מכתב: T-S 12.9 + T-S 16.196

מכתב T-S 12.9 + T-S 16.196

מספר מדף: T-S 12.9 + T-S 16.196
עורך: S. D. Goitein, unpublished editions.

שפה עיקרית: Judaeo-Arabic

תאריך קלט: In PGP since 2004

תיאור

Rescript of the judges of the court appointed by the Nagid Mevorakh to the community of al-Mahalla, advising the community in strongest terms to take back their judge who had left. Dated ca. 1105. (Information from Mediterranean Society, II, 193, 561; V, 49, 519, 542 and from Cohen)

Edition: Goitein, S. D.

Edition: Goitein, S. D.

Translation:

T-S 16.196 1r

100% הגדל וסובב

0°

תיעתוק

S. D. Goitein, unpublished editions.

. . . . . . . . . . . . . . . . . . . . . . . . . . . . . . . . . . . . . . ] כל
. . . . . . . . . . . . . . . . . ]נהם ר יוסף אלמעולה פענד דלך
. . . . . . . . . . . . . . . . . . ] פי דלך מבאינה יטול שרחהא
. . . . . . . . . . . . . . . . . ] עליה מנה /א/פסאד חאלה מן בעץ
. . . . . . . . . . . . . . . . ]ר מן קלה אלסיאסה ומן קלה אלתאני פי
. . . . . . . . . . . . . . . . ] לקולנא לה //עלי// דלך ולעלמנא בה איצא אנה
. . . . . . . . . . . . . . . . . . . ] אלהינו ומשתדל על המצות מלוא
. . . . . . . . . . . ]יה אלקיאם באמור אלצבור כהוגן ותדבירהם
כאלואגב פקבל עלי נפסה דלך בחצרתנא ואזאלה מא קד כאן
אעתמדה קדימא מן אלאסתילא עלי קום מא ואסתמיאל קום מן
גמלה אכרין ואנה יסוס //מן// אליום אלי קדאם אם גוזר האל אחואל אלגמאעה
צגירהא וכבירהא מא כלא אלאמור אלדיניה אלתי יגב פיהא אקאמה
אלחקוק ואלחדוד פאן דלך לא חשמה פיה ואנה איצא יכון יתאנא
פימא יתפק לה מן מתל דלך מן אלאמור אלעויצה ומא ישבההא
ויאכד פיהא ראי אלחצרה אלסאמיה ירום הודה פרצי במא קלנא
לה מן גמיע דלך פחיניד /א/עדנאה אנן בידינא אלכאתמין אספל
הדא אלכתאב //אלי מכאנה ומוצעה// בעד אשעאר אלחצרה אלריסיה ירום הודה ויג כבודה
ותקדמתה עלי אלמחלה וסאיר אעמאל אלריף אגמע //וכתבנא לה איצא// ונחן נעלם
מן אלסאדה אלכשרים אלמשהורין באלמדות טובות אלדין קד כאנו
אמתנעו מן אלחצור מעה ישמרם האל ויגונן עליהם אנה סאיתפק
הדא אלראי ענדהם וסאיגנו תמרה פאידתה עאגלא ואן כאן עליהם
פי דלך מצץ וצעובה ואנה/ם/ סאיפעלו פי דלך מא יליק בהם
ויחזרו בטובתם למוטב וידברו נפוסהם בעקולהם אלחסנה
אלסדידה במא יתכלצו בה //פי דלך// ענד אללה וענד אלנאס באי וגה
ראוה כאן להם אם עליהם וינבגי להם ברוכים יהיו לשמים אן
יפהמו ען אלוקת ויעלמו מא קד אשרפת אלדניא עליה ואנה וקת לא יחתמל
אן יבקא פיה פי נפוס אחד מן ישראל שיא מן אלאיבה ואלתחרות אלתי הי
אלעדאוה ואלענאד ואלהוא פי אלמעאני אלדניאאי/י/ה גמלה בל עליהם אן
יחרצו ויגתהדו עלי גלבה אהויתהם פי דלך ומתלה וינכצעו וינכשעו
ללה תעאלי לאן אין חכמה ואין תבונה ואין עצה לנגד ייי פיתפצלו
ויואלפו הדא אלרגל אלפאצל ויסאעדוה פי אללה תעאלי ויכונו סבבא
פאצלא לאסמאע גמוע ישראל דברי תורה ואלחת עלי אלמצות ואלמעשים
טובים אלתי הי כתריס לפני הפורענות ואולי יחנן ייי צבא וירחם שארית
יש ויקרב גאולתם מהרה בימינו ובימיכם ברחמיו פדלך אלאגמל ואלאולא
בהם ואלאפצל דניא ואכרה ובורא הכל יתעלה ויתברך מא יציע להם
תגאציהם פי דלך וצברהם עליה ורגועהם אליה אלדי אינו מקפח שכר בריה
בעולם וטאהר נגח הדא אלאמר יא ישראל מא יכפא ען כל די עקל ודין
וקד אשתמל צבורכם אלפאצל אלמשהור באלמדות טובות עלי האתין
אלכלתין אלגלילתין ובורא הכל למען שמו הגדול יחמלנא ויחמלכם עלי
אלרשד ואלסדאד ואלתופיק פי הדא וגירה והדא אמר יא ישראל מא יכפא
ענכם אחיאכם אללה אן סאתחמדה לכם אלחצרה אלסאמיה ירום הודה
ותשכרכם עליה וכל מן סמע איצא ברגועכם עלי צאחבכם אלקדים

Right margin, diagonal lines written upside down.

תהיו פי דלך אלתואב | אלגזיל מנה תעאלי וגלגול השלום על | ידיכם לא תחתקרוה פליס בקליל | פאשתמלו עלי מראעאה הדא | אלפאצל וחוסו על תורתו

תרגום

T-S 16.196 1v

תנאי היתר שימוש בתצלום

T-S 16.196: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.

קישור קבוע: https://geniza.princeton.edu/documents/3440/