מכתב: T-S 13J23.14
מכתב T-S 13J23.14What's in the PGP
- תמונה
- 2 Transcriptions
תיאור
Letter from Abū Zikrī Yehuda b. Yosef (active 990s–1030s CE), in Qayrawān, to his brother-in-law ʿAyyāsh b. Nissim. The sender reports that the addressee's son is doing well, reports on the success of another relative (Abū l-Surūr), discusses business transactions, and asks for medication for his eyes (something Indian, "the white kind . . . ostrich eggs, and the green kind, because I need to use it on my eyes"; line 15). Information in part from Gil. ASE
תגים
תמונה
תיעתוק
תרגום
Editor: גיל, משה
T-S 13J23.14 1r
משה גיל, במלכות ישמעאל בתקופת הגאונים (in Hebrew) (Tel Aviv: Tel Aviv University, 1997), vol. 2.
Recto
- אטאל אללה אכי וסידי אלעזיז עלי בקאך וצאנך ורעאך והפט'ך ווקאך ואדאם נעמאך
- כתאבי אליך ע'ר'ב' צ'ו'ם' כיפור תקבלה אללה מנא ומנך ומן כל יש'ר' באלגפראן ואלרצ'אן
- ען סלאמה ועאפיה ואחואל מסתויה עלי אפצ'ל עואיד אלבארי גל ועז ואכבר פואידה
- נחן וסאיר גמאעתנא ולה אלחמד כתירא וכדלך ולדך צדקה סלמה אללה ואלאהל וכל
- מן כלפתה עלי אפצ'ל מא תעלמה וזאיד ואן ולדך חרסה אללה פי זיאדה ואקבאל כל
- יום וקד גא מנה רגל כביר תאגר כאזל יטמע לה אן יכ'לפך ויזידך אלגאה [ ]
- וקד כאן תקדמת כתבי אליך מע אבי יעקוב יוסף בן מטרוח סלמה אללה ושרחת לך פיהא
- כל מא תחתאג אליה מן אלאמור ומא קד וצל אלי כתאב ואלדה צדקה או [ ]
- אבנה אבו אלכיר סלמה אללה וקד תכלמת עלי דלך ואנסכת אלקצה וסאלת [ ]
- אלי בעצ'הא בעץ' לכן לם ימכן תמאמהא אלא ענד הצ'ורך חרסך אללה ארגו אן יכון
- דלך קריב ויסאהלה עליך וכנת כתבת אליך אן יכון תעמל עלי כל מא בקי מעך מן אל
- חמל מא ראיתה צלאחא ויכון פיה פאידה ותוגה בדלך פארגוך קד פעלת דלך
- וסאלתך יאכי וסידי או יכון תשתרי לי רבע מן כאפור שרבזי עאלי רפיע ומן [מן]
- הלילג( ?) אלהנדיה אלאצליה אלרפיעה ומתקאלין מן אלביצ'ה אלתי מן אלקשור ביץ' אל
- שאם ומן אלכצ'רה אלגידה אלופיעה איצ'א לאני אחתאג אסתעמלהא אלי עיניי
- ומן אלכאגט' אללטיף מיתל הד'א אלגנס ה' אלאף ורקה חסנה ומן אלטלחי אלף ורקה עאליה
- ומא תקדם בה כתאבי מן אל[[כתב]] חואיג אלדי קד נסיתהא ולם נדכרהא פי הד'א
- אלוקת וליס אנת סלמך אללה תחתאג ממן יוציך עליהא ואבי אלסרור פקד כאנת
- לה ספרה סארה מגברה וקד קאל לי מן נצדק קולה אנה ירבח ללדינ' דינ' //פי אלקמאט// פי הדה
- אלספרה אד' כאנת לה מבארכה ואלחמד ללה זאדה אללה מן כל כיר וכנת יאכי
- אכדת עליך פי אמר אבו זכרי בן אלאק[ ]ינא סלמה אללה פאן תגתמע בה פי מא
- לנא ענדה ותכפ[יה] אלמונה פי הד'א פלם נרא לך עליה כתאב פלא תגפל ענה
- [ ] פי הדה אלדניא כאן אחסן לה ואעפא ואכלץ וקד נצח[ ]
- [ ]רה אלבארי גל ועז עליה וכתאבך לא תוכ'רה בגמיע אלאמור כלהא
- [ ]א ואעלמהא וכתבת עלי סרעה וקת דכול אלנאס אלי אל[ ]
- פי הד'ה אליום סאהל אללה עליהם וכתב סלאמתהם וסלאמה כל י'ש'ר'א'ל' אמין
- ואלסלם עליך ורחמת אללה וברכתה ואלצביאן אגמעין וכואתך אלסלם
- והם באלקירואן עיידו מע אהליהם עלי אפצ'ל חאל סלמהם אללה כתירא
- …
- אטאל אללה אכי וסידי אלעזיז עלי בקאך וחפצך ווקאך ואדאם נעמאך
- כתאבי אליך ערב צום כיפור תקבלה אללה מנא ומנך ומן כל ישר באלגפראן ואלרצואן
- ען סלאמה ועאפיה ואחואל מסתויה עלי אפצל עואיד אלבארי גל ועז ואכבר פואידה
- נחן וסאיר גמאעתנא ולה אלחמד כתירא וכדלך ולדך צדקה סלמה אללה ואלאהל וכל
- מן כלפתה עלי אפצל מא תעלמה וזאיד ואן ולדך חרסה אללה פי זיאדה ואקבאל כל
- יום וקד גא מנה רגל כביר תאגר באזל יטמע לה אן יכלפך ויזידך ל . אה. . .
