רשומה קשורה ל-מכתב: T-S 10J16.35

מכתב T-S 10J16.35
  1. ציטוט
    Matthew Dudley's digital edition (2026), available online through the Princeton Geniza Project at https://geniza.princeton.edu/documents/17015/.
    Relation to document
    • Digital Edition
תמונה
תיעתוק
תרגום

T-S 10J16.35 2r

°
2r
Matthew Dudley's digital edition (2026).

Recto

  1. בע׳׳ה היום יום ב׳ ٧ אדר ב ש׳ קנ׳׳ז
  2. אחינו אל סי׳ מרקאדו קארו וחברה אל סי׳ 
  3. שמעון פ'ראנסיס נר׳׳ו
  4. אחדש׳׳ו נערפכם יא מחבנא כאן אמס תאריכ'ו וצלנא
  5. מכתיבכם ٣ וכאמל מא שרחתו צאר מעלומנא
  6. ווצלנא מן דכלכום צאפי׳ גמר ٥ וגמר ٦ ותזכרת
  7. אל בון וקידנא לכם תמנו ונערפכם יא מחבנא
  8. אן אטלענא עלא תזכרת אל בון לקינא סאקטין
  9. עלא אל עיאר רטל ٥٥ ואל חאל אן אל קטעתין אלד'י
  10. בענאהום גיה אל פ'ארג כתאמהם רטל ענה ٣١
  11. ואלאוכ'רין אלד'י פ'אצ'לין פ'צ'לין באס נצ'יר(?) אל
  12. אולגיין פ'י כיפ' סאקטין ٥٥ יבקא אומאל לם
  13. פ'רגתוהום ועירתו אל פ'ארג פ'י כדה מן פצלכם
  14. תבקו תלקו באלכם לנובה אוכ'רה לם תסקטו  
  15. באל תהמין מא פ'ישי אחסן מן אל תפריג ותעירה
  16. אל פ'ארג ונערפכם אן קטעא מן אל אתנין אלד'י
  17. בענאהום כ'סב רטל ענה ٣ והי אל ٣٥٢ גאבכם
  18. רטל ענה ٣٤٩ ואל תאנייה רטל ٣٥٩ גיה וזנהא
  19. מזבוט יכון מעלומכם ונערפכם כאן סער אל בון
  20. בתאריכו סער ١٠٥ יכון מעלומכם כדה אחנה
  21. לתאריכו לם אתצרפנא פ'י אל קטעתין אל אוכ'רין
  22. יכון מעלומכם ומן קבל אל דוכ'אן יעלם דבונא
  23. יא מחבנה כאן מונא(?) עינא אן יכון מוגוד ונאכ'וד
  24. לכם מטלובכום אן שא אללה מתא חוצ'ר מרכב
  25. אל לדקייה נאכ'וד לכם מטלובכם עלא אל ראס
  26. ואל עין ומן קבל סער אל רו.ה(?) בתאריכו סער ٧٠
  27. ריאל ומן קבל אצעאר (=أسعار) אלמעלה בתאריכ'ו בטרפנא
  28. אל ריאל ١٨٧ ויאל מחבוב ٢١٣ אל פנדוקלי ٣٤٠
  29. מחבוב אסט'(?) ٢٤٠ אל מגר ٣٦٠ ולאכין קליל דבלון ٦٤
  30. אל פצה ٤٥ אל אלפ' ארבע מחבוב אל ואחיד
  31. ומן קבל אלד'י בתקולו לנא ענדכם כ'בר מן  

Recto, right margin (inner fold)

  1. גמעא ערילים אן סער אל בון בטרפנא אל קוטם ١١٠ ואל פרוק סער ١٠٨ יא מחבנא גיה לם הווה מנאסב מנכם
  2. לאן שריך וכ'איין לם יתפ'ק הווה אחנה ראיחין נביע בסער ונערפכם בענה בסער דה שאי עומרו(?) מא וגדו ותאנין
  3. עלה ד'אלך אן אחנה קארין מעכם שיר למעלות בקא חתא אד'ה כונה כ'אינין לם יצח נפ'ות עלה שיר למעלות
  4. ואן כאן בתקולו אן באס בתועונא יעני אחנה בהאיים ואל חמר לאלה אן אחנה פ'י וכאלת תוגאר וכאמל אל בון
  5. אלד'י בינבאע פ'י דמיאט גאלבו בנקבץ' תמנו אחנה בקא אד'ה כ..ה כושמה נשופ' אל תזכיר אלד'י מעאנא
  6. לל נאס נערפ פ'י כדה לם תאכ'דו באלכם שאי מן ד'אלך ונערפכם אן חוצ'רת מכתיב גמעא תגאיר
  7. בטרפ'נא מן קבל סער אל בון אן עאוד נזל אלא ٤٧ פרנסה ועליה ברור פ'י טרפכם פ'י כדה תאכ'דו
  8. לנא כאם קטעא ותרסלוהום לנא  ותשתרו פ'י אל מושתרה אל נובה ביה אחסן אל נובה אלד'י מצ'ת אלד'י -
  9. עמלתו לם הווה עמאייל מתסבבין יחצל אל בון ٤٣ פרנסה ולם תאכ'דו ותאכ'דו סער ٤٧ ולאכין
  10. אלי צאר מובאריך וצחיח אל חאק מעאכם מא חאד יעלם אל גיב והלכת אן תרסלו לנא תזכרת אל דיואן
  11. חאלן אחסן כאתב כאתבינהום פ'י אלדיואן עלה אל גויש ואן מא חוצ'רת יאכ'דו גומרוך פ'י כדה תרסלוהא לנא חאלן
  12. ונערפכם אן ענדנא בתאריכ'ו ٧٠٠ פרנסה ואכ'דינהום סער (?)١٨٦ יכון מעלומכם בע׳׳ה מתא חוצ'ר מעאני נרסלוהום 

T-S 10J16.35 1v

°
1v

Recto, right margin (outer fold)

  1. לכם והלכת כמאן נאכ'וד פוקהום גומעית תאריכו אלי יבעתו דבונא באס פ'י כ'טרנא ינגדו מעשתם(?)
  2. ונרסלו לכם והלכת עאן אכ'רכם לנא באס קטעית בון ותרסלוהום לנא חאלן ולם נטיל עליכם אלא ב..ל כי׳׳ר
  3. ור׳׳ש לכו׳׳ל השואל בישלומינו שלמא רבא ושלום הצעיר
  4.                                                   אברהם      גבריאל
  5.                                                     המאן         חפז
  6.                                                      ס׳׳ט         ס׳׳ט 

Verso, addenda

  1. ותרסלו לנא רגעת אל
  2. גרש ٣٠٠٠ אחסן פאצל לנא
  3. מנהא דרהם וש׳׳ש
  4. ואל בון אלד'י תאכ'דו
  5. יכון גזיר (=غزير) אלד'י -
  6. ארסלתו לנא לאן
  7. אל טייב חתא אד'ה
  8. לם כאן סוק אל טייב
  9. יביע ב.חו ו.מתום
  10.        בכיר

T-S 10J16.35 1r

°
1r

Verso, address

  1.                               בע׳׳ה
  2. אחינו אלסי׳ מרקאדו קארו וחברו אל סי׳ שמעון פרנסיס
  3. בה׳׳ם                      יאי׳׳ר                     אכי׳׳ר
  4.                               ופיגי׳׳ן
  5.                                 נחש

T-S 10J16.35 2v

°
2v
תנאי היתר שימוש בתצלום
  • T-S 10J16.35: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.