מכתב: T-S NS J21 + T-S 8.19
מכתב T-S NS J21 + T-S 8.19תגים
תיאור
India Book III,13 and III,14: Letter from Khalaf b. Yiṣḥaq, Aden, to Avraham b. Yiju, India, mainly about shipwrecked goods. Dating: almost certainly 1146. This is the draft, in Khalaf's hand, on the basis of which a copy was made: T-S 18J4.18 (PGPID 5534). The copyist made a few corrections in the copying process without correcting the original. Both the original and the copy were then sent to Ibn Yijū, who reused only the messier draft (this document), copying on the verso a piyyut of Yiṣḥaq b. Giyāt (PGPID 5550) and a business account (PGPID 5503). This draft is incomplete; the edition attached to this PGP record is actually of T-S 18J4.18, the complete copy.
Edition: Goitein, S. D.; Friedman, Mordechai Akiva
Translation:
T-S NS J21 1v
תיעתוק
S. D. Goitein and Mordechai Akiva Friedman, India Traders of the Middle Ages: Documents from the Cairo Geniza (Leiden and Boston: Brill, 2008), vol. 3.תרגום
T-S 8.19 1r
T-S NS J21 1r
T-S 8.19 1v
- בשמֹ רחמֹ
- וצל כתאב חצרה אלשיך אלאגל מולאי אטאל אללה בקאהא
- ואדאם עזהא ועלאהא ורפעתהא וסנאהא ועלוהא וארתקאהא
- ולא עטל מן גמיע אלכיראת סאחתהא ופנאהא וכבת באלדל
- חסדתהא ואהאן עדאהא אתצלת באלכיראת אסבאבהא וקראתה
- ופהמתה וסררת בעלם סלאמתה וצלאח חאלתה וחמדת אללה עלי דלך
- כתירא וסאלתה אלמזיד לה מן כל כיר ברחמתה ואנתהי עבדה אלי
- מא תפצל בה מולאי מן אפתקאדה ותעאהדה תעאהדה אללה באלחסני
- וצרף ענה נואיב אלדניא וגמע ביני ובינה בעד קצא חואיגה עאגלא
- גיר אגֹלא בקדרתה וכפי לטפה ואמא מא שרחה מולאי מן מא
- כאן סלם לעבדה פי אלשפארה והו נצף בהאר פלפל באלכביר גיר
- פראסלה ולם ידכר לעבדה שי מן אלזנגביל אלדי כאן פיהא
- והו ג אבהרה גיר רבע זנגביל לאן מולאי דכרה לי פי כתאבה
- עאם אול ואן אלנאכדא גֹלב יאכד עליה אלנול אלא מן גאנבה
- וכתאב מולאי ענד עבדה מן עאם אול בהדא אלחדית ואלדי
- רמי מן אלשפארה פקד קסט עלי אלחמל פלא אדרי אן מולאי נסי
- אן ידכר דלך בכתבה אם כיף אלכבר לאן כתב מולאי אלדי מן
- עאם אול ענד עבדה מחתפץ בהא לאן צח קימה אלחריר בעד
- אלמונה יֹזֹ מתקאל ונצף שרית לעבדך ג אבהרה גיר רבע זנגביל
- ביֹאֹ מתקאל סער ארבע מת[[ל]]אקיל אלבהאר אלבאקי לעבדך סתה
- מתאקיל ונצף כרג מנהא מתקאל תפאות אלחדיד //אלדי// מן אלעאם אלאול
- תבקא לעבדך הֹ מתאקיל ונצף שרית לעבדך נצף בהאר פלפל
- באלכביר גיר קיראט והדא אלדי דכרת לעבדך באלשפארה פי עאם
- אול וכתאב מולאי ענדי בדלך פינצֹר מולאי מא לחקני מן אלתקסיט
- ואיש מא תחצל לעבדך קימה אלכל כנת תשתרי מא קסם אללה תעאלי מן
- אלפלפל וגירה ותנפדה לי בבעץ אלמראכב אלמתכלצה אול אלזמאן ואמא
- מן אגל אלהיל אלדי ענד אלכארדאר לענה אללה פאני תכלמת מע בעץ
- אלנאס בדלך פדכר לי אן אלהיל לכאצתך ומא לנא פיה שי ואנמא כאן
- בינך ובין אלכארדאר מעאמלה ואנכסר עליה הדא אלשי פרדיתה לנא
- לאן עבדך ינפד יעול עליך בשרא שי הו וסואה ושי לא יחתאג אלא
- מעארצה ולא אלי תקדמה אלא שי נאץֹ פאן סהל אלשרא ואלא תרך
- לאן מן ירסל אליך מא ידכר לך אן תקדם לה עלי שי אלא ידכר אן
- תשתרי במא קסם אללה ורזק ותנפד בה ואנה יא מולאי אולא
- בגמיע אלאשיא וכאן וצל הדה אלסנה אלשיך אבן אסחאק בן יוסף ודכר
- אן אכוך מבשר וצל אלי דיאר מצר והו יטלב אלמגי אלי ענדך פתעלם
- דלך ואמא אלמאלח ואלקצאע אלדי כנת אנפדת צחבה מצמון בן סאלם
- פאנה כאן נזל פי אלבחר אלי מרכב לפדיאר וכלף כל שי פי אלמרכב ולם
- יצל מן זביד גֹיר ג קצאע ואחדה ללשיך מצמון וואחדה ללשיך
- יוסף וואחדה לי ועוד אלמוגא אלדי לי לא גיר דלך וקד אנפד עבדה
- במא לא כטר לה והו קנינה סכר וקנינה זביב ברסם אלצביאן אללה תעאלי
- יחבסהם עליך וטלב מולאי בדינאר זרניך וליס פי אלבלד מנה שי
- ולא מן אללאדן ואמא אלקרטאס קד שרא לה עבדה בדינאר קרטאס
- ̇ל ורקה וצדר אליה נצף רטל כחל ונצף רטל צמגֹ ונצף רטל זא̇ג
- והו מן עבדה מא לה קימה ואמא דינאר אלקרטאס תצֹיפה אלי חסאב
- עבדך פי אלזנגביל ואלפלפל אלדי סלם באלשפארה וישתרי מולאי מא
- סהל אללה <ואנפדה> פי בעץ אלמראכב אלואצלה ומולאי פלא יועלם בראי יכץ סיִדי
- עזיז נפסה מן עבדה באפצל אלסלאם ותכץ עני אלולדין אלסידין
- באפצל אלסלאם ואלשיך במה מכצוץ אלסלאם ואן תסהל שי מן אלהיל
- אנפד בה צחבה מא אתפק שראה ושלום
Verso
- חצרה אלשיך אלאגל מולאי אבואסחאק
- אברהם בר כֹגֹקֹ רֹ פרחיה נֹעֹ בר יגו
- עבדה ושאכר אחסאנהִ
- כלף בן יצחק וקי עדמ[ה]
- حضرة الشيخ الأجل مولاى ابو اسحق
- ابراهيم بن يجوا الإسراﺌيلي
- عبده وصفي وده
- خلف بن اسحق الإسراﺌيلي
