מכתב: T-S 28.19

מכתב T-S 28.19

תגים

תיאור

Letter from Jalila b. Avraham b. Khalfa b. al-Rashidi, whose inheritance from her late husband was unjustly taken by the local judge and her late husband's creditors. In the letter, the widow appeals to the Nagid, Mevorakh b. Saadya asking for his help. According to the date and the name of the son of the local judge, Nissim, the local Judge was Shela b. Mevasser. (Information from Frenkel; Goitein mentions that the partners bribed a Muslim qadi to rule in their favor. The widow mentions this and adds that she also made an appeal to the same Muslim qadi. See Goitein, Med. Soc. 3:257-8).

T-S 28.19 1r

1r

תיעתוק

Miriam Frenkel, The Compassionate and Benevolent: The Leading Elite in the Jewish Community of Alexandria in the Middle Ages‎ (in Hebrew) (Jerusalem: Ben-Zvi Institute for the Study of Jewish Communities in the East, 2006).

Recto

  1. עבדתה גלילה בת אברהים
  2. ואולאדהא אליתומים מסתגירין
  3. באללה תעאלי ובחצרה סיידנא ומא
  4. אוגבה אללה תעאלי פי אלדין
  5. בשמ
  6. חצרה סיידנא אלרייס אלאגל כבוד גדולת קדושת מר ור
  7. אדוננו מבורך שר השרים עוז בית ישראל ירום הודה
  8. ויגדל כבודה אטאל אללה בקאהא ואדאם נעמאהא ומן
  9. תופיקה אלחסן לא אכלאהא עבדתה גלילה בנת אברהים
  10. בן כלפה אלמערוף אלרשידי זוגה ברוך בן ששון כאן זוגהא אלמדכור
  11. מסאפר אלי דיאר אלשרק ישתרי אלכתאן פי כל אלאוקאת וידכל בה
  12. אלי אסכנדריה יביעה פכרג פי בעץ אלספר פי שרא אלכתאן
  13. אלמערוף בה פאשתרא פדהמה אגלה ותופי בגיר וצייה רחמה
  14. אללה וכאן ופאתה שהר תשרי אלדי הי הדה אלסנה וגאנא נער . .
  15. ו . . . . . . אנסאן מסלם ויעקב בן אלעראקי ויהודה בן פצאל וקאלו
  16. נחן מקארציה וכאן מעה שריך יסמי יעקב בן ז . . . פגא ולם
  17. יקר בשי ומא נדרי איש ענדה פעמל עלינא אלרייס והאולי אלכצום
  18. אלמדכורין מנצובאת מא לא נערף איש הי ומצו בי אלי אלקאצי אנא
  19. וולדי טפיל דון אלבלוג ואסתחלפוני [אנא] ואלצבי בעד אן אבית אן
  20. אחלף וגאני אלרייס עדה דפעאת וקאל לי מרי אחלפי אן מא [[ל . . .]] //לאחד// שי
  21. ואנה לך ולאולאדך //ורתה זוגך// וחלפת כמא קאל לי פלמא חלפת עמלו כתאב
  22. חכמי ואכדו אלצבי ואכרגוה אלי אן קבץ אלמאל ואלמשתרא מן
  23. ברא מן אלציעה אלדי תופא פיהא והי תסמא אלבנדאריה וקבצו
  24. כל מא כאן וגאבוה אלי אלאסכנדריה פלמא אגיב אכדה אלרייס
  25. תחת ידה וצאח לי אלרייס וקאל לי הדא אלמסלם לה ענד זוגך מאל
  26. קימתה סתה ותלאתין דינ וקד אדעא בהא והו צאדק ענדי
  27. קלת לה יא רייס אן כאן לה שי ימצי יתבת ואנא והו נפתצל אן
  28. צח לה שי יאכדה כאן גואבה לי הו צאדק ותם אן אלרייס וולדה
  29. נסים קאלו מא יתמנא המת הדה אלמרה נחן נביע ונקסם
  30. אלמאל ונדפע לכל ואחד מא אדעא בה פאן אלשריך קאל הם
  31. מן [. . .]ן //לנא// פאכדו גמיע מא כאן קד חצל מן דהב ומן כתאן
  32. ומ[בל]ג[ה] כמסה ותמאנין דינאר פמא אערף איש ו[. . . . .
  33. בה . . אלאק . וקד אופינאהא לאצחאבהא ואנא מסתגירה באללה
  34. תבארך ותעאלי ובחצרה סיידנא אלרייס אגלהא אללה וזאדהא גלאלה פי
  35. אן ינטר פי הדה אלתרכה ומא פעל פיהא ואן כאן ללאיתאם שי יצח
  36. להם או גיר דלך והם ג בנאת ואלואחדה ממתחנה מצאבה
  37. ואבן דון אלבלוג והם צאיעין הלכא ואלדי הו ואלי הדה אלציעה מא דפע
  38. לאחד שי אלא קאל חתי יגי אלדי הו אלוארת בכתאב חכמי ומסך
  39. אלרחל תחת ידה פעמל עלי חילה לאני מרה ודפעו לולדי ה דנאניר
  40. כרא מא סאפר מעהם אלי ברא פלמא כרג ועלם אלואלי אנה
  41. ולדה אלוארת דפע להם אלרחל פלמא אכדוה דכלו בה אלי אסכנדריה
  42. וטרדו אלצבי ואכדו אלמאל לם נעלם איש עמל פיה ואלאיתאם
  43. מסתגירין באללה תעאלי ובחצרה אלרייס פי אלאסתקצא ען הדה אל
  44. וראתה וכיף אכדהא הדא אלרייס ופעל בהא מא אראד ומא לם
  45. נערפה ולם ידפע לליתומים //שי// ואיצא אלמרה תטלב אלדי פי אלכתובה
  46. אלדי להא לם ידפע להא דרהם אלא קאל אלרייס וולדה ר נסים
  47. מא לך שי ונחן נפעל מא נריד נחן נערף איש נעמל וקאלו
  48. אנתי כתבתך פיהא סתין דינ תאכדיהא איש נדפע לאלמסלם
  49. ולליהוד ואלשריך מא נעלם איש בינהם ואן כאן אכד שי או לא
  50. פקלנא ללרייס כלמה פלם ירד עלינא גואב ולא קדמה לנא
  51. חכם ולמא קאל לי אלרייס אדפעי ללמסלם אלדי אדעא בה קלת לה
  52. מא אדפע לה שי חתי יתבת לה פמצית אלי אלקאצי ואעלמתה
  53. במא אדעא אלמסלם פקאל אלקאצי מא לאחד חבה אלא אל
  54. אלאיתאם גיבו לי רייס אליהוד יערפני הדה אלקצה

