מכתב: T-S 13J27.15 + T-S 8J13.2

מכתב T-S 13J27.15 + T-S 8J13.2

מטא-דאטא

מספר מדף
T-S 13J27.15 + T-S 8J13.2
עורך
S. D. Goitein, unpublished editions. With minor emendations by Alan Elbaum (03/2024).
שפה עיקרית
Judaeo-Arabic

תגים

Additional metadata

Historical shelfmarks
TS Box 13 J 27, fol. 15; TS 13 J 27, fol. 15; TS 13 J 27, f. 15; TS Box 13 J 27, f. 15; TS Box 8 J 13, fol. 2; TS 8 J 13, f. 2; TS 8 J 13, fol. 2; TS Box 8 J 13, f. 2
תאריך קלט
In PGP since 1990

תיאור

Letter from Eliyahu b. Nissim, in Alexandria, to Shela b. Isḥāq, in Fustat. In Judaeo-Arabic. Dating: Probably early 13th century. The sender, a foreigner, asks why he has been neglected. He states that he is in Alexandria and cannot come to Cairo without an invitation. The sender is worried because he has not heard from anyone for four months and because a disease had spread in Fustat. The letter opens with a biblical quotation (Proverbs 13:12). The sender gives various instructions to the addressee, including that he reply to the letter and inform him of the news of whether or not Abū l-Ghayth made a profit; he also twice assures the addressee that he (and presumably his correspondence) have not been cut off. The writer states that he has been versed on the state of everything (hal kul min) in the addressee’s house, the house of […] Hananel, and the house of the raʾīs. The writer’s uncle Menaḥem and his son, along with the midrash of R. Shemuel, are mentioned. (Information in part from CUDL, from Goitein, Med Soc III, 47, 437, and from Goitein's index cards.) Join: Oded Zinger. EMS/VMR/ASE

T-S 13J27.15 1r

1r

תיעתוק

S. D. Goitein, unpublished editions.

T-S 13J27.15, recto

  1. בש רח . . . . . תוחלת ממשכה מתלה לב . . . . אצגר אלממאליך אליה בר נסים נע
  2. יקבל אלארץ בין ידי אלמגלס אלסאמי אלאגלי אלמולוי אלאכמלי אלאפצלי
  3. ואלורעי אלטאהרי אלמחתרמי כב גק מרי ורבי עטרת ראשנו צבי
  4. תפארתנו שלה תפארת החכמים השם הטוב נרו ברכ גק מרי
  5. [ור]בי יצחק תנצבה וינהי אן אלממלוך קד כתב לכם כתבא
  6. [כ]תירה ולם יצלני גואב ואחד מנהא ובקית //פיה// לו אטלעתם עליהא אכ
  7. וכתרתם לי אלמות וראיתם לי דלך באלאצאפה אלי מא אקאסיה סעאדה
  8. כאמלה ובקית איצא מתחירא פי אלסבב אלמוגב לאנקטאע כתבכ[ם
  9. יא סידי אמא תעלם אני קד רכנת אליכם ואסתנדת אלי גהתכם
  10. ואעתמדת עלי אללה תם ע[ליכ]ם ו[ . . . . . . . . . . . . . . . . . . . . ] אלי [ . . .
  11. אלדי פי אסכנדריה ופי בלד . . לול[א] אגתבאטי בכם ובצחבתכם
  12. מא עזמת עלי אלאקאמה ענדכם הדה אלקטעה מן אלסנין ומא
  13. אעלם אלסבב ולמוגב להדא מא הו יא סידי אדא פעלתם אנתם
  14. הדא פאלי מן אסתנד ואלי אי גהה אקצד לי אליום ד שהור מא
  15. וצלני מנכם לפטה ואחדה וגמלה מן גמלה מא וצלני מנך
  16. גואב כתאב ואחד ממא בעתת לך וקד סאלת//כם// אן תכברני
  17. באחואלך ואחואל גמיע ביתכם ובית רבי חננאל יר הו ובית
  18. אלריס לאן כלמא נסמע אן אלמרץ פי אלפצל כתיר גדא ולם
  19. יצלני מן ואחד מנכם כתאב מא יבקי לי עקל ולא //רוח// פואללה
  20. יא אכי אלדי לא יחלף באעטם מנה מן יום אן ערפת נפסי אלי
  21. הדא אליום מא קאסית אמר מן הדה אלאיאם לאן מא ענדי מן
  22. נזל מנזלה אכותי ואלי עלי אלחקיקה סוא אנתם ול[נ] ל[ . . .
  23. מן אטלעת עלי באטן חאלי סואכם וכיף יכון [ . . . . . . . . . . . . . .
  24. מדת עלי הדה אלמדה אלטוילה ולם אבצר מנכם כתאב ואחד
  25. מע תואתר הדה אלאכבאר באלאמראץ אלדי פי מצר לא מנכם
  26. ולא מן בית רבי חננאל וכלמא גא אחד יכבר בכתרה אלאמראץ
  27. ולם יצל מעה כתאב מן ואחד מנכם לחקני וסואס ופכרה
  28. ותחדתני נפסי באשיא אסתעיד באללה מן חדותהא לאן מא
  29. בקית אליום אעד נפסי אלא ואחדא מנכם וקד כנת כדלך ענדך
  30. קבל אן אתאהל ולא סימא וקד תאהלת ותעלם [ . . . . . . . . . . .
  31. ותתחקק אן מא פעלת דלך אלא לתטול אקאמתי ע[ . . . . . . .
  32. ילחקני מלל מן אלגרבה ותכף כלפתי עלי אלנאס [ . . . . . . . . . .
  33. יטול שרחהא פי הדא אלמכאן ותעלם אנת א[ . . . . . . . . . . . . . .
  34. . . . . . . ]אן מא סא[ . . . . . . . . . . . . . . . . . . . . . . . . . . . . . . . . . . .

