאב בכטה לאכינא אבו אלכיר וק[אה] אללה
- יערפה פיה מא אנפדה אליה עלי יד אכיה מתקדמה מן מדה טוילה ויערפה כיף דפעה עין וורק ויערפה אלצרף
- ויאמרה באן תכון אלגמלה יגמלהא עין ויסלמהא אליך לתכון ענדך חתא יצל אליך אלמאל אלמגמוע אלסנה וכיף
- יגרי תפצילה וכם יודפע לכל אנסאן מן סאדתנא אלמתאיב ואכד עליה אן לא יתעדא אלדפע אליך והו אן שא אללה
- ממן לא יכאלף לאני אעלם מנה אלחרץ עלי חקך וליס עקלה כעקל אכיה בל הו אפצ'ל כתירא וקד אנפדת אליך
- אלכתאב בכטה [ ]א לתתסלם בה מא פיה אד' לא ימאנע אן שא אללה ובעד הדא פי אלשהר אלדאכל
- ינפר אכר אל[ פי] מענאה וננפדו אלכתב ואלוכאלה לתכן בידך תקויה לאלא יכון ינפד לגיר
- אכיה לאנ[ה ] לה תקבץ' בהא חיתמא וצל ונחן נכתב לסאדתנא בדלך וננפד אלכתב
- אליך אן ש[א אללה ] ואנת תעלם יאכי אן ביננא ובין אלקום מצאהרה וצדאקה והדא
- [ מע]אונתה וקר וצל איצ'א צהרנא אכוהם אבו אלפצ'ל מן אלאנדלס
- [ אלתלת ללמק]אדסה אלתלתין ללעראקין ונחן נכתב אליך בתפצילהא מע
- [ ] לאנה עמל פיהא אעמאל דין ובאע רוחה עליהא חתא וצלת
- ואללה יתיבה
Recto, right margin
- ואמ[א ] אבו זכרי פקד אעלמתך באנה באלמהדיה מקים תחת עלה פרג אללה ענה ואן אלדי תח[
- [ ] אלגמיע נחו לק'ק' דינ' קד כאן קאל קדימא אנה א[נפ]דהא אליך תם קאל אלאן אנה כאן וגה ב[הא
- [ ] ליס מא מעה נתמכן פאלכל [ ] נפסה אלתכלץ מן אלע'ו'נ'ש' וינפדה [
- [ ] תכתץ מן סל[אמי ] ו'ע'ק'ב' ש'ל'ו'ם'
Recto, upper margin
- וקד אנפד אכינא אבו יעקב וְהִבָאן י' דנניר לסידנא האיי וכתבת לה כתאב מעהא ואנפדנא [ ] אבו עמראן סלמה אללה
Bodl. MS heb. d 65/9 9 verso
°
Verso, right side
- לשיכנא וכבירנא ואתירנא אבו אלפרג וקאה אללה וצאנה
- יוסף בן יעקב בן עוכל נ'נ' אללה ולייה וראעיה
Verso, left side
- מן יוסף ונסים בני ברכיה נ'נ' כאצה [
- يصل لمصر للشيخ ابو الفرج באלפצ[טאט
- אן ש[א אללה]
תנאי היתר שימוש בתצלום
-
Bodl. MS heb. d 65/9:
Images © Bodleian Libraries, University of Oxford. CC-BY-NC 4.0. For more information, please see Terms of Use.
