מסמך משפטי: T-S 28.6

מסמך משפטי T-S 28.6

תיאור

This fragment contains several legal documents in the hand of a single scribe. The record written upside down on verso is a complaint by the judge Yaʾir b. Avraham b. Yaʾir against Shelomo b. Avraham. Together they jointly owned precious stones, flax, and other agricultural products grown in Dammūh. Shelomo went against their established agreement and brought Yaʾir before a Muslim court, ultimately resulting in Yaʾir taking losses. Location: Fusṭāṭ. Dated: 3 Tammuz 1390 = 6 June 1079 CE. (Information from Goitein's index card.) Other documents on this fragment: a trousseau document (1079 CE), documents in settlement of business matters, and a power of attorney (1074 CE).

T-S 28.6 1v

1v

תיעתוק

S. D. Goitein, unpublished editions.

Text written upside down on verso

  1. בחמשה בשבה דהוא תלתה יומי בירח תמוז דשנת אלפא ותלת מאה ותשעין שנין למנינא דרגיליננא
  2. בי'ה בפסטאט מצרים דעל נילוס נהרא מותבה חצר אלינא מר ורב יאיר הנדיב פאר הקהל ביר
  3. אברהם ביר יאיר השופט נע מסתגיל עלי //קובל עלי// שלמה בר אברהם באנה אסעתדא(!) עלי'ה לדיני אמו[ת
  4. העולם ובמא כסרה מן אלאגעאל [[וביאנה]] ובמא כאן עמל //פעל// מעה קבל הדא אלוקת פי מא יתעלק בכירו[ן
  5. אלכולי ובאנה אכפא אלמעשה אלדי כאן בינהמא וטלב מנא אן נכתב לה אלדי למנאה פי מא גרי
  6. בינהמא אד הו ענדנא מכתוב ובאלאסתקראראת אלתי אנתהת אלי'ה נובתהמא ואלדי
  7. עלמנאה פי דלך והו מתבות ענדנא אנא כנא חאצרין פי בית דין בחצרה מרינו ורבנו אדונינו
  8. מבורך החבר אלוף בינות(!) חכם הישיבה סנהדרא רבא בן כבו גד קד מר ור סעדי'ה החסיד
  9. בדורו ואלאן [[תכררת //בעד מגלס//]] ותכררת מטאלבת מר ורב יאיר הנדיב פאר הקהל ביר אברהם נע לשלמה
  10. בר אברהם פי עדה מגאלס בתלת חגר בלגש וזנה ה דראהם ותלת ובתלת קצבה זמרד וזנהא מתקאלין
  11. שרכה כאנת בינהמא ובאראה אלאמאנה פי שרך(!) כאנת בינהמא פאוגב בית דין דנן עלי שלמה דנן
  12. שבועה אן ליס הדה אלחגר ואלקצבה אלמקדם דכרהמא לה פי מלך ועלי אדא אלאמאנה פי אלשרך
  13. אלתי כאנת בינהמא וליס לה פי'הא נאמנות פאוקף מר ורב יאיר הנדיב דנן אלשבועה אלי אן יטלב שלמה
  14. בר אברהם דנן אלדי ידכר אנה מסתחק עלי מר ורב יאיר דנן וטאלב שלמה בר אברהם דנן למר ורב
  15. יאיר הנדיב דנן כח דינ מן קבל אפרים הכהן בר צביאן וטאלבה איצא בשרכה כאנת בינהמא פי
  16. דמוה ובקסמתהא וגרי בינהמא פי דלך משאגראת יטול שרחהא ואסתקר פי מא בינהמא בפשרה
  17. עלי קכ דינ ונצ פי גהה מר ור יאיר הנדיב דנן לשלמה בר אברהם דנן על מנת אן יכון גמיע אלדי יבקא מן
  18. אלכתאן ואלדי ענד כירון אלכולי וגמיע אלזראריע אלדי להמא בדא למ ור יאיר הנדיב ויסלם לה מר ור יאיר
  19. דנן מן גמלה הדא אלקכ דינ ונצ אלמקדם דכרהא פי סלך שבט מן הדה אלסנה ס ורבע ופי סלך סיון מן הדה
  20. אלסנה אלמקדם דכרהא ס ורבע והי בקי'ה אלמצאלחה ויסאמח [[כל מנהמא לצאחבה]] מ ור יאיר הנדיב דנן