- וקד כאן תקדמת כתבי אליך מע אבי יעקוב יוסף בן מטרוח סלמה אללה ושרחת לך פיהא
- כל מא תחתאג אלי[ה מן אל]אמורי ומא קד וצל אלי כתאב ואלדה צדקה או . . . . . . . ה
- אבנה אבו אלכיר סלמה אללה וקד תסלמת(?) עלי דלך ואנ . . . ת אלקצה ו . . לת אלנפוס
- אלי בעצהא בעץ ל[כן]ן [ל]ם ימכן תמאמהא אלא ענד חצורך חרסך אללה ארגו אן יכון
- דלך קריב ויסאהלה עליך וכנת כתבת אליך אן יכון תעמל עלי כל מא בקי מעך מן אל
- חמל מא ראיתה צלאחא ויכון פיה פואידה ותוגה בדלך פארגוך קד פעלת דלך
- וסאלתך יאכי וסידי אן יכון תשתרי לי רבע מן כאפור שרבזי עאלי רפיע ומן אל
- תותיא אלהנדיה אלאצליה אלרפיעה מיתקאלין מן אלביצה אלתי מן אלקשור ביץ אל
- נעאם ואן אלכצרה אלגידה אלרפיעה איצא לאני אחתאג אסתעמלהא אלי עיניי
- ומן אלכאגט אללטיף מתל הדא אלגנס ה אלאף ורקה חסנה ומן אלטלחי אלף ורקה עליה
- ומא תקדם בה כתאבי מן אל [[כתב]] חואיג אלדי קד נסיתהא ולם נדכרהא פי הדא
- אלוקת וליס אנת סלמך אללה תחתאג ממן יוציך עליהא ואבי אלסרור פקד כאנת
- לה ספרה חסנה מגברה וקד קיל לי מן נצדק קולה אנה ירבח ללדינ דינ //פי אלקמח// פי הדה
- אלספרה אד כאנת לה מבארכה ואלחמד ללה זאדה אללה מן כל כיר וכנת יאכי
- אכדת עליך פי אמר אבו זכרי בן אלאקטעינא(?) סלמה אללה באן תגתמע בה פי מא
- לנא ענדה ותכפ[יה] אלמונה פי הדא פלם נרא לך עליה כתאב פלא תגפל ענה
- . . . . . . . .אנ. . . . . . . . . . פי הדה אלדניא כאן אחסן לה ואעפא ואכלץ וקד נצחת
- פי] הדה אלבארי גל ועז עליה וכתאבך לא תוכרה בגמיע אלאמור כלהא
- . . . . . . .א ואעלמהא וכתבת עלי סרעה וקת דכול אלנאס אלי אלמרכב
- פי הדה אליום סאהל אללה עליהם וכתב סלאמתהם וסלאמה כל ישראל אמן
- ואלסלם עליך ורחמת אללה וברכתה ואלצביאן אגמעין אגמעין וכואתך אלסלם
- והם באלקירואן עיידו מע אהאליהם עלי אפצל חאל סלמהם אללה כתירא
- ומן . . . . . . . . . . . . . . .
T-S 13J23.14 1v
Verso
- לאבי אברהים אכי וסידי אטאל אללה בקאה מן יהודה בן יוסף נ'נ'
- עיאש בן נסים בן ברוך אללה וליה
Verso.
- לאבו אברהים אכי וסידי אטאל אללה בקאה הו(?)
- עיאש בן נסים בן ברוך סלמה אללה
- מן יהודה בן יוסף נע
