מסמך משפטי: Yevr.-Arab. II 1433

מסמך משפטי Yevr.-Arab. II 1433

מטא-דאטא

מספר מדף
Yevr.-Arab. II 1433
תאריך המסמך
שפה עיקרית
Judaeo-Arabic

What's in the PGP

  • 1 Transcription

תיאור

Drafts of an agreement for buying siddurs: al-Thalāth Raḥamīmāt Shemini, Emor, and Naso (שלש רחמים שמיני אמור ונשא); Niṣf batāʿ al-Hallel (חצי הלל). Dated 5 Kislev 5451 AM and Ṣafar 1102 (1690 CE). Avraham b. Maṣliaḥ Levi Ḥazzan aka Hītī purchases the siddurs from Eliyyahu b. Yisraʾel aka Raṣon for a total of 1,100 fiḍḍa (niṣf fiḍḍa/medin). MCD.

Related Places

Location
Cairo

תגים

Additional metadata

Collection
National Library of Russia, Firkovitch (Firk.); Antonin
תאריך קלט
In PGP since 2019
תמונה
תיעתוק
תרגום

Yevr.-Arab. II 1433 recto

°
recto
Matthew Dudley's digital edition (2025).

:Right side of bifolium, recto

  1. סבב תצטיר האדה אלאחרף ומוגב תחרירהא והוא בחאל אלצחה ואלסלאמה
  2. אנהו אשתרי אחי׳ ואהו׳ כה׳׳ר אברהם לוי חזן ס׳׳ט אבן אלמרחום אחי׳ ואהו׳ 
  3. מצליח הלוי ידיע היתי נ׳׳ע מן אחי׳ ואהו׳ כה׳׳ר אליהו [[.]] אבן אלמרחום אחי׳ ואהו׳
  4. ישראל ידיע רצון נ׳׳ע רחמים סדר [[נשא]] שמיני ואמור ונשא
  5. ונצף מן אלנצף בתאע אלהלל במבלג וקרהו מן אלפצה דיואני סכה אלסלטאני
  6. אלף ומאיה נצף פצה פצארו תלאת רחמימת ונצף מן נצף אלהלל פי מלך 
  7. אחי׳ ואהו׳ כה׳׳ר לוי חזן ס׳׳ט ידיע היתי אלמדכור אעלאה מן ביע ושרא
  8. ווהבה ורהן ואסתרהאן וצלאה וקראה הפטרה וקראה אלהלל חכם
  9. אלקואנין אלגאריה תם אנה אקר ואעתרף ואשהד עלי נפסהי אחי׳ ואהו׳
  10. כה׳׳ר אליהו ס׳׳ט אבן אלמרחום כה׳׳ר ישראל נ׳׳ע ידיע רצון והוא בחאל אלצחה
  11. ואלסלאמה ואלאטאעה ואלאכתיאר בגיר תגצב ולא אגבאר ולא
  12. תכרה ולא אקהר בל סמאחת נפס וטיבת קלב ואנשרח צדר
  13. והוא בכאמל אלאוצאף למעתברה שרעא קרין אמת אלהי׳
  14. אנהו קבץ' ואתסלם פי ידהי מן אחי׳ ואהו׳ אברהם לוי חזן ס׳׳ט ידיע היתי
  15. מבלג וקדרהו פצה אלף ומאיה ואנהו נזל רחמימת אלדי רחמים סדר
  16. פרשה שמיני רחמים //סדר// פרשה ואמור רחמים סדר פרשה ונשא ונצף מן אלנצף
  17. בתאע אלהלל ולא עלקה ולא תעלק ולא שיא וקאל להו שיא חסב
  18. אעתראמהי בדאלך אלאעתראף אלשרעי באלוגה אלשרעי במא עלמת
  19. בדאלך אלכיינה אלשרעיא עלמא ו[...]א נאפין ללגהאלה שרעא
  20. בחצרת אלחאצרין [בשה]אדה אלשאהדין ואלואצ'עין אסמאהם
  21. פיה אדנאה [חר]ר [דא]לך יום אלכמיס כמסה לחדש כסלו המכ.ם(?)
  22. סנת ה׳ת׳ק׳נ׳א ליצירה אלמוא[פק] לשהר ספר אלערבי ١١٠٢
  23. פה מצרים יע׳׳א והכל שריר ובריר ומוחזק וקים

