מכתב: AIU VII.E.15

מכתב AIU VII.E.15

תגים

תיאור

Letter from [...] b. Labrat, to Ezra (?) b. Isḥāq, al-Mahdiyya. Around 1040. The writer and the addressee are dealing with importing flax and exporting oil. (Information from Gil, Kingdom, Vol. 4, #791) VMR

תיעתוק

משה גיל, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 4.

Recto

  1. בש כתאבי יאשיכי וסידי אטאל אללה בקאך ואדאם עזך מן מצר יום אלגמעה

  2. לכמס כלון מן כסליו ען סלאמה וקד [ ] אלפרג תקדם

  3. כתאבי אליך [מע] אלמוסם אלדי ארגו וצולה אליך אן [שא אללה] ו[וצל]נא כתאב [

  4. [ ] אלדי כאן [ ] אלדי כאן

  5. לי מע אבן אלמחארה ואכתר [מ]א עליה כבר אלחמל ואלעדל לאבו יוסף יעקוב אבן

  6. יכבר ואנת אידך אללה תעלם אן עין אלתאגר מתטאלעה אלא רגוע רחלה ס[אלם]

  7. ונאקץ וליס גמי ברחלי כגמי ברחל גירי לאן לחקני מן צאחבה לואזם עצים

  8. וקד תקדם כתאבי אליך אידך אללה אן תדפע אלרחל אלדי לאבי יוסף יעקוב בן יכבר

  9. ותדפע [ ] פי גמלה מאלי [ ] ואן ועוד באללה ולם

  10. יתפק תוגיהה פי אלבר פתתפצל ותעמל עלי שרי זית וסמעת אן //כאן// סערה צאלח ואן כאנת

  11. אלשקה צאלחה פתשתרי אלגיד אגוד מא יצאב פי אלבלד ואנת תעלם יאסידי לו קדרת

  12. אן נגעל לצאחב הדא אלרחל בדל דרהם דינ לכנת פארח בה לאנה [ ] גאהה 

  13. וגאהי ופי אקל מן הדא אלתאכיד למתלך כפאיה וקד וצלת אליה כתבך ודכרת לי 

  14. אנך תוגה אליה כתב מסאיל פלם תצל פלו וצלת לכנת נוגההא פי אסרע וקת לאן

  15. אלשיך אבו אלפרג סלמה אללה משתהי לקצא חואיגך ענד מא אדקפתה עלא כתבך 

  16. מן חסן דינך ומעאמלתך ואלדי וגהתה אלא סידנא אלרב נר קד אוצלתה אליה 

  17. ואמא אלעשרין דין אלדי דכרת פלם תצל אלא אלאן וגאבי כתאב אלצבי אבן

  18. אכתי ודכר פיה אן טלב מנך שי תזודה בה חתי יגי פי אלמראכב פלם ת[פעל] 

  19. וכנת דכרת לך באן תזודה חתי יצל אליה ואן תחאס[ב] אכתי אן לם יצל אליך 

  20. אלכתאב וקד דכר לי אנה בינידין צהרך וליס אחתאג אן בוציך עליה

  21. וקד גאבי כתאבך באן תעמל עלי ביע אלכתאן ותשתרי לי בתמבה זית

  22. אן כאן צאלח פלא תפרט פי דלך אן שאללה וכץ נפסך אלשריפה אלסלאם

  23. ופתיאבך סלמהם אללה אלסלאם וגמיע מן תשמלה ענאיתך אפעל אלסלאם

  24. ואבו יוסף יעקוב בן יכבר יקריך אפצל אלסלאם ויערפך אנה כתב

  25. אליך כתב מן סקליה ולם ירא להא גדאב וקד שק עליה גאיה מא

  26. יכון ואחב ענך אן לא תקטע עגה כתבך בכברך וחאגאתך

  27. [ ] ותקרא עלא אלאבראט אבן א[כ]תי אלסלאם ולם נקדר בכתב אליך

  28. כתאב בכטי לאני מן אתר עלה וקד תפצל אללה עליה באלעאפיה

  29. ואנא אן שא אללה נעמל עלא אלמגי פי אול אלזמאן יעקב שלום

תרגום

Verso

  1. [ ] ושיכי וסידי [אטאל] אללה בקאה מן [ ] אבן לב[רא]ט

  2. ע[זר]א [ ב]ן אסחק אללה וללה וח[אפט]ה אלמהדייה אן שא אללה