רשומה קשורה ל-מכתב: Bodl. MS heb. d 75/26

Alan Elbaum's digital edition (2026).

כאדמהא אלאצגר
[בש]מ רחמ
אחסאן אלחצרה אלעאליה אלאגליה אטאל אללה פי דרוה אלעז בקאהא
ואדאם פי דרג אלעלו ארתקאהא ואעלי שאנהא וכלמתהא וחרס מן
אלגיר מדתהא ואכדל בצגאר אלדל גאחדי אנעאמהא וחסדתהא
וכתרה אמתנאנהא יוגב אלתבסט בין ידיהא וכראם כלאיקהא
יפסח פי אלתהגם עלי מכין גודהא כאץ בדלך מן הו גריק פצלהא
מגמור סולהא(?) חקיקא בצדק כדמתהא מסתתרא בצל כהפהא
[מ]תתוגא באלקרב מן טאעתהא מסתפיד בדלך גודא ופכרא
[. . . .]ב אן תוסעה חלמא ואן גהל ותמדה כרמא ואן גפל מצאף
[אל]י דלך תשפעה בברהא אלצאדק אלטאיל ואנעאמהא אלפאצל אלנאיל
[אל]די אתקל כאהלה ואוקר לסאנה שכר איאדיהא ולם יבק טאקה
[. . .]ל . ת יסיר אמתנאנהא וחקיר מן אחסאנהא פאדא קבלת
[. . . .]עתה ודפע ענה מא יכאפה מן גצב יחצר ועאיד באללה
או סכט דכר חאגתה וקדס לצראעה ואלרגבה פי חסן אלטן
במא יקתרחה וידכרה וגיר כאף ען {א}למעיתהא אדאם אללה
קדרתהא צורה חאל כאדמהא סרא וגהרא ומא הו עליה
פי גמיע אחואלה ויקנע בדלך אן ידכר מנהא שי ולמא אנעמת
חצרתה אלעאליה עלי כאדמהא במא הו פיה ממא קד אנעשה
וגדד אללטף בה ומן יל . . מתצדקה בדלך עליה מן גיר מוגב
פי אלכתאבה ולו כאן דלך פלם יבק אן יכון דלך אלא צדקה מן
מראחמהא והדא וחק ברית אלהים אעתקאד כאדמהא אנא
באטנא וטאהרא וצמירי יחקק אן לא אסתחק מן . . [. . . . . .]
[. . . . . . . . . . .] ולא אעדה אלא מן מאלהא [. . . . . . . . . . .]
[. . . . . . . . . . . .] טוילה ישתהי יכאטב[. . . . . . . . . . . . . . .]
[. . . . . . . . . . . . . . .]ם על[. . . . . . . . . . . . . . . . . . . . . . .]

Bodl. MS heb. d 75/26 26 recto

Bodl. MS heb. d 75/26 26 verso