:Left side of bifolium, recto

  1. סבב תצטיר האדי אלאחרף ומוגב תחרירהא בחצ'רת כל מן אחי׳ ואהו׳ כה׳׳ר
  2. ר׳ אלישע ס׳׳ט בכ׳׳ר המנוח כה׳׳ר ישועה [[צעיר]] ידיע צעיר נ׳׳ע וכה׳׳ר אחי׳ ואהו׳ כה׳׳ר
  3. ר׳ אהרן //פירוז// ס׳׳ט בכ׳׳ר המנוח ישועה פירוז ידיע חיינה נ׳׳ע פי בית דין יר׳׳ה אנהו
  4. חצ'ר ואשתרא אחי׳ ואהו׳ כה׳׳ר ר׳ אברהם [[..ן]] לוי חזן ס׳׳ט בכ׳׳ר המנוח כה׳׳ר מצליח
  5. לוי ידיע היתי נ׳׳ע מן אחי׳ ואהו׳ כה׳׳ר אליהו ס׳׳ט בכ׳׳ר המנוח //כה׳׳ר// ישראל ידיע רצון נ׳׳ע
  6. וולדו כה׳׳ר יוסף ס׳׳ט //אלתלאת רחמימת// שמיני ואמור ונשא ונצף בתאע אלהלל
  7. במבלג וקדרהו מן אלפצה אלדיואני סכה סלטאני אלף ומאיה נצף פצה פצארו
  8. תלאת רחמימת ונצף בתאע אלהלל פי מלך אחי׳ ואהו׳ כה׳׳ר ר׳ אברהם לוי
  9. חזן ס׳׳ט ידיע היתי אלמדכור אעלאה מן ביעו ושרא ווהבה ורהן ואסתרהאן וצלאה
  10. וקראה אלחפרה וקראה נצף בתאע אלהלל חכם אלקואנין אלגאריה תם 
  11. אנהו אקר ואעתראף ואשהד עלי נפסהי אחי׳ ואהו׳ כה׳׳ר [[ישראל]] אליהו 
  12. ס׳׳ט בן המנוח כה׳׳ר ישראל ידיע רצון נ׳׳ע וולדהו כה׳׳ר יוסף ס׳׳ט והום
  13. בחאל אלצחה ואלסלאמה ואלאטאעה ואלאכתיאר בגיר תגצב ולא
  14. אגבאר ולא תכרה ולא אקהאר בל בסמאחת נפס וטיבת
  15. קלב ואנשראח צדר והום בכאמל אלאוצאף אלמעתברה שרעא
  16. קרין אמת אלהי׳ אנהום קבצ'ו ואתסלו מן יד אחי׳ ואהו׳ כה׳׳ר אברהם
  17. לוי //ס׳׳ט// בן המנוח כה׳׳ר מצליח ידיע היתי נ׳׳ע מבלג וקדרהו אלף ומאיה
  18. נצף פצה ואנהום נזלו ען רחמימת אלדי רחמים סדר פרשה שמיני
  19. רחמים סדר פרשה אמור רחמים סדר פרשה נשא ונתף בתאע
  20. אלהלל נזולא שריעא ל[..] בקא יסתחק להום פיהום שיא ולא
  21. חק ולא מסתחק לא [...] ולא סלך ולא דעוה ולא טלב
  22. עלקה ולא תעלק ולא שיא יקאל להו שיא וגה מן ו[ג]וה
  23. וצאר אלתלאת רחמימאת אלנצף בתאע אלהלל פי מלך
  24. אחי׳ ואהו׳ אברהם לוי חזן ס׳׳ט אלמדכור מעלאה וטלב אחי׳ ואהו׳ כה׳׳ר
  25. אברהם לוי אלמדכור אעלאה מן אחי׳ ואהו׳ כה׳׳ר אליהו ומן ולדהו יוסף
  26. סטר(?) אלמשתרא כתאב אלתלאת רחמימאת ואלנצף בתאע אלהלל
  27. אלדי כאנו אשתראהום מן אחי׳ ואהו׳ כה׳׳ר רחמים לוי חזן ידיע קיים
  28. ס׳׳ט פפתחו עליה ולם וגדוה פקאלו אחי׳ ואהו׳ כה׳׳ר אליהו ידיע רצון ס׳׳ט

 

Yevr.-Arab. II 1433 verso

°
verso

Verso:

  1. וולדהו אחי׳ ואהו׳ כה׳׳ר יוסף ס׳׳ט אן ראינה אלצטר פנעטי לאחי׳ ואהו׳
  2. כה׳׳ר אברהם לוי חזן ס׳׳ט אלמדכור אעלאה פאן צ'הר אלצטר מעא
  3. אחד בראני לא יפעל בהי פאן צארו לתלאת רחמימאת
  4. ואלנצף כתאב אלהלל פי מלך אחי׳ ואהו׳ כה׳׳ר אברהם לוי חזן
  5. אלמדכור אעלאה מן צלא ווהבה ורהן וביע כמא ישא ויכתאר 
  6. יתצרף פיהם תצרף אלמלך פי מלכה במא עלמת בדאלך אלכיינה
  7. אלשרעיא עלמא וכברא נאפין ללגהלה שרעא בחצ'רת 
  8. אלחאצרין ושהאדה אלשאהדין ואלואצעין אסמאהם פיה אדנאה
National Library of Russia, Firkovitch (Firk.); Antonin, Yevr.-Arab. II 1433. Available online through the Princeton Geniza Project at https://geniza.princeton.edu/documents/27970/ (accessed November 7, 2025).