מכתב: T-S 8J41.11

מכתב T-S 8J41.11

מטא-דאטא

מספר מדף
T-S 8J41.11
שפה עיקרית
Judaeo-Arabic

What's in the PGP

  • תמונה
  • 1 Transcription

תיאור

Letter from Ascalon to the Nagid in Egypt concerning a dispute in the community over synagogue expenditures, 1st half of the 12th century.

תגים

Additional metadata

Collection
Cambridge University Library, Taylor-Schechter
Historical shelfmarks
TS Box 8 J 41, fol. 11; TS Box 8 J 41, f. 11; TS 8 J 41, fol. 11; TS 8 J 41, f. 11
תאריך קלט
In PGP since 1987
תמונה
תיעתוק
תרגום

T-S 8J41.11 1r

1r
משה גיל, (634–1099) ארץ-ישראל בתקופה המוסלמית הראשונה‎ (in Hebrew) (Tel Aviv: Tel Aviv University, 1983), vol. 3.
  1. [ ]נא לא מא יעמר בהא אלא [י]שתרא מנהא חצר [לל]כניסה
  2. יקעדו אלגמאעה עליהם (!) פכאן גואב אלגמאעה לה מן אראד
  3. יקעד עלי חצור יוגמע תמן אלחצר מן אלגמאעה כמא גרת
  4. אלעאדה פי גמיע אלכנאיס ואלדי הוא ברסם אלקדש תצרף פי עמארה
  5. אלכניס במא אתפקו מועצם אלגמאעה והם כמסין יהודי עלי ראי
  6. ואחד פי אלעמארה לבית הכניסת (!) פכאן גואב אלחזאן ללגמאעה
  7. אדא קלתו אנתם יועמר בהא אקמת חצאכם עשרין וקאומוכם פי
  8. אלדי טלבתוה חתי יטרח ביננא אלמחלוקת פמשו עלי אלביות אלחזאן
  9. ואכוה וחזב עלינא בעץ אלגמאעה אלכליליין והם סתה עשר (!)
  10. רגל אלפרנאס ואכותה פלמא תחקקנא מנהם הדא אלפעל לזמנא
  11. ביותנא אנקטאע ללמחלוקת וטלבה ללשלום ואקמנא לאזמון (!)
  12. ביותנא מדה ונחן כמסין ובקית אלכניס אלאסאביע אלדי אקמנא פיהא
  13. לאזמין (!) ביותנא לם יצלא פיהא ולא יופתח פיהא ספר תורה לא יום
  14. אתנין ולא כמיס וכאן איצא קול אלפרנאס כל מן דכל הדה (!) אלבלד
  15. מן גריב וואטן רקבתה תחת קדמי פאמתעצנא לדלך גאיה אלאמתעאץ
  16. ולם נגאובה עליה כלמה ואחדה טלבה ללשלום ואנקטאע מן אלמחלוקת
  17. תם אן גמעו אלגמאעה אלי בית אלחזאן ותקאנו גמיע עלי לקאנא וצרבנא
  18. וכצאמנא אדא נזלנא אלי אלכניס ולם נזל לאזמון (!) ביותנא חתי וצל

אלדיאן

  1. אלפאצל אלמנדוב עלינא ישמרו צורו רגב אלינא וסאלנא אן ננזל מעה
  2. אלי בית הכניסת (!) יעמרהא אללה בבקא הדרת הנגידות תכון לעד פקבלנא
  3. אמרה באלסמע ואלטאעה וקלנא לה מא ננזל מעך אלא בחית אן לא
  4. יקול אבן אלפרנאס עלי רוסנא נשמת לאן מא כנא נתגאצא אלא בחית

T-S 8J41.11 1v

1v

verso

  1. אן כנא מתפקין וכאן אלשלום ביננא וכנא כלמה ואחדה ואסעה בעד
  2. אן גרא מנכם אלתחזב ואלאימאן עלינא חלפנא גמיע אן לא יקול עלי
  3. רוסנא נשמת אלא אן יקום מנא //איצא//נחן צבי יכון לדא סבת ולדא סבת
  4. פתוצט אלדיאן שמ צו ביננא בעד כטוב יטול שרחהא אן יכון לדא סבת
  5. ולדא סבת פנזלת אלגמאעה כא/מ/לה //תאני סנת// מע אלדיאן אלי אלכניס

פאסתקר בין

  1. אלגמאעה אן יקומו אלצביין גמיעא יקולו נשמת חתי יתם אלשלום
  2. פקאל אלפרנאס ואבנה ללצביאן אנזלו וחק מא יכון הדא אבדא ולא נמכן
  3. בשר יקול נשמת אלא אלחזאן וחדה פלמא קאלו הדא אלקול ואנזלו צבינא
  4. והו יתום ואוגעו קלבה מן עלי אלאנבול חלפנא אלכמסין רגל אלמקדם
  5. דכרהם אן לא יקול נשמת עלי רוסנא צבי בתה לא לנא ולא להם
  6. אלא אלחזאן וחדה וקד אעלמנא חצרתהא ירום הודה וירבה כבוד[ה]
  7. בקציה מא גרא ואלאמר ללה תעאלי ולהדרתה הקדושה תכון לעד ול[עו]ל[ם]

address

  1. יוכתב
  2. עלואן אלכתאב
  3. עבידהא גמאעה אלעסאקלה ומן אנצאף אליהם מן אלכליליין וגירהם
תנאי היתר שימוש בתצלום
  • T-S 8J41.11: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
Cambridge University Library, Taylor-Schechter, T-S 8J41.11. Available online through the Princeton Geniza Project at https://geniza.princeton.edu/documents/2132/, accessed December 26, 2024.
https://geniza.princeton.edu/documents/2132/