תרגום

T-S 8J13.2 1r

1r

T-S 8J13.2, recto

  1. פאר] קת אהלי ווטני אלא לעל
  2. ע פעה עלי אלנפס אלדי צדית וטל ת מן מ
  3. ולא תקדר יא סידי אלא אני מן עדה אלמ פלמא ע
  4. קלבי לתערף אכבארכם פירגב מן אללה תעאלי ומן פצלהא
  5. אן תכתבוא לי כתאב בגמיע אחואלכם ואחואל ביתכם
  6. ובית] רבי חננאל יר הו ובית אלריס אלאעטם ולא תמסך דלך
  7. יא אכי לא אעלם לנפסי דנבא דנבתה ל[
  8. פאן כנתם תעלמון לי דנבא פנחב מן אללה [
  9. אלגפראן ולא תואכדוני בה פאין מרותכם אלגזילה [
  10. אלותיקה וטבאעכם אלפאצלה ואביתכם אלטאהרה ואל
  11. ממלוך איצא גריב בעיד אלוטן אן לם תחתמלוה
  12. פאלי מן יסתנד והו קד //אנצאף // אליכם וחסב על
  13. ואללה מא אעלם לנפסי דנבא דנבתה עלי
  14. פכם הדא אלעתאב וליס דנב וכם דא אלאעתדאר

