רשומה קשורה ל-מכתב: T-S G1.26
מכתב T-S G1.26- ציטוט
- Alan Elbaum, unpublished editions (n.p., 2020).
- Relation to document
- Digital Edition
תמונה
תיעתוק
תרגום
Editor: Elbaum, Alan
Alan Elbaum, unpublished editions (n.p., 2020).
Recto:
- לבעצהם
- סאלת אלנדא (?) הל אנתהר (?) פקאל לא
- ולכנני עבד ליחיא בן כאלד
- וליס בתמן אשתראני ואנמא
- תוארתני ען ואלד בעד ואלד
- והדה בעץ אוצאף אלסייד אל
- אגל אלמולא אלאמגד תבת אללה
- מגדה וצאעף סעדה וכפאה
- כל מחדור וקד תחמל אלכאדם
- מן גמאיל אלמולא ותפ/צ/לה ואחסאנה
- מא לו ראם שרח יסירהא לכל (!)
- ען תסטירהא וכאן אלשיך אלאגל
- אלחכים אלמדהב אדאם אללה
- תופיקה וכפאה מא יחאדרה קד
- אגתמע באלממלוך יום אלאחד פי אל
- מטבך בחצור אלמולא ואערץ
- מערוץ כטר בבאלה וראית אל
- מולא קד אסתצוב אמתתאלה
- פלם יליק באלכאדם פעלה וחסן
- פי ראיי אלמציי אל{י} בלביס אכתר
- פעזמת עלי דלך גיר אנני לם
- יכן עאקתי אלא בסבב שגל
- קלבי מן גהה באב אלדאר
- ובאב אלטבקה פיחתאג אלתגייר [[באל]]
- בגמלתה ואלאיתאר כאן תגרי
- אלכאדם עלי מא עהדה מן
- תפצלהא
Recto:
- לבעצהם
- סאלת אלנדא (?) הל אנתהר (?) פקאל לא ולכנני
- עבד ליחיא בן כאלד וליס במאל אשתראני
- ואנמא תוארתני ען ואלד בעד ואלד
- והדה בעץ אוצאף אלמולא אלסייד אלאגל
- אלאמגד תבת אללה תאיידה ותמכינה
- וצאעף סעדה ותופיקה וכפאה כל מחדור
- וקד תחמל אלכאדם מן אלגמאיל ואל
- אחסאן מא תצעף קואה ען אלנהוץ
- בשרח יסירהא פצלא ען תסטירהא וכאן
- אלמולא אלגליל אלחכים אלמדהב תבת אללה
- סעאדתה ואחסן עאקבתה וכפאה מא
- יחאדרה קד אגתמע באלממלוך יום אלאח׳
- פי אלמטבך במחצר מן אלמולא ואערץ
- ראי כטר בבאלה אנה צואב תם ראית
- איצא אלמולא קד חסן ענדה אמתתאלה
- פאכתאר אלכאדם מצייה אלי בלביס
- ועזם עלי דלך ולם יכן סבב עאקתה ען
- אלמסארעה לדלך אלא שגל קלבה מן
- גהה באב אלדאר ובאב אלטבקה
- פאן באב אלדאר יחתאג אלא אלאצלאח
- ובאב אלטבקה יחתאג אלי תגיירה
- בגמלתה פאנה מכסור גמיעה
- ואלאיתאר מן תפצלהא אגרא[[הא]] //כאדמהא// עלי
- אלמעהוד מן אחסאנהא פי אלאהתמאם
- ובדל אלמגהוד פי דלך מן גיר אהמאל
- ולא תאכיר אנעאם עליה ואחסאנן
- אליה ולא ימכנה אלספר והם עלי
- הדה אלצורה פאן כטרהם עטים
- ולא יתסע לה דלך ואן תאכר סאעה
- ואחדה פלא תחסבה אלא מן אלהאלכין
- פאן אחואלה גמיעהא נאקצה והו
- פי שדה לא יעלמהא אלא אלדי אבלאה
- בהא אנהי אלכאדם דלך בעד תקביל
Verso:
- פי אלאהתמאם באלכאדם פי
- הדא אלמעני מן גיר אהמאל
- ולא תאכיר פקד אכדת אל
- מסלה חקהא פי תקסים אל
- כאטר ואנתטאר אלאמור
- אלגיר ממכנה אלא ללאוליא
- עאלם {עלם?} אנהי אלכאדם דאלך
- בעד תקביל איאדיהא אל
- כרימה וכדמתהא באפצל
- אלסלאם
- ואנמא מא אשאר אליה חצרה
- סיידנא אדאם אללה תופיקה
- פי מא יכתץ בחצור אלממלוך
- אליה מא תהיא מן גליל אלמכרמה
- פלם יכן תאכירה אלא ען עדר
- אן ואצח ומן אעגב מא אשער
- בה סיידנא אן אלכאדם מן עטם
- מחבתה אל[ר?]אתיה וגלאלה
- מקדאר סיידנא ענדה פאנה
- באללה אלעטים קטע אלצלאה
- ו[[ח]]סא[[צר]]רע אל{י} כדמתה ויקים אל
- . לא . . לה הדא מא ישא . ואנני
- לא יתהיא לי אלספר דון אן
- יועמל באב אלדאר ובאב
- אלטבקה פכטרהם עטים
- ומא דהבה אלמרואת ואן
- תאכר ספרי פלא תחסבני
- אלא מן אלהאלכין וסלאם
Verso:
- מואטי קדמיהא ואכצאצהא באתם
- אלסלאם ואמא //מא// אשאר אליה חצרה
- סיידנא תבת אללה תופיקה פי מא
- יכתץ בחצור אלממלוך אלי מא תהיא
- מן גליל אלמכרמה פלם יכן תאכירה
- אלא ען עדר אן ואצח לאגל חמי חדתת/[[ה]]/
- מן יום אלגמעה וענד מא סמעת
- כלאם אלמולא פפי תלך אלסאעה
- כנת פי צלאה מוסף פי אשרי פקטע
- אלצלאה וסארעה אלא כדמתהא פלם
- אגד סוא אלולד אלעזיז אבי אלמחאסן
- פערפתה אלעדר פלא יצן אלמולא
- אלא אן כאדמה מעתרף במא
- אתצל אליה מן אלאצטנאע אלעטים
- ואלגמיל ואלאחסאן הקבה יכצבהא (?)
- מאידה (?) בחיאה סיידנא וחיאת
- אולאדה ויגעל לה עלי דלך קדרה
- ויזידה מן מזאיד אלכיראת ויודע (?)
- לה פי מא אנעם עליה בה
- ומשאבי שלמים כמימי אגמים
- ושפעי ימים וכלל הברכות ואמ׳
- אמן סלה נצח לרצון וכן יהי רצון