רשומה קשורה ל-מכתב: ENA 1822a.7
מכתב ENA 1822a.7- ציטוט
- S. D. Goitein, index cards.
- Location in source
- Relation to document
- דיון
- ציטוט
- S. D. Goitein, unpublished editions.
- Relation to document
- Digital Edition
תמונה
תיעתוק
תרגום
Editor: Goitein, S. D.
ENA 1822a.7 2
S. D. Goitein, unpublished editions.
- אלמולא ומעאצדתה ואפתקאדה ואעלאן
- נצרה פי חאל אלממלוך פי מא יראה אלמולא
- מן עין אלמצלחה ומשורתה אלסעידה הקבה
- יסאעדך ויקצי חואיגך ויגניך ען בשר ודם
- ויכפיך כל מחדור ומהמא עמלתה מן כיר
- ואחסאן ומסאעדה כאן תואבה לך ותגני תמרתה
- פי //דאר// אלדניא ופי דאר אלאכר העולם הבא ולו לם
- יחצל ללכאדם מן גהה האולי אלקום מא
- יתזכא עליה ואן צגט וגדה ואקאם מא עסי
- אן יקים בטאל למא כאן לה וגה אן יטלב מן אל
- מולא שי וכתאב אלשיך סולימאן אלדי כאן יתצמן
- אן פולאן מתי מא פתח דוכאן פתסאעדה
- מן ענדי ומן ענדך בשי יסתעין בה עלי
- זמאנה ואן מקצוד אלכאדם //פי// דלך גמיעה
- אכד ראי אלמולא ומשורתה פי מא ינפעל
- ואלמולא פיעלם אן כל שכץ דו עקל ודין פלא
- ימכן אנה אדא [[ל.]] לחקתה אגאחה בסבב
- תפריט אן תקדם תם חצל אלאלם אלעטים
- בסבב דלך פלא ימכן אן יעוד אלי מתלהא
- אבדא ואן אכבר שהוא/י/תי ספירה מן אסכנדר
- פי אלבחר אלמאלח פי מראכב אלצליביה
right margin, diagonal lines at 180 degrees to main text
פאן ראה אלמולא | וחסן פי ראיה דלך | פלא כלאח ואיצא | אלדכול מע אל |
שיך סמול פי | אלמטבך פהו | איצא גייד | פשהותי אזאלה | אלגפלה ואכד
אל | ראי] //פי// מא ינפעל
ENA 1822a.7 1
verso
- חצרתהא מכדומה באגל אלסלאם ואפצלה
- ועלי כל מן תחוטה ענאיתך אלסלאם ושלום
- ולא יצן אלמולא באן כאדמה מן אלאקואם
- אלדי יסתאנס אלי אלאמור אלדניה אלדי לא
- תליק במתלה פואללה אלעטים לו אנני
- אגד פסחה אלי תרך אלוגוד בגיר אכתסאב
- אתם למא ופרת נפסי ענה ענד אלמדלה
- וכנני קד אסתבשרת ברחמה אללה
- ואעאדה פצלה ואחסאנה וקד קצדת
- באב אללה ובאב אלמולא ולו אנך אלא
- תשרפני כל משורה פקד ותקת נפסי
- ומאלת אלי אחסאנך ולא יצן אלמולא אן
- יערק אלאמר סוא אלנכוה ואלמרוה אל
- משהורה ענך וסלאם ויא מולאי
- אלשיך אבו סעד אסעדך אללה בתופיק
- ואעטאך נעים אלדניא וורתך תואב אל
- אכרה עלם אן כל מא ינפעל מן אלכיר
- פאנת תכון סבבה ותשמלנא פיה
- אחסאנך ברכאתך ושלום
right margin, diagonal lines
לא תם | סבב אן | תאני