  21. לשלמה בר אברהם דנן באלשבועה אלדי וגבת //לה// עלי'ה ואקני מנהמא בדלך פי בית דין ועל
  22. אן תעדא אלמשנה דידיע באבן אלמגרבי על אחדאהמא בשי מא ליס ילזם אלשריך אלאכר ממא כסר
  23. שריכה שיא וכדלך איצא אקני מן שלמה בר אברהם דנן ומן מר ורב יפת ביר אברהם ביר יאיר
  24. השופט אן לם יבק לואחד מנהמא עלי [[צ]] צאחבה לא שבועה עלי גמיע צנופהא ואפילו חרם סתם
  25. ואפילו על ידי גלגול פענד דלך קאל לנא מר ור יאיר הנדיב פאר הקהל ביר אברהם נע ביר יאיר השופ[ט
  26. אשהדו עלי ואקנו מני מעכשו בכל לשון שלזכות וכתבו וחתמו וסלמו דלך [[למ]] לשלמה בר א[ברהם
  27. למהוי בידי'ה לזכות ולראי'ה לאחר היום ודלך באכתיארי לא מקהור ולא מגבור ולא גיר דלך [ מן כל
  28. מפסדאת אלשהאדה אלא בלב שלם ובנפש חפצה אנא מקר ענדכם באן לה ענדי ופי קבלי חק ואגב וד[י]ן
  29. לאזם חוב גמור ומלוה זקופה ואינון עלאי בזכו וברשו(!) פי כאלץ מאלי קכ דינ ונצ דהבא עינא גיאדא
  30. אסלם לה מן דלך פי סלך שבט מן הדה אלסנה אלמקדם דכרהא ס ורבע ואסלם אלי'ה אלבקי'ה והו ס ורבע
  31. פי סלך סיון מן הדה אלסנה אלמקדם דכרהא בלא מדאפעה ולא ממאנעה ולא אחתגאג בחגה וקד
  32. אבראתה מן גמיע אלעלק ואלתבעאת ואלדעאוי ואלמטאלבאת אלדי כאנת ביננא מימות עולם ועד עכשו
  33. פי חיאתי ומן וראתי בעדי מטענת בריא ומטענת שמא מדיני אדם ודיני שמים ומכל אנפי דש[בועות
  34. ואפילו על ידי גלגול ואפילו חרם סתם וקד מחלת לה מעכשו כל סהו וכל גלט אן כאן גרי דלך מנה
  35. במחילה גמורה בפה ובלב בעולם הזה ולעולם הבא [[א]] וקבלת עלי אחריות גמיע אלדי תקדם דכרה
  36. עלאי ועל ירתאי בתראי בביטול כל מודעי ותנאיי כתיקון חכ זל דלא כאסמכתא ודלא כטופסי
  37. דשטרי אלא כחומר וכחוזק כל שטרי דבי דינא דתקינו רבנן ונהגין בעאלמא מיומא דנן ולעלם וכדל[ך
  38. איצא אברא מר ור יפת ביר אברהם ביר יאיר השופט נע לשלמה בר אברהם דנן מן גמיע אלדי יתעלק
  39. לה עלי'ה פי חאצתה ומן גהה אכי'ה מר ורב יאיר הנדיב פאר הקהל מן גמיע אלדעאוי ואלמטאלבאת
  40. ואלעלק ואלתבעאת אלתי תקדם בינהמא מימות עולם ועד עכשו בראה כאמלה תאמה פאצלה
  41. באוכד מעאני אלאבארי אלתי אבראה מר ורב יאיר הנדיב פאר הקהל ביר אברהם מן ס[איר אל
  42. אימאן ואלמחילה ואלאחריות פענד דלך קאל לנא שלמה בר אברהם דנן אשהדו עלי ואקנו מני [מעכשו
  43. בכל לשון שלזכות וכתבו וחתמו וסלמו דלך למר ור יאיר הנדיב פאר הקהל ביר אברהם נע ביר
  44. יאיר השופט נע למהוי בידי'ה לזכו ולראי'ה לאחר היום ודלך באכתיארי לא מקהור ולא מגבור
  45. ולא גיר דלך מן גמיע מפסדאת אלשהאדה אלא בלב שלם ובנפש חפצה אנא מקר ענדכם באנני ראצי
  46. בהדא אלתקריר אלדי אסתקר ביני ובין מר ור יאיר הנדיב דנן //עלי קכ>// [[באן]] ואקבץ מנה/א/ פי סלך שבט מן הדה אל

margin

סנה ס ורבע | ופי סלך סיו[ן] מן |

הדה [אלסנה] ס | ורבע וק | מר ור יאיר

הנ | דיב

תרגום

תנאי היתר שימוש בתצלום
  • T-S 28.6: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.