מכתב: T-S 12.417
מכתב T-S 12.417What's in the PGP
- תמונה
- 1 Transcription
תיאור
Letter from a certain Simḥa, who was in charge of a building. In Judaeo-Arabic. Dating: ca. 1200 CE. He reports that the upper floor (the one adjacent to the house of some Christians in a Jewish communal building) was restored for a cost of 30 dinars, while the ground floor beneath it was completely occupied, bringing revenue. He briefly reports on somebody who was housebound with a sickness, but who returned to week this week (v17–18). Information in part from Med Soc, IV, pp. 101, 375)
תגים
תמונה
תיעתוק
תרגום
Editor: Goitein, S. D.
T-S 12.417 1r
S. D. Goitein, unpublished editions.
- . . . . . . . . . . . . . . . . . . . . . . ממלוכהא ומשאכר
- . . . . . . . . . . . . . . . . . . . . . . תפצלהא שמחה
- תקדמת כתבי לחצרה מולאי וסיידי אלשיך אל
- אגל אבו עמראן תפארת הכהנים אדאם אללה
- עזה וחרס מגדה צחבה אלשיך אלאגל אבי
- אלרביע סלימאן דאם(!) עזה וצחבה ואלדה
- איצא ולם יצל לאחד מנהם גואב פאמא
- קצייה אלמבלג אלדי כאן הנא חאצר בעד אן
- קצד אלשיך אבו אלפרג אללוי תרכה ענדי
- חתי ינעמל לה מא יכלץ פלם יתפ[ק] אלאגתמאע
- ואלממלוך ענד ספרה פתרכה ענד צהרה
- אלשיך אבו אלפרג אבן אלתוזי פאנצרף
- גמיע פי תכמיל אלטבקה אלמלאצקה לדאר
- אלנצארי וכאן אלמבלג ל דינא ובקי ענד
- שכץ אכר ד דנאניר ואבו אלפרג אללוי יקול
- אנהא סתה דנאניר וחי באקיה וליס בקי
- תם שי ירתגא סוא אלמבלג אלדי בקי פי
- דמיאט והו אכתר מן אלל דינאר פלמא
- אן אתפק ספר אבו אלפכר אבן דאוד
- כתב מעה אלחבר כתאב אלי אלשיך אבו
- אלפרג אללוי יאכד עליה פי תוגיה
- אלמבלג אלמתבקא ענדה ואו דינא ורבינו
- אברהם אללמני עלי מתל דלך ואכרנא
Right margin, perpendicular lines.
- עליה גאיה אלתאכיר ונרגו מן אללה סבחאנה תעאלי אנה מא יגי אלא באלמבלג
- פלא יקע אלמולאי אנני בגאפ[ל ען] הדה אלחאלה וכל וקת אובך אצחאבנא פי הדה אלקצייה
T-S 12.417 1v
Verso.
- לאן לולא תפצל אלחצרה כאן אלמכאן אליום יכון
- כראב כמא אן אלעאמר אלדי ענדהם קד כרב
- גמיעה וליס ביק יחצל מנה הנאה אצלא
- והדא אלמכאן קד תשכץ וסכן אספל גמיעה
- ועלי אלגמלה איש מא תצל אלממלוך יערף אל
- חצרה ואמא מנצור פמא ראית עלי צפה
- אבנה רגל קט לא יצדק וליס ענדה פי כונה
- יכרב ויחלף מע אלזמאן ויתרדד אלאנסאן אלי
- ענדה מראר לא יתחסס לדלך בל יקול איש
- תם מא הדא שי תסאל ענה נחן נופי אלגמל
- וראית יוסף אבן חביב אכד לה גמלה בקי מן
- ענד אלפקיר אבן אלגרגנתי והו יופיה ואנה מעול
- נגבה אלי אלדיאן ולאכן ליס בידי וכאלה ול .
- כל אלאחואל נחצרה לבית דין ואמא אבו אסחאק
- פאן אבו אלעלא אבן הארון תדכר בקיה . . . . .
- גיר רבע לאני מא דפעת לה אלבקם אלא בקיה
- אל . . . לאן אלרגל בקי מריץ פי אלבית לאזם . . .
- הו כמא תצרף פי הדה אלגמעה וגאיה מא חצל
- אלר דרהם אלחואלה ובקי ענד אלגוי מנהא ולאכן
- הי חאצלה אעלמת מולאי דלך ובאן סלימאן
- קאל תבסט עדרי ענד אלשיך אבו עמראן רבמא
- יבלגה אלשיך אבו אלעלא . . . . . . . . לא . כאן
- אתפק ביני ובינה חר. . . חסאב לא גיר ושלום
- מולאי אלשיך אלאגל אבו אסחאק אפצל אלסלאם וא . . לה
- ת . . . שבט
Bottom margin, straight lines written upside down. Address.
- חצרה מולאי וסיידי אלשיך אלאגל אבי עמר[אן
- אלכהן תפארת הכהנים חמדת השרים שצ