T-S 13J27.15 1v

1v

T-S 13J27.15, verso

  1. פנחב מן פצל אללה תעאלי ומן פצלך אן סאעה וקופך עלי הדא אל
  2. כתאב תכתב לי כתאב בגמיע אחואלך לאני שדיד אלשוק אליך
  3. גדא ותעלמני מא כאן מן אלשיך אבי אלגית בתפציל לאני [ . . .
  4. מנכד לאן מא עלמת לה כבר ותעלמני אן כאן קבצ[וך . . . . . .
  5. אלדין אשתרית להם חואיגהם שי ואן לם יקבצוך שי א . . ת עלי
  6. תוצילה אליך [ . . . . . ]ת ותחזק פי הדא אלאמר פאנה אוכד חואגה
  7. ענדך אעני כתאבה אלכתאב [אלי] פי חאל לא אטיק אצפה
  8. ונעלם [ . . . . . . . . . . . . ] אקע עלי אלטלוע אלא כתבכם לאן
  9. מא מנהא לי טלוע אל [ . . . . ו]צול כתבכם אלדין הם גואב
  10. כתבי ותעלמוני כל מא סאלתה מנכם וקד כתבת איצא
  11. לרבי יר הו ולר חיים נרו כתבא ולם יצלני גואב ואחד
  12. מנהם פנחב מן אללה ומנך אן תעלמני פי כתאבך
  13. אחואלהם ותעלמני אלסבב אלמוגב להדא ומא כאן //מן// אלשיך
  14. אבי אלגית ותבלג אלמולי אלאגל אלארפע אלשיך אבי אלעלא אלפי
  15. שלומות באחסן מן הדה אלעבארה ותסאלה אן כאן וצלה אל
  16. מלחפה וכדלך אלמולי אלאגל אלאכרם אלארפע כב גק מרי
  17. ורבי ישועה שצ ואלשיך אלאגל אלאעז אלאחב אלאוד אבי אל
  18. מגד אלפי שלומות ותקול להם מיני לקד עז עלי אלדי
  19. סמעת ראי יוסף פי אלעמאים חתי תאכרוא אלי אלאך ופצ .
  20. . . . . . . . ]הם מן אלסוק אנמא קלת לעל אגד אנפע ואהון
  21. . . . . . . ] קלת לה אי שי טלבה [ . . . . . . . ]א אעלמני לאן
  22. פ . . . ם ענדי וכדלך תבלג אלמולי אלאגל אלארפע אלאעלי
  23. אלאכרם בר אלעזר אלמופק //אלפי שלומות// ותקול לה אן אלמקט/ע/ אלסראגי
  24. אלדי אשתרית לה צו דר מא כרג ינפע אללה בה וקד אשתרית
  25. לה מקטעא אכר קכ //דרהם// אשתראה לי אלשיך אברהם בן טאהר
  26. . . . . . . . . . . . . ]דאך ולם אגרם פיה שי ואלבקיאר ואלמקטע
  27. . . . . . . . ]ן מא עאקהם אלא מן אתק בה ואן כאן [ . . . . . .
  28. . . . . . . . ]הם מעי וכדלך תבלג אלמולי אלאגל אלאעלי
  29. . . . . . . . . . ] אלעאלם כב גק מרי ורבי ישועה נרו ב[ . . . . . . . .

Verso - address

  1. יצל אלי אל]שיך אלאגל אלאעלי אלאכמל [
  2. אלמ]רחום אבו סחאק [

T-S 8J13.2 1v

1v
  1. ] מנה ותקול לה אן אלממלוך לם ינקטע [
  2. סידנא ואנה מעמר אלמגאלס פי שכרכם כלקא ועלמא
  3. ובאללה מא יעידה אחד שהאדה וכץ חצרתכם אלשריפה
  4. אלפי שלומות וסאעה וקופך עלי הדא אלכתאב
  5. אכתב לי גואבה ואעלמני חאל כל מן פי ביתכם ובית
  6. ]ר חננאל ובית אלריס לעלהום סאלמין מן הדא אלמרץ
  7. ותעלמני כבר אלשיך אבי אלגית אן //כאן// רבח או לם ירבח
  8. והדא אוכד מא טלבהא מנך ומא עאקני ען אל
  9. טלוע אלא כתבכם לאן מא יתהיא אלטלוע דון וצולה
  10. ואלסלאם מעאד עליך ועמי מנחם וולדה יסלמאן
  11. עליך וגמיע אלצביאן מדרש ר שמואל לאן יא סידי מא
  12. ינקטע דכרך מן פמי ואבעת לי גואבה מסרע
  13. ושלום
תנאי היתר שימוש בתצלום
  • T-S 13J27.15: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
  • T-S 8J13.2: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
https://geniza.princeton.edu/documents/3392/