תרגום

T-S 28.19 1v

1v

Verso:

  1. פגא אלרייס קאל להם נעם יא קאצי הדא אלרגל הו צאדק וקד צח לה ענדהא
  2. סתה ותלאתין דינ' והו צאדק ותקה וקד קאלת אלמרה אנא מא לזוגי
  3. שי אלא כד אנת אלמאל אדפעה להאולי ולם יכון ענדי מן הדא
  4. עלם ולא קלתה אלא אלרייס אלדי קאל ללקאצי הדא אלקול ובעד הדא
  5. כלה קאל לה אלקאצי יא רייס מא יסאל ען כלאמך ולא כלאמהא אנהא
  6. קאלת אלמאל להאולי //אלאנאס// לכן אלמאל הו ללאיתאם מן כאן לה חק יתבת
  7. ויאכד מצו אלגמיע ברטלו ותבתו ענד אלגויים אנהא מקארצה
  8. להם מע זוגהא ואן מא כאן לזוגהא דרהם ולא דינ ואכדו אלמאל
  9. וגצבו אליתומים פאן כאן הדא גאיז פללה אלחמד ואלשכר ואן
  10. כאן גיר גאיז פיפעל פיה מא יגב אלדין ובעד הדא כלה מא
  11. כלוני אלא יגו יתלאהו בי ויקולו לי כדי סבעה דנאניר חתי לא
  12. תבקי בלא שי וקולי לאלקאצי לא יחלפנא פאנעמת להם וקלת אל
  13. דניא דון הדא כלה אכון מצלומה ומן צלם אליתומים אללה תעאלי
  14. טליבה פאקנית מן נפסי אני אן אכדת אלסבעה דנאניר מא
  15. אסתחלפהם ורצית בקולהם פלמא עלמו דלך מרו הם אלי אל
  16. קאצי ולם אעלם וחלפו ללקאצי ואכדו אלמאל אקסמוה ולם אעלם
  17. מא פעלו וקד אכדו רחל אלאיתאם בקוותהם פאן כאן הדא גאיז
  18. פי אלדין אלסמע ואלטאעה לחכם אלבארי ולאואמרה ואן כאן לליתומים
  19. שי פיפעל סיידנא אחיאה אללה חסב מא יראה פי אלחכם
  20. ושלומך יגדל לעדי עד ולנצח נצחים נצח סלה
  21. עבדתה גלילה בת אברהים ואולאדהא
  22. אליתומים מסתגירין באללה ובחצרתה
  23. ובמא יגב פי אלדין

Verso, right margin:

  1. ותם אן אלרייס למא טאלבתה במא פי אלכתובה ינתהרני ויקול לי
  2. איש ראיך נאכד רחל אלנאס נדפעה לך וכאן קלבי מטמאן חית
  3. כאן אלמאל מודוע פלמא כאן פי הדה אלגמעה יום ערובת עצרת אקתסמו אלמאל ולם
  4. אעלם פאחתרקו אליתומים ועבדתה עלי כרוגהם בלא שי חצרתה מכצוצה באגל אלסלם

Verso, address:

  1. חצרה סיידנא אלרייס אלאגל כב גד קד מר ור
  2. מבורך שר השרים עוז בית ישראל בן כב גד
  3. קד מר ור סעדיה תנצבה
  4. אגלהא אללה וזאדהא גלאלה
  1. עבידה אליתומים מסתגירין
  2. באללה תעאלי ובחצרתה

הערות

Recto

  1. על המסחר בפשתן ראו גויטיין, חברה, א, עמ' 105-104, עמ' 153.
  1. אלבנדאריה: ליד אלמחלה, מוערכת ב-7,200 דינאר, שטחה 943 פדאן. ראו אבן דקמאק, עמ' 83.
  1. בשורות אלו דובר, בשם היתומים, נציגה של האישה, אשר מסתבר כי ניסה גם לפעול למענה ולקחת דברים עם ה'רייס'.
  1. כלומר, האישה הודתה בפני בית דין כי לקחה את הדינארים על ידי קניה סמלית כנהוג בבתי דין יהודיים.

שוליים ימין

  1. כלומר כל האירועים, מיום פטירת הבעל בתשרי ועד לגזילה הסופית של הרכוש בשמיני עצרת, התרחשו תוך פחות מחודש ימים.
תנאי היתר שימוש בתצלום
  • T-S 28.19